Tracht Man

Der Artikl is im Dialekt Bassauarisch gschriem worn.

Da Tracht Man is a boarischa Comicbuach-Charakter, wo da Kloiber Christopher se 2016 ausdenkt hod. Da Kloiber moind de Comics dazua, verlegt's bei seim eigna Verlag "Plem Plem Productions" und schreibt d'Gschichtn mitm Mehrtens Henning zamm. Seitm Juni 2017 kimmt olle boa Monat a neie Ausgab aussa, und zwar oane auf Houhdeitsch und oane auf Boarisch. D'boarische Ibasetzung schreibt da boarische Youtuber Birger.

Da Tracht Man is a glassischer Superhejd, wo oba-r-aa scho an d'Superhejdn-Parodie grenzt. Er hod recht unspezifische Superkräft: Soi hoaßn, dass ar stoak is und weid hupfa ka, ma oba jeweis as genaue Ausmaß ned kennt. D'Bsundaheit is, doss ar se verwandln ka, je nochdem, wos fia a Bier doss ar drinkt.

In de oanzejna Ausgam han etliche Querverweis auf d'Comickuitur im Allgemeina oba bsundas aa zur boarischen Folklore, Kuitur und "Populärkuitur" (z. B. da Woiperdinger, as Schofkopfa, da Brandna Kaschba oda da Pumuckl) genau aso wia zur boarischn Gschicht und Zeitgschicht (z. B. d'Guglmana und as Raumfahrprogramm Bavaria One) drinnad.

Ausgam

Seitm Juni 2017 han scho zweif reguläre Ausgam, zwoa Sunderaugsam und oa "Tracht Man präsentiert" aussakemma.

Regulär

1. Tracht Man und as Oa vom Lindwurm (= Tracht Man gegan Saubreissn)
2. Tracht Man und de Schpui vom Nepomuckl
3. Tracht Man: D'Nacht vom Schwan
4. Tracht Man: Midanand gegan Blitzpöbel
5. Tracht Man: Bavariana erwacht!
6. Tracht Man: Mission Mond
7. Tracht Man im Reich vom Boandlkramer!
8. Tracht Man: Bavariana, die boarische Superheldin
9. Tracht Man: Kampf im Untergrund!
10. Tracht Man: Der Eroberer Teil 1
11. Tracht Man: Der Eroberer Teil 2
12. Tracht Man: Weihnachten in Nürnberg

Sunderheftl

1. Tracht Man gegen den Wolpertinger
2. Tracht Man gegen den Erlkönig

Tracht Man präsentiert...

1. Boarische G'schichten: Notruf aus da Bierkruagstodt! Mid dabei: Tracht Man und Bazi-Boy, der Wunderbua!

Nemcharakter

In de Tracht Man-Comics kemmand freile aa a Haufa Nemcharakter fia, wo eam hejfand oda in da oa oda andan Weis gega eam spuind. Im Foigadn hánd de Nemcharakter in Freindt und Feindt, a klassische "Rogues gallery", eiteilt.

Freindt

• Kurt: Da Kurt is am Tracht Man sei Hejfa vo da Zentrale aus. Er bleibt oiwei drom in da Oktoberfestung, eanana fliagadn Hauptbasis, vo wo aus ar mitm Tracht Man per Funk in Kontakt bleibt und erm Hilfestellung leist.
• Da Schwan: Da Schwan is da erste Superhedjnkolleg, wo da Tracht Man drifft (Heftl 3). Der hod sei Hauptquartier untahoi vom Schloss Neuschwanstein in a Grottn, de wos ar "Schwanenhöhle" hoaßt. Seine Hauptgegner hánd d'Guglmana (schau drunt). Genau wia de hod ar aa d'Graft vo de "Brennadn Bratzn", grod doss de sein blau hánd.
• Bavariana (Vroni Macht)
• D'Germen
• Boandlkramer

Feindt

• Dr. Fargo
• Nepomuckl
• D'Guglmana
• Blitzpöbl
• Da Trumpf
• Da Henker

Im Netz

• D'offizielle Internetseitn