Strubegger Iris

Aus Wikipedia
Zur Navigation springen Zur Suche springen
Der Artikl is im Dialekt Pongaurisch gschrim worn.
Struawegger Iris
Strubegger Iris
D' Struawegger Iris (2010)
Kurschzbschreiwung Model
Geburtsdaatum 21. Juli 1984
Geburtsort Schworschzach an Pongau

D' Struawegger Iris (* 21. Juli 1984 in Schworschzach an Pongau, Soizburg) is a estareichischs Model. Aufgwouxen iss in Seiger Hons an Pongau.

Leem[VE | Weakln]

D' Struaweggerin is in Seiger Hons an Pongau aufgwouxen. Durten hods aa d' Schuin bsuacht, oane davoh is d' Musihauptschui gwein.

2001 iss durch an Studentenaustausch fia droi Monad in New York City gwein und is durten vo am Agenten endeckt wourn. Im drauffoigeaschten Jour houds Testbijdel fia a Casting gmoucht und houd ba Elite Model Management irn easchten Vatroug gmoucht. Da Struaweggerin ir Karrier houd auf'm Laaffstejg ohgfonger.

Sie is fian Calvin Klein fia d' S/S 03 Saison glaaffm. An Jenna 2003 iss fia ir easchte Kampagne buacht wourn. Sie is as Gsiecht fia Armani Collezioni vo Giorgio Armani wourn. A Jour spaader houd sa se entschien mim Modeln vuriwageheascht aufzanhern, ums Studium fia Digitois Fernschaun in da Fochhochschui Soizburg in Puach ba Hallein ouzanschliassen. 2007 houds as daneit gschoufft und d' Struaweggerin houd fia Supreme in New York und fia Women Management in Paris und Mailond unterschriem. Vah Russel March, 'm Casting-Direktar fia Prada und Miu Miu iss fia Pop buacht wourn. Aa am Laaffstejg iss wiader efters zan seeng gwein. Sie houd d' Valentino- und d' Dries-Van-Noten-Show daeffneascht. 2008 is da Fotograaf Steven Meisel auf d' Struaweggerin aufmerksom wourn und houd mid ir a Fotoshooting gmoucht.

A' da Zwischenzeid houds oiwei wiader Gleengheid mid vie bekonnte Topfotograafm vo da Modebranche ghoubb zan orweiten, wia z. Bsp. Craig McDean, David Sims, Mert Alas und Marcus Piggott, Inez van Lamsweerde und Vinoodh Matadin, Mario Testino, Karl Lagerfeld, Paolo Roversi, Mikael Jannson, Daniel Jackson und Patrick Demarchelier.

Fyr d' S/S 09 Saison iss auf boanouh 70 Shows gwein. Fyr d' A/W 09 Saison sans 80 gwein. Sie is unter onderm fia Shiatzy Chen, Narciso Rodriguez, Dolce & Gabbana, Alexander McQueen und Sonia Rykiel glaaffm. Sie is unter onderm as Gsiecht vo Balenciaga, Pepe Jeans, Pollini und Dolce & Gabbana gwein. An Mai 2009 is d' Struaweggerin oahs va dia Gsiechter vo Givenchy mid Mariacarla Bosconi und Adriana Lima wourn. Sie is ausserdem noh s Gsiecht vo Valentino.

An September 2010 houds mim Karl Lagerfeld a Fotoshooting ghoubb aus dem oanige Aufnomen fian Pirelli-Kalender 2011 vowendt wourn sand. D' Struaweggerin is durch ir Gmoasome Zommorwad auf oanige Kampangen und 'm Aufenthoid in New York aa mid da Heidi Mount, Eniko Mihalik und Katrin Thormann eng bfreindt.

Am 6. August 2011 houd Struaweggerin in da Kirch zan Heiling Primus in Buachberg ba Behofen an Pongau an Soizburga Lond irn Jungdfreint Rottenstoaner Woifgong (Rottensteiner Wolfgang) gheiratt.

An September 2011 iss auf'm Cover vo da deitschen Vogue zan seeng gwein.

Im Netz[VE | Weakln]