Text:Ored on d Waidla
Josef Max Schuegraf: Der Wäldler: Gedichte in der Mundart des bayerischen Waldes. Wiazburg, 1858
Ored on d Waidla
[Am Gwëntext werkeln]Weil vül vo mia volongt schoo hom,
An Gsang von Waidla Land,
So hon i, wenn aa ned goa z lom,
Do gschriem vo ollahand.
Jez hobts ees, saouchts enggs selba aus,
De Lieada ausm Wold,
I hoff, mia lests in jeidn Haus, -
Nua droo, vosaouchts ees hold! -
Und wenn s engg gfolln thäan, freuts me recht!
Es wissts ja wohl, woarum;
Sie san, weads seng, ned goa so schlecht,
Wenns iamol schlong aa um.