Wåppm vu Südgeoagien und vu de Südlichn Sandwichinsln

Aus Wikipedia
Der Artikl is im Dialekt Owaöstareichisch gschriem worn.
S'Woppm vu Südgeoagien und vu de Südlichn Sandwichinsln

Das Woppm vu Südgeoagien und vu de Südlichn Sandwichinsln is im Joa 1985 augnumma woan, oiso in dem Joa, in dem des Territorium a eingne Vafossung kriagd hod. Voahea han Südgeoagien und de Südlichn Sandwichinseln a de Falklandinseln untastöid gwesn und s'Woppm vu dera Inslgruppm hod fia Südgeoagien aa güitig gwesn. Voa 1962 is des Gaunze nu a Teu britischn Antarktis-Territorium gwen und desweng is dozumois s'Woppm vu dem Territorium heagnumma woan.

S'Woppm vu Südgeoagien und vu de Südlichn Sandwichinsln bestehd aus am Schüid, in dem a goidena Löwe auf am greanen Hintagrund a goidene Foggi mid ana rodn Flaumme in seine Brazn hod. Des soi s'Vareinigte Kinireich und d'Entdeckungsgschicht sümbolisian. In dem Föid san üwa'm Löwn nu zwoa goidene sexzackige Stean, links und rechts vu dem bis iatst bschrimnen siachd ma a blau-süibans Rautnmusta, des ma si vum James Cook seim Woppen ogschaud hod.

Heraldisch gseng rechts vum Schüid stehd a Seebäa auf am Föisn, eam gengüwa a Goidschopfpinguin auf ana Eisschoin. Des han zwoa Viecha, de in Südgeoagien dahoam san. De Viecha han in eanara natialichn Foab doagstöid. Üwa'm Woppm schaud am a Rentia entgeng. Zwischen dem Viech und am Schüid is a Höim mid blau-süibana Höimzia. Unta'm Woppm stehd auf ana Schleifn auf Lateinisch gschrim s'Motto vu de Insln: „Leo Terram Propriam Protegat“ (da Löwe soi sei eingnes Laund beschützn).

Des Woppm is aa in da Flaggn vu dem Gebied obüidlt und in da Unionsflaggn vum Zivüikommissar.

S'Woppm vum Departamento Islas del Atlantico Sur[Werkeln | Am Gwëntext werkeln]

Woppm vu da Provinz Tierra del Fuego, Antartida e Islas del Atlantico Sur

Argentinien beaunspruchd de Insln ois Teu vum Departamento Islas del Atlantico Sur (Beziak Südatlantische Insln) fia si und rechnts da Provinz Feialaund zua. S'Woppm vu dea Provinz güit in eanara Sicht aa fia Südgeoagien.