Quöntext voh da Seiten Wean auhschauh

{{Dialekt-oben|Ostmittelbairisch|Weanarisch|Sort=Österreich}}

{| class="float-right" style="width:290px; font-size:90%; background:#FAFAFA;  border:1px solid #bbb; margin:0px 0px 1em 1em; border-collapse:collapse;" summary="Infobox"
|-
| colspan="2" style="background:#ffffff; text-align:center; font-size:135%;" | '''Wean'''
|- class="hintergrundfarbe2"
| colspan="2" style="font-weight:bold; padding-left:8px; border-top:solid 1px #bbb;" |
|- class="hintergrundfarbe2"
| colspan="2" style="background:#ffffff; text-align:center; | [[Datei:Wien - Stephansdom (1).JPG|300px]]
|- class="hintergrundfarbe2"
| colspan="2" style="font-weight:bold; padding-left:8px; border-top:solid 1px #bbb;" |
|- class="hintergrundfarbe2" style="text-align: center;"
| style="background: #ffffff;width: 145px;" | [[Datei:Flag of Vienna.svg|150px|Landesflaggn]]
| style="background: #ffffff;width: 145px;" | [[Datei:Wien 3 Wappen.svg|100px|Landeswoppn]]
|-
! colspan="2" style="background-color:#ABCDEF; border:1px solid #bbb;" | Logo
|- 
! colspan="2" style="text-align:center;"| 
|-
|- bgcolor="#FFFFFF"
! colspan="2" style="background-color:#ABCDEF; border:1px solid #bbb;" | Basisdatn
|- bgcolor="#FFFFFF"
| [[ISO 3166-2:AT|ISO 3166-2]]:
| AT-9
|- bgcolor="#FFFFFF"
| [[Kfz-Kennzeichn|Kroftfoahzeigszeichn]]:
| W
|- bgcolor="#FFFFFF"
| [[Gmeindekennzoi]]:
| 90101 - 92301
|- bgcolor="#FFFFFF"
| [[Postleitzoi]]hn:
| 1010-1423, 1600, 1601, 1810, 1901
|- bgcolor="#FFFFFF"
| [[Telefonvuawoi]]:
| 01, <small>international: +43&nbsp;1</small>
|- bgcolor="#FFFFFF"
| Im Netz:
| [http://www.wien.gv.at/ www.wien.gv.at]
|- bgcolor="#FFFFFF"
! colspan="2" align="center" bgcolor="#ffffff" | '''Koartn: Wean in Östareich'''
|- bgcolor="#FFFFFF"
| colspan="2" align="center" | [[Datei:Wien in Austria.svg|300px|Östareich Koartn (Wean)]]
|- bgcolor="#FFFFFF"
! colspan="2" style="background-color:#ABCDEF; border:1px solid #bbb;" | Politik
|- bgcolor="#FFFFFF"
| Buagamasta:
| [[Michael Ludwig]] ([[SPÖ]])
|- bgcolor="#FFFFFF"
| Regiarende Partei:
| [[Sozialdemokratische Partei Österreichs|SPÖ]] und [[NEOS - Das neue Österreich|NEOS]]
|- bgcolor="#FFFFFF" valign="top"
| Sitzvatäulung im Gmeinderot (100 Sitze):
| [[Sozialdemokratische Partei Österreichs|SPÖ]] 46<br />[[Österreichische Volkspartei|ÖVP]] 22<br />[[De Greanan (Östareich)|Greane]] 16<br />[[NEOS - Das neue Österreich|NEOS]] 8<br />[[Freiheitliche Partei Österreichs|FPÖ]] 8
|- bgcolor="#FFFFFF" valign="top"
| letzte Woih:
| 11. Oktoba 2020
|- bgcolor="#FFFFFF" valign="top"
| nächste Woih:
| Oktoba [[2025]]
|- bgcolor="#FFFFFF"
! colspan="2" style="background-color:#ABCDEF; border:1px solid #bbb;" | Bevökarung
|- bgcolor="#FFFFFF"
| valign="top" | [[Eihwohna]]: <br /> [[Bollungsraum]]:
|  2.717.459  <small> ([[2015]])</small> <br /> 1.867.582 (1. Jenna [[2017]])
|- bgcolor="#FFFFFF"
| [[Bundeslaund (Östareich)|Raung]]:
| 1. von 9
|- bgcolor="#FFFFFF"
| [[Bevöikarungsdichtn]]:
| 4.502 Eihwohna/[[km²]]
|- bgcolor="#FFFFFF"
! colspan="2" style="background-color:#ABCDEF; border:1px solid #bbb;" | Eadkunde
|- bgcolor="#FFFFFF"
| [[Fläch]]:
| 414,87&nbsp;km²
|- bgcolor="#FFFFFF"
| - davo Laund:
| 395,57&nbsp;km² (95,3 %)
|- bgcolor="#FFFFFF"
| - davo Wossa:
| 19,30&nbsp;km² (4,7 %)
|- bgcolor="#FFFFFF"
| - Raung:
| 9. vo 9
|- bgcolor="#FFFFFF"
| valign="top" | [[Geografische Log]]:
| {{Koordinate Text Artikel|48_12_30_N_16_22_23_E_type:city(1631082)_region:AT-9_scale:90000|48° 07' - 48° 19' N 16° 11' - 16° 34' O}}
|- bgcolor="#FFFFFF"
| valign="top" | Ausdehnung:
| Noad-Sid: 22,4&nbsp;km <br />West-Ost: 30,0&nbsp;km
|- bgcolor="#FFFFFF"
| valign="top" | Hechsta Punkt:
| 542 m (Hermannskogel)
|- bgcolor="#FFFFFF"
| valign="top" | Tiafsta Punkt:
| 151 m ([[Lobau]])
|- bgcolor="#FFFFFF"
! colspan="2" style="background-color:#ABCDEF; border:1px solid #bbb;" | Vawoitungsgliedarung
|- bgcolor="#FFFFFF"
| valign="top" | Hieb:
| 1 Statutarstod<br />23 [[Weana Gmoabeziake|Hieb]]
|- bgcolor="#FFFFFF"
| Gmeinden:
| 1
|- bgcolor="#FFFFFF"
| - davo Städt:
| 1
|- bgcolor="#FFFFFF"
| - davo Moaktgmoana:
| 0
|- bgcolor="#FFFFFF"
! colspan="2" align="center" bgcolor="#ffffff" | '''Koatn: Wean und seine Hieb'''
|- bgcolor="#FFFFFF"
| colspan="2" align="center" | [[Datei:Vienna, administrative divisions - Nmbrs.svg|300px|Beziake vo Wean]]
[[Weana Gemeindebeziake|Beziake vau Wean]]
|- bgcolor="#FFFFFF"
|}
[[Datei:Michael Ludwig - Veranstaltung „1. Tag des Wiener Wohnbaus“ (2).JPG|miniatur|[[Buagamoasta|Buagamaasta]] Michael Ludwig (2020)]]
'''Wean''' (aumtle: ''Wien'', in aundane östareichische Dialekt aa ''Wian'', {{slS|''Dunaj''}}) is de [[Haptstod|Hauptstod]] und zgleich a Bundeslaund vau [[Östareich]] (aumtle: '''Österreich'''). De Stod is mid 1.920.949 Einwohna (Staund [[2021]]) de gresste Stod vaum Laund, so wia de zweitgresste deischsprochige Stod nach [[Berlin|Börlin]]. Im Großraum Wean lebm iwa 2,8 Müllionen Menschn, a Viatl vau olle Östareicha. Wean is de dritte [[UNO]]-Stod und da Sitz vo vü internationale Organisationen, wia z.&nbsp;B. da OPEC, da OSZE oda vo da Internationalen Atomenagiebeheadn IAEA. De Oidstod vo Wean is im Dezemba [[2001]] vau da UNESCO zum Wödkuituaerbe eakleat wuan.

Wean woa joahundatelaung ''kaisaliche Reichshaupt- und Residenzstod'' vau de [[Habsburg]]a und hod si in dera Zeid zu an kulturöin und politischn Zentrum vo [[Eiropa]] entwicklt. Ois ehemois viatgresste Stod vau da Wöd, noch [[London]], [[New York City|New York]] und [[Paris]], hod Wean um [[1900]] scho zwa Müllionen Eihwohna zöhd. Nochn easchtn Wödkriag is owa mit Wean bergo gaunga.

[[2009]] is Wean ois Stod mit da hextn Lemsqualität wödweit auszeichnet wuan. Des is vua oin auf foigendn positivn Faktoan zruckzfian: A hocha Greaaunteu (rund 50%), a guade ökologische Qualität, a hoche soziale und polizeiliche Sichaheit, a easchtklassigs Gsundheits- und Büdungswesn, a hoche Dichtn vo kuiturölle Eirichtungan, a effiziente effentliche Vawoitung, a dichts Netz vau effentliche Vakeasmiddln und dann no de bsundare Freizeitqualität.

== Eadkunde ==

Wean hod a a Flechn vo 414,87&nbsp;km² und is damit des klaanste Bundeslaund vo [[Östareich]]. Außadem is es des anzige, wos ka Grenzn zu an benochboatn Laund hod. Es hod quasi an Sondastatus, wäus Bundeslaund und Statutarstod auf amoi is. Deswegn hod Wean a vau olle Bundeslända in grässtn Aunteu aun Vakeas- und Bauflechn, gmessn an da Gress. 11,3% vo da gesaumtn Flechn san bebauts Laund, 11,1% san fian Strossnvakea und 2,2% san Gleiskeapa.
Gleichzeitig is Wean, relativ gseng, a des Bundeslaund mid de meistn Goatnflechn, de wos 28,4% vo da Stod ausmochn und nua s Buagnlaund hod an hecharan Aunteu vo Wossaflechn ois Wean (4,6%).

Wean is ans vo de viar Bundeslända in [[Östareich]], wo Wein aunbaut wiad, insgesaumt san 1,7% vau da Gesaumtflechn Weingeatn. Woid steht auf 16,6% vo da Flechn und Laundwiatschoft wiad auf 15,6% vom gaunzn Bundeslaund Wean betriebm.

=== Stodgliedarung ===

Wean wiad heit in 23 [[Weana Gemeindebeziake|Gemeindebeziake]] untateut. De historische Oidstod, heit da Großteu vom 1. Beziak, woa no im Revolutionsjoah [[1848]] praktisch des gaunze Stodgebiet. Untam Kaisa [[Franz Joseph I. (Östareich-Ungarn)|Franz Joseph]] isses [[1850]], [[1890]]/[[1892]] und [[1904]] zu drei große Stodeaweidarungen kumman. 1850 san de damolign Vuastädd in de Stod eingliedat wuan. Des woan de Gmeindn inneahoib vom [[Linawoi]], de wos ma zum 2. bis 8. Beziak gmocht hod. Späda is da 4. Beziak teut wuan und damit ma dem zweitn Teu de Numma fümfe gem hat kennan, hod ma de bisherign Beziak 5 - 8 afoch umnumarieat in 6-9. Noch an Beschluss vo 1890, dea am 1. Jenna 1892 in Kroft tretn is, san aa de sognanntn Vuaort am rechtn Donaufa eingemeindet wuan. Damit hod Wean dann 19 Beziak ghobt. [[1900]] is da neadliche Teu vom 2. Beziak zum 20. Beziak gmocht wuan. Und bei da drittn grossn Erweitarung im Joa [[1904]] san de Gebiete am linkn Donaufa um [[Floridsdorf]] und [[Kagran]] umadum ois 21. Beziak a no eingemeindet wuan. De neichn Stodgrenzn hom daun bis [[1938]] goit'n. Fia de Auss'nbeziak (10.–23.) is aa de Bezeichnung '''[[Hieb]]''' üblich, owa eigentli soittat nua Favoritn ois zehnta Hieb a so g'naunnt wea'n.

;Gemeindebeziak:
{|
|valign=top|
# Beziak: [[Innare Stod (Wean)|Innare Stod]]
# Beziak: [[Leopoidstod]]
# Beziak: [[Landstraße (Wean)|Laundstroßn]]
# Beziak: [[Wieden (Wien)|Wiedn]]
# Beziak: [[Margareten|Margaretn]]
# Beziak: [[Mariahilf|Mariahüf]]
# Beziak: [[Neubau (Wien)|Neibau]]
# Beziak: [[Josefstadt (Wien)|Josefstod]]
# Beziak: [[Alsergrund|Oisagrund]]
# Beziak/Hieb: [[Favoriten|Favoritn]]
# Beziak: [[Simmering|Simmaring]]
# Beziak: [[Meidling]]
|valign=top|
* 13. Beziak: [[Hietzing]]
* 14. Beziak: [[Penzing]]
* 15. Beziak: [[Rudolfsheim-Fünfhaus|Rudoifsheim-Fünfhaus]]
* 16. Beziak: [[Ottakring]]
* 17. Beziak: [[Hernals|Hernois]]
* 18. Beziak: [[Währing]]
* 19. Beziak: [[Döbling]]
* 20. Beziak: [[Brigittenau]]
* 21. Beziak: [[Floridsdorf|Fluridsdurf]]
* 22. Beziak: [[Donaustod]]
* 23. Beziak: [[Liesing (Wean)|Liesing]]
|}

=== Log ===

Dass Wean zu ana vo de wichtigstn und gresstn Städd in [[Middleiropa]] wuan is, vadaunkts unta aundam da guadn geografischn Log. De Stod liegt zwischn de noadestlichn Ausleifa vo de [[Oipn]] und im noadwestlichn Bereich vaum Weana Beckn. De historische Stod is uaspringlich südlich vau da Donau entstaundn, heit liegt s Stodgebiet auf olle zwa Seitn vaum Fluss. Wean is entstaundn aun an Kreizungspunkt vau oidn Vakeahsstrossn; da [[Donau]] in West-Ost-Richtung und da Beanstaastrossn in Nord-Süd-Richtung. De Donau hod se domois leicht iwaquean lossn, weu se da Fluss im Weana Beckn in zoireiche Seitnoam mit lauta Insln dazwischn zateut hod.

Seidem [[1989]] da Eisane Vuahaung gfoin is, wochsn de kuiturön und wiatschoflichn Beziahungen zu de neadlichn und estlichn Nochboan wieda. Wean is zum Beispü grod amoi 60&nbsp;km vau [[Pressburg]] weg. So noh beinaund san kane aundan zwaa Hauptstädd in [[Europa|Eiropa]].

=== Laundschoft ===

[[Datei:Wean Lainza-Diagoatn.jpg|thumb|right|Wean (vom Lainza Tiagoatn)]]

Rund de Höftn vau Wean san Greaflächn, a gressara Teu wiad sogoa laundwirtschoftlich gnutzt. Des is fia a Stodgebiet gaunz aussagwenlich.

Da tiaftste Punkt vo Wean ist mid 151 m Meeareshechn in da Lobau, da hechste is da Hermannkogl mit 542 m. Im Noadwestn und umme im Westn und Sidwestn vau Wean glaungt da Weanawoid mid seine Gipfln (Leopoidsberg, Koinberg) und seine Wöda bis ins Stodgebiet eine. De [[Donau]] kummt durch de Weana Pfuatn noch Wean eine, des is a Engstö zwischn Leopoidsberg aufn rechtn und in Bisamberg aufn linkn Ufa. Vom Weanawoid owa rinnan außadem an Haufn klane Flissaln in d Stod eine, vo dena da bekaunteste da Weanfluss is. De Beag im Westn gengan in Sidn in eiszeitliche Terassn (Weanaberg, Laa Berg) iwa. Des Gebiet büdd de Weinbauregion vau Wean.

Da Ostn vau da Weanastod is prägt vo de flochn Laundschoftn vom Moachföd, de wos laundwiatschoftlich gnutzt wean. Im Siidostn san de Donauaun, an amolige Aulaundschoft entlaung da Donau, de wos zum Nationäupark gmocht wuan is.

De bessan Gegendn zum wohna san, wia in aundare eiropeische Städt aa, eha aum westlichn Raund gleng, hauptsechlich weu s Wetta vom Westn kummt und de Luft duatn no saubara is. De oidn Industriegegandn liegn dageng eha am estlichn Raund vau da Stod.

=== Klima ===

[[Datei:Klimadiagramm-deutsch-Wien-Österreich.png|thumb|right|Klimadiagramm vo Wean]]

S Weana Klima büdd a Iwagaungsklima mid ozianischn Einfluss ausm Westn und kontinenteun Einflissn ausn Ostn.

Des mochd si im Joaresvagleich duach stoake Schwaunkungen bemeakboa. Insgsaumt hod Wean relativ wenig Niadaschlog und längare Trocknperiodn. De Winta san im Vagleich zu audan Regionen in Östareich relativ müd.

De middlare Lufttemparadua im Stodzentrum liegt im 30-jaarign Duachschnitt ba 11,4&nbsp;°C, in de Aussnbeziak 10,2&nbsp;°C. De middlare Niedaschlogsmenge liegt ba rund 600&nbsp;mm, wobei im Westn vo da Stod im Duachschnitt 741,5&nbsp;mm gmessen wean, im Ostn dagegn nua 514,5&nbsp;mm. 60&nbsp;Summadogn stängan rund 70 Frosttog gegniwa.

In Wean is aa da Sitz vau da ''Zentreuaunstoit fia Meteorologie und Geodynamik'', kuaz ZAMG.

== Gschicht ==

=== Uagschicht, Remazeid, Middloita ===

[[Datei:Wien - Römermuseum, Hypokaustum.JPG|thumb|Remische Ausgrobunga om Hohen Markt]]

Archäologische Fund zagn, doss scho während da [[Altsteinzeid|Oidstaazeid]] Menschn imma wieda in dem Gebiet gwesn san und doss vo da [[Jungsteinzeid|Jungstaazeid]] aun im [[Weana Beckn]] imma Leit gwohnt hom. Aus da Bronzezeid san no Brandgräba erhoidn, und aus da Eisnzeid Restln vo Siedlungen und Grabhigln. Aus da [[Kejtn|Kötnzeid]], oiso da spädan Eisnzeid, is ar a befestigte Hächnsiedlung aufm Leopoidsbeag (19. Hieb) belegt. Um Kristi Geburt umadum woam de Rema aa scho do, da is im heitign Zentrum vo Wean no a kötische Siedlung entstaundn, de was Vedunia ("Woidboch") ghaassn hod.

Im 1. Joahundad n.&nbsp;Kr. hom de Rema an da Stö vom heitign Weana Stodzentrum - in da Nächn vo da Donau - a Mülitealoga (catrum) zua Grenzsicharung aunglegt. De dazuagehearige Zivüstod Vindobona woa im heitign 3. Hieb augsiedlt. De Rema san bis ins [[5.&nbsp;Joarhundad]] bliem. Des remische Legionsloga is daun vo de Germanen bei da Vökawaundarung iwarennt wuan.

=== Habsburga ===

De Herrschoft vo de Habsburga hod in Österreich mitm Sieg vom Rudolf I. iwan Ottokar II. vo Bähmen aungfaugt. Unta de Luxemburga Herrscha is [[Prag]] zua kaisalichn Residenzstod wuan und hod Wean in Schottn gstöit. De Habsburga hom vo Aunfaung aun vasuacht, do mitzhoidn und de Stod auszbaun.

Große Vadienste um de Stod hod si da [[Rudolf IV. (Österreich)|Rudolf&nbsp;IV.]] erwoam, dea wos duach sei gschickte Wirtschoftspolitik in Woistaund stoak aunghom hod. Da Rudoif hod in Beinauman Stifta griagt, wäua [[1365]] de [[Universität Wien|Universität Wean]] grindt hod und s gotische Launghaus vo St.&nbsp;Stephan baut hod.

=== Tiaknbelogarungen ===

[[Datei:Vienna Battle 1683.jpg|thumb|right|Schlocht am Koinberg, 1683]]
[[Datei:Canaletto (I) 058.jpg|thumb|right|Wean im Barock]]

[[1529]] is Wean zum easchtn Moi vo de Tiakn erfoiglos belogat woan. De Grenz zwischn Hobsburgalaund und Osmanien is nur zirka 150&nbsp;km im Ostn vo Wean vorbeigaunga. Fia de Entwicklung vo da Stod woa dees a ziemlich stoake Eischränkung. Dafia hod Wean owa modernste Befestigungsaunlogn kriagt.

De Befestigungsbauweake woan bis ins [[17. Joarhundad]] de wichtigsten Bautn in da Stod und se hom si [[1683]] bei da zweitn Tiaknbelogarung bestns bewährt. De Stod hod dadurch zwa Monat laung den Aunsturm staundghoidn, bis da Poinkenig Jan Sobieski mit an Entsotzhea kumma is und de Tiakn de Belogarung obbrochn hom (Schlocht am Koinberg, 1683).

Des woa da Aunfaung vom schrittweisn Zruckdränga vo de Osmanen aus Middleiropa. Davo hom Östareich und Wean stoak profitiat.

=== Glaunzzeit vo Barock und Klassizismus ===

Noch da zweitn Tiaknbelogarung is Wean aufbliaht. A rega Bauboom hod eigsetzt. Da Wiedaaufbau vo da Stod is stoak vom Barock-Stü beieinflusst wuan (''Vienna gloriosa''). Owa aa außahoib vo de Stodmauan is vü baut wuan. De Vorstädt hom iah eigane Befestigungsaunlog kriagt, den Linawoi, dea umara im Valauf in heitign [[Giatl]] entspricht.

Nochdem zwa Pestepidemien ([[1679]] und [[1713]]) iwastaund woan, is de Bevöikarung ständig gwochsn. In dera Zeid san aa de easchtn Manufaktuan grindt woan, de easchte in da [[Leopoldstadt]]. De Kanäulisation is entstaundn und de reglmäßige Stroßnreinigung is eingfiaht wuan. Des hod de hygienschn Vahötnisse stoak vabessad, de was a de Epidemien mitvaursocht hom.

Wean hod si in dera Zeid zu an wichtign eiropäischn Kuituazentrum gmausat. Bsundas in da Musik is mit da Weana Klassik a Gipfe erreicht wuan. Da Haydn, da [[Wolfgang Amadeus Mozart|Mozart Woifal]], da Beethoven und da [[Franz Schubert|Schubert]] Franzl woan in gaunz Eiropar a Begriff und de beste Weabung fia Wean.

=== De Kaisastod vo Österreich ===

[[Datei:Franz joseph1.jpg|miniatur|left|upright|Untam Kaiser Franz Joseph I. dalebt Wean a Hochzeid in Kunst, Kuitua und Architektur]]

[[1804]] is Wean de Hauptstod vo an neichn Stood, in Kaiserdum Östareich, wuan. [[1806]] is in Wean des End vom [[Heiliges Remisches Reich|Heilign Remischn Reich deitscha Nation]] vakündet wuan.

In de Koalitionskriag is Wean zwaamoi vom [[Napoleon]] eignumma wuan, und zwoa [[1805]] und [[1809]]. Nochn Sieg iwan Napoleon hod in da Stod [[1814]]/[[1815]] da Weana Kongress stottgfundn, bei dem de politischn Vahötnisse in Eiropa neich gordnet wurn san.

De drauffoigende Zeid wiad Voameaz bezeichnet. De Epoche is duach politische Repression, kulturön Aufschwung ([[Biedermeier]]) und duach de aufkummende [[Industrialisierung]] kennzeichnet. [[1837]] is de easchte Eisnbaunstreckn vo Östareich eaeffnet wuan, und zwoa des Stickl vo da Nordbaun vo Florisdorf noch Deitsch-Wagram.

De franzesische Febarevolution vo [[1848]] hod si aa in Wean ausgwiakt. Am 13. Meaz is zeascht de ''Meazrevolution'' ausbrochn und hod in Stootskaunzla [[Metternich]] sea schnö zum Rückzug zwungan, und daun is es am 6.&nbsp;Oktoba zua ''Weana Oktobarevolution'' kumma. Do hod des kaisaliche Militea den Aufstaund vo de Demokratn niedagschlogn.

[[1850]] hod de easchte Phasn vo da Stodeaweidarung augfaungt. De Voastädt innahoib vom Linawoi und de auf de Donauinsln glegane [[Leopoldstadt|Leopoidstod]] san eingmeindet wuan. Ob [[1858]] san dann de Stodmauan um de Oidstod umadum gschliffn wuan. Aun eana Stöö hod ma de Ringstrossn baut, de wos mit Prochtbautn eigraumt wuan is. Vo dem ''Ringstrossnstü'' is Wean bis heit architektonisch entscheidend prägt. Mit da Wödausstöllung [[1873]] is de Grindazeit daun z End gaungan.

[[1868]] bis [[1875]] is de Donau reguliat woan. Scho [[1830]], bei de grossn Iwaschwemmungen, hod ma Iwalegungen dazua augstöd. De gaunzn varestltn Seitnoam vo da Donau san ogrom und zuagschitt wuan und so is a (fost) schnuagroda Strom obseits vo da (domolign) Stod entstaundn. Nua dea ane Oam, dea wos zua Innan Stod gfiat hod, is in reguliata Foam ois [[Donaukanal|Donaukanäu]] belossn wuan.

Ois in Wean in da Middn vom [[19. Joarhundad]] de [[Industrialisierung]] aungfaungt hod, hods a an grossn Bevökarungszuawochs gem.

=== Easchta Wödkriag und Easchte Republik ===

Da [[Erster Weltkrieg|Easchte Wödkriag]] hod zwoa Wean ned unmiddlboa bedroht, hod owa zu ana schwaan Vasuagungskrisn gfiat. Dees Ende vom Kriag woa aa des End vo [[Österreich-Ungarn]]. Da Kaisa [[Karl I. (Österreich-Ungarn)|Karl I.]] hod odankt und Wean valossn. Am 12. Novemba [[1918]] is vuam Parlament in Wean de Republik ausgruafn wuan.

Am 1. Jenna [[1922]] is Wean vo [[Niedaöstareich]] trennt wuan und is seitdem a eigans [[Bundesland (Östareich)|Bundesland]]. De Uasoch dafia woar a Streit zwischn da sozialdemokratischn Stodregiarung und da konservativn Landesregiarung.

De Politik vo da Stodregiarung aus dera Zeid, des sogenaunte „Rode Wean“ güt internationäu ois Pionialeistung. Dazua gheat a dichts Netz vo Sozialeinrichtungen und de tüpischn „Gemeindebauten“ (kommunale Wohnbautn), mit de im grossn Stü Wohnraum fia de Oaweita gschoffn wuan is.

De politische Instabilität in dera Zeid hod si imma weida zuagspitzt und hod [[1934]] zum österreichischn Biagakriag gfiat. Dabei hod de konservative Regiarung a des Bundesheer gegn s Voik eingsetzt. In da Foige is via Joa laung a klerikale, austrofaschistische Diktatur samt Ständestoot etabliat wuan. Wean haums zua „bundesunmiddelboan Stod“ eakläat und de demokratische Stodvawoitung is ogschofft wuan.

Am 12. Meaz [[1938]] hod dann da [[Adolf Hitler]] de deitsche [[Wehrmacht|Weamocht]] in Östareich eimaschian lossn. Mit da Hüf vo de estareichischn Nationäusozialistn hod a de austrofaschistische Diktatur duach de NS-Herrschoft easetzt.

=== Nationalsozialismus und Zweita Wödkriag ===

[[Datei:Wien - Holocaust-Mahnmal (1).JPG|thumb|Schoah-Maunmoi am Judenplotz]]

Nochn Einmarsch vo de deitschn Nationäusozialistn (1938) is in Wean sofuat mit ana massivn Judnvafoigung aungfaungt wuan. Vo de rund 200.000 [[Judndum|jidischn]] Weana, wos domois gem hod, san rund 120.000 ausgraubt und in de Emigration trim wuan (da bekauntasta Flichtling woa vüleicht da [[Sigmund Freud]]), rund 60.000 Weana [[Judn]] san eamoadet wuan.

De Weana Stodvawoitung is noch [[Nationalsozialismus|nationäusozialistischn]] Vuabüüd neich umgstöd wuan. Duach Eingemeindungen is ''Groß-Wean'' entstaundn, a eigana ''Reichsgau'', dea wos daun es Dreifoche vo da heitign Stodflächn ghobt hod.

Obm 17. Meaz [[1944]] hods auf Wean Luftaungriffe gem, dabei is rund a Fimftl vo da Stod zasteat wuan. Im Aprü [[1945]] is Wean vo da [[Rote Armee|Rotn Armee]] befreit oda bsetzt wuan, wia mas hoit siacht.

=== Besotzung und Wiedaaufbau ===

[[Datei:Wien Besatzungszonen.png|miniatur|De via Sektorn in Wean (de aufghöötn Gebiete san 1938 ''Groß-Wean'' eingmeindet wuan)]]

Eascht im Heabst [[1945]] hom de Sowjets de aundan Besotzungsmächte vo Österreich - de Amis, de Britn und de Franzosn - in de Stod lossn. Vo do aun is Wean in via Besotzungssektorn aufteut gwesn. Nua da easchte Beziak woa a Ausnaum, do hom si de via Besotzungsmächte turnusmäßig ogwexlt. Während da zehnjaarign Besotzungszeit is Wean a Zentrum fia internationale Spionageaktivitetn zwischen West und Ost wuan. De Atmosphäre in da besetztn Stod is duach de Novön ''The Third Man'' (''Der dritte Mann'') vom Graham Greene eingfaungt wuan, de wos [[1949]] ois Füm realisiat wuan is, mit da Musik vom [[Anton Karas]].

Noch de easchtn hoatn Nochkriagsjoa hods ob 1948/49 an beispülosn Wiatschoftsaufschwung gem. [[1950]] is zu an kommunistischn Putschvasuach (Oktobastreik) kuma, dea wos am Wiedastaund vo sozialdemokratischn Gewerkschoftan gscheitad is.

[[1954]] is Groß-Wean aufs heitige Stodgebiet reduziat wuan und 80 friachare Gemeindn san wida noch Niedaöstareich zruckkuman. De Reduktion woa zwoa scho [[1946]] bschlossn wurn, is owa vo de Sowjets bis [[1954]] duach a Veto blockiat wuan.

Am 15. Mai [[1955]] hod Österreich mitn ''Österreichischen Staatsvatrog'' wieda de volle Freiheit ealaungt. De Besotzungstruppn san bis Heabst [[1955]] voiständig obzogn.

=== Vom Ungarnaufstaund bis zua Gegnwoat ===

[[1956]] hod Wean vü Ungarn aufgnummen, de wos nochn gscheitatn Aufstaund geng de kommunistische Regiarung noch Westn gflichdd san. Ähnlich woas daun [[1968]], wo vüü Tschechn und Slowakn noch Wean kumman san, wia da sognannte ''Prager Frühling'' in da domolign [[ČSSR]] vo da [[Sowjetunion]] gewoitsaum niedagschlogn wuan is. Duachn Foi vom Eisanen Vuahaung [[1989]] is daun Wean wieda zu ana zenträun Schnittstö in Eiropa wuan.

1957 hod de easchde internationeule Organisation noch 1945, de Internationeule Atomenergieorganisation (IAEO), ian Sitz in de Stod glegt. Seit [[1965]] is Wean aa da Sitz vo da OPEC. 1980 is de UNO-City (da dritte Aumtssitz vo da UNO) in Wean eaeffnet wuan. Seit [[2003]] gheat Wean zua Eiroparegion [[Centrope]] und büdt zauman mitn benochboatn Pressburg (Bratislava) a Zwüllingsstod (Twin City).

[[2001]] is aufm Gelände vo de friaran kaisalichn Hofstollungen des [[MuseumsQuartier]] aufgmochd wuan, wos aans vo de gresstn Kuituaareäu vo [[Eiropa]] is.

== Bevökarung ==

=== Sproch ===

Wean is des Zentrum vo da östareichischn Varietät vau da [[boarisch|bairischn]] Sproch. Da Original-Dialekt is [[Weanarisch]]. Des is a eignständige Fuam vaum Ostmiddlbairischn mit an eiganan Wuatschoz und zoireichn Lehnweatan aus oin Sprochn vo da emoligen Hobsburgamonarchie. Wiavü Leit heit no de Stodmundoat beheaschn, is owa ned bekaunt.

→ Hauptartikl: [[Weanarisch]]

=== Bevökarungsentwicklung ===

[[Datei:Wien Bevölkerung.png|thumb|Bevökarungsentwicklung in Wean seit [[1869]]]]

Am Aunfaug vom Easchtn Wödkriag hod Wean rund 2,1 Mülliona Einwohna ghobt und woa damit de viatgresste Stod vo da Wöd. Nochn Kriag hod Wean um 200.000 Einwohna weniga ghobt. De Einwohnazoi is daun bis [[1987]] auf 1.484.885 Personen gsunkn, in tiafstn Einwohnerstaund seit [[1890]]. Seithea steigt de Einwohnazoi wieda und soi noch Prognosn bis [[2030]] wieda de zwaa Müllionagrenzn iwasteign.

=== Religion ===

De Religionszuagehearigkeit vo da Weana Bevökarung setzt si laut Voikszöhlung vo [[2001]] so zaum:

* 49,2 % – remisch-katholisch
* 25,6 % – ohne Bekenntnis
* {{0}}7,8 % – islamisch
* {{0}}6,0 % – orthodox
* {{0}}5,7 % – sonstige
* {{0}}4,7 % – evangelisch
* {{0}}0,5 % – oidkatholisch
* {{0}}0,5 % – jidisch
<gallery>
Datei:Rudolf Ritter von Alt 001.jpg|Da [[Stephansdom]], aa ''Steffl'' gnannt, is ans vo de Woazeichn vo da Stod (Rudolf vo Alt, 1832)
Datei:Bruckhaufen (Wien) - Moschee, Hauptportal.JPG|Islamisches Zentrum in Wean
Datei:Wien Russisch-Orthodoxe Kathedrale.jpg|Russisch-Orthodoxe Kathedreun
Datei:Serbisch-orthodoxe Kirche Rennweg.JPG|Serbisch-orthodoxe Kiachn
Datei:Wien - Lutherische Stadtkirche (1).JPG|Lutherische Stodkiachn
Datei:Stadttempel Vienna August 2006 002.jpg|Da Stodempe, anzige eahoidane historische Synagogn vo Wean
Datei:WienReformierteStadtkirche.jpg|Reformiate Stodkiachn
Datei:Stupa Vienna.JPG|Friednspagodn in Wean
</gallery>

== Wiatschoft und Infrastruktur ==

=== Wiatschoft ===

[[Datei:WienerBörse01.jpg|thumb|De Börsn aun da Ringstrossn]]

Innahoib vau da Eiropäischen Union gheat Wean zu de reichstn Regionen. Im Vagleich min [[Bruttoinlandsprodukt]] vo da EU, ausdruckt in Kaufkroftstandards, eareicht Wean an Index vo 170.9 (EU-25:100) (2003).<ref>[https://web.archive.org/web/20080307140912/http://epp.eurostat.ec.europa.eu/pls/portal/docs/PAGE/PGP_PRD_CAT_PREREL/PGE_CAT_PREREL_YEAR_2006/PGE_CAT_PREREL_YEAR_2006_MONTH_05/1-18052006-EN-AP.PDF epp.eurostat.ec.europa.eu: Eurostat News Release 63/2006: Regional GDP per inhabitant in the EU 25 (PDF)], 23. Mai 2006</ref> Dea Ruaf hod si 2007 wiedar amoi bestätigt. Mit an Index von 180 (EU-25:100) is Wean ois fünftreichste Region eingstuft. Vua Wean liegn nua [[London]], [[Luxemburg]], [[Brüssel]] und [[Hamburg]].<ref>''[http://derstandard.at/?url=/?id=2774292 Wien fünftreichste Region der EU]'', ''Der Standard'', 19. Feba 2007</ref>

De Stod hod international an guadn Ruaf in Bezug auf Lemsqualität und niedrige Kriminäulitätsraten und güt ois wichtigs „Sprungbrett in Osten“´. Wean hod scho laung guade Beziehungen zu middl- und osteiropäischn Lända untahoidn und hod dahea vü Eafohrung auf dem Gebiet. Deshoib hom scho vü Grossuntanehmen eanare middl- und osteiropäische Zentraln in Wean aufbaut, um vau do de Meakte z easchliassn. In einign Fön hod des dazua gfiat, dass internationale Untanehmen aa österreichische Firma iwanumma hom. Da holländische Getränkekonzern ''Heineken'' hod de ''Brau Union'' iwanumma und de italienische Großbank ''UniCredit'' de ''Bank Austria''. Weidare ausländische Konzerne mit Osteiropa-Zentrale in Wean san zum Beispü da franzesische Baustoffkonzern ''Lafarge'', de deitschn Konzern ''Henkel'', ''Beiersdorf'' und ''Rewe''. A de meistn gressan österreichischn Untanehmen hom ian Sitz in Wean. Zum Beispü da Mineralökonzern ''OMV'', da Ziaglheastöla ''Wienerberger'' und de ''Telekom Austria''.

Mit da Weana Börse befindd si aa de anzige Weatpapiabörse in Wean. Seit [[2010]] is Wean außadem Sitz vau da
''CEE Stock Exchange Group'', de wos ois Tochdagsöschoftn ned nua de weana Börse, sundan aa de in [[Budapest]], [[Laibach]] und [[Prag]] aunghean.

In Wean woan laut Voikszöhlung [[2001]] 821.458 Peasonen in 87.691 Untanehmen beschäftigt. Da Beziak mit de meistn Orweitsplätz is da [[Innere Stadt (Wien)|easchte Beziak]].

==== Laundwiatschaft ====

16 % vo da Flächn vo Wean wean laundwiatschoftlich vo rund 900 geatnarischn und baialichn Betriem gnutzt. Unta aundam wean rund 50.000 Tonnen Gmias jealich heagstöd, vua oin [[Paradeisa]], Paprika, Guakn, Solod und [[Radi]]. Aunbaugebiet is zum Beispü de Simmeringa Haad. A da gresste östareichische Gmiasvatrieb, de LGV-Frischgemüse, hod ian Sitz und eana Hauptloga in Simmering. Sie vasuagt je nach Saison bis zu 70 % vo Wean und 56 % vo Östareich mit Frischgmias aus Wean und Umgebung.<ref>{{Webarchiv|url=http://www.wien.gv.at/vtx/vtx-rk-xlink?SEITE=020070416017 |wayback=20070929131051 |text=www.wien.gv.at |archiv-bot=2023-03-05 04:02:43 InternetArchiveBot }}, Rathauskorrespondenz, 16. Aprü 2007</ref>

=== Infrastruktua ===

==== S Weana Wossa ====

De Gschicht vau da [[Weana Wossavasoagung|Weana Wossavasurgung]] is a launge, oba wiakli in Schwung kumman is earscht relativ späd.

Scho de oidn Rema haum, wias in Vindobona woan, a eigene Wossaleitung ghobt. Oba wias ohzogn san is de vakumma und de Weana haum se mit Hausbrunnan vasurgt. Des Wossa is oba im Lauf da Zeid imma mehr verdreckt wuan und so san de Leit imma efta kraunk wuan.

De bessern Leit, de gnua Göd ghobt haum, vaschiedane Klösta und da Kaisa söba haum se kloaraweise zum höfen gwusst und eigane Wossaleitungen baun lossn. Maunche haum a dem afochen Voik wos davo ogebn, oba des woa zweng, eh kloa.

De easchte gressare Aunlog, de a denen klan Leit z guat kumman is, woa de [[Albertinische Wasserleitung|Albertinische Wossaleitung]]. De hot da Albert Kasimir vo Sachsen-Teschen [[1804]] baun lossn. In Betrieb woa de Leitung bis [[1890]]. Des Wossa is vau [[Hütteldorf|Hitteldorf]] kumma und in de Gegend vau [[Mariahilf|Mariahüif]], [[Neubau (Wien)|Neibau]] und da [[Josefstadt|Josefstod]] brocht wuan.

Da nächste Mäulnstaa wor de [[Kaiser-Ferdinands-Wasserleitung|Kaiser-Ferdinands-Wossaleitung]]. De hot da Kaisa Ferdinand I. vo Österreich baun lossn. Des Wossa haums in Heuligenstod beim [[Donaukanal|Donaukanäu]] aus da Erdn aussepumpt. Am Aufaung wor ollas in Urdnung, oba daun sans draufkumman, dass des Wossa a ned bessa woa ois wia des Brunnanwossa und de Leit san genauso kraunk wuan.

Und weus a so ned weidageh hod kenna, haums daun noch laungam nochdenkn de Kaisa-Franz-Joseph-Hochquönwossaleitung baut. [[1869]] haums damit bei da Rax und beim Schneeberg augfaunga, [[1873]] woans featig und zur Eaeffnung is da [[Hochstrahlbrunnen|Hochstroibrunn]] in Betrieb gnumma wuan.

Zeascht wor wida ois leiwand, oba daun haums gmeakt, dass afoch zweng Wossa in de Stod einakummt. Zeascht haums no gschwind a poa klane Grundwossaweak aun da Südbaunstreckn baud, oba de haum des Kraut a net fett gmocht. Und wias de Stod daun a no eaweidat haum, is nix iwablim ois de II. Kaisa-Franz-Joseph-Hochquöllnwossaleitung zum baun. De hod des Wossa vaum [[Hochschwab]] daheabrocht.

Augfaungt zum Baun haums [[1900]], fertig worns [[1910]]. Und daun haum de Weana a gonze Wäu wiakli gnua Wossa ghobt.

Trotzdem hod ma oba daun in da Stod söba no a poa Grundwossaweak baut, zum Beispü in [[Nußdorf]], in da [[Lobau]] oda daun no in [[Moosbrunn]] in da Mittandurfa Senkn. Zu dera Wossaleitung sogns de III. Wossaleitung.

==== Vakeah ====

34 % vom gaunzn Vakea wiad in Wean mit effentliche Vakeasmiddln zruckglegt, des gheat in Eiropa zua Spitzn. Weidare 30% wean z Fuaß bewötigt und 36% min eiganan Foazeig. Da Foaradl-Antäu davo soi no weida ausbaut wean.

Zwöf Donaubruckn vabindn des Stodgebiet, wos duach de [[Donau]] und in Donaukanäu zatäut wiad.

===== Strossn =====

De oidn Feanstrossn gengan steanfeamig vo da Stod wegga. Täuweis haassns no imma wias Feanzü: Prager Strossn (B3, Donau Strossn), Brünner Strossn (B7) und Triesta Strossn (B17, Wiena Neistädda Strossn).

Des gleiche güt fia de Autobaunen: De A1 [Westautobaun, de A2 Südautobaun, de A4 Ostautobaun und de A22 Donauufaautobaun valossn de Stadt radial. De A3 ins [[Burgenland]] zweigt südlich vau Wean vau da Südautobaun o. Ois A5 wiad deazeit (2014) de Noadautobaun Richtung [[Brünn]] baut, de wos min tschechischn Autobaunnetz vabundn wean soi. Ois A6 is [[2007]] estlich von Wean a Ozweigung vau da A4 noch Pressburg ([[Slowakei]]) eaeffnet wuan.

De A23 (Südosttangentn) is de meistbefoarandste Strossn vau Österreich und is a ringfeamige Vabindung zwischn A2, A4 und A22 im südlichen Stodgebiet. Zu iara Entlostung gibz de S1 (Aussnring Schnöstrossn). Estli vau da [[Donau]] soi de S1 mit an Autobaunring bis zua A5 weidagfiaht wean. Dafia warad owa a umstrittene Untatunnelung vaum Nationäupark Donau-Auen notwendig. A1, A2 und S1 san fian Ost-West-Transit duach de außahoib vau Wean valaufende A21 (Außenring- oda Wianawoidautobaun) vabunden.

In da Stod gengan de Fernstrossn vom [[Giatl]] aus, dea wos um de innan Beziake umadum geht. De sechs- bis ochtspurige Strossn is deshoib bsundas stauaunfällig, genau aso wia olle Stodteinfoatn.

===== Effentlicha Nohvakeah =====

[[Datei:4trams vienna.jpg|thumb|Via Generationen vau da „Bim“]]

Wean hod a großes Netz vo effentliche Vakeasmiddl. Dazua ghean de S-Bauhn-Linien, de Bodna Bauhn und des Netz vau de ''Wiener Linien'' (U-Bauhn, Stroßnbauhn und Autobuslinien), da ''City Airport Train'' und vaschiedane private Autobuslinien. De effentlichn Vakeasmiddl transportian 750 Milliona Foagäst im Joa.

De [[Bim|Weana Stroßnbauhn]] existiat seit [[1865]] und betreibt heit a 179 Kilometa laungs Gleisnetz. Damit hod Wean ans vo de ötastn und längstn Stroßnbaunnetz vo da Wöd. [[1898]] is de im Jugendstü baute Stodbaun eaeffnet wuan. Ab [[1976]] is des Gleisnetz vo da Stodbaun schrittweis vo da neich bautn U-Bahn ibanumman wuan. Da Autobuslinienbetrieb is in Wean am 23. März [[1907]] aufgnumman wuan. Heit hod Wean aa a Nochtbus- und Anruafsaummltaxinetz. Driwa ausse san voa oim in de Stodraundzonen private Busunternehmen in Tarifgemeinschaft mit de ''Wiener Linien'' gfoahn, de Konzessionan de Stodbuslinien san mittlawäu scho olle vo de Weana Linien iwanomman wuan, täuweis wean owa private Untanehman mim Betrieb beauftrogt. Gemeinsam mit de Bauhn- und Buslinien vo Niedaöstareich undm Buagnlaund büdd des Weana Vakeasnetz in ''Vakeahsvabund Ost-Region'' (VOR).

===== [[Eisnbauhn]] =====

[[Datei:GuentherZ 2007-04-13 0301 Wien15 Westbahnhof.jpg|thumb|Da Westbaunhof (1950a Joa)]]

Ois oide Residenzstod hod Wean vü große Kopfbauhnhef ghobt, owa kaan großn Duachgaungsbauhnhof: Südbauhnhof, Ostbauhnhof, Westbauhnhof, Noadbauhnhof, Noadwestbauhnhof, Aspangbauhnhof und Franz-Josefs-Bauhnhof. Aufn Gebiet vom Süd-/Ostbauhnhof is da neiche [[Wean Hauptbauhnhof|Hauptbauhnhof]] ois Duachgaungsbaunhof baut wuan, dea wos bis 2015 featiggstöd wuan is.

Heit gibts in Wean no zwa große Kopfbaunhef, waun ma vom Noadwestbauhnhof ohsieht, dea wos nua meah fian Gütavakea dient:

* In Franz-Josefs-Bauhnhof ois Ausgaungspunkt vau da [[Franz-Josefs-Bauhn]];
* In Westbauhnhof ois Ausgaungspunkt vo da [[Westbauhn]], de Fernzüg' vo da [[ÖBB]] foahn owa vom Hauptbauhnhof oh.

Duachgaungsbaunhef:

* Wean Floridsdorf ([[Noadbauhn]])
* Wean Heiligenstod aun da Franz-Josefs-Bauhn
* Wean Hüttldorf aun da Westbauhn
* Wean Hauptbauhnhof – [[Südbauhn]] und [[Ostbauhn]]
* Wean Meidling – Südbauhn und [[Pottendorfer Linie|Pottndorfa Linie]]
* Wean Mitte (Laundstroßn) aun da [[Schnellbahn Wien|Schnööbauhn-Staumstreckn]], duat foaht aa da ''City Airport Train'' zum Flughofn Schwechat oh
* Wean Prodastean aun da Noadbauhn.
Danem gibts no vü klanare Bauhnhef bzw. Hoitestöön, schau aa [[Bauhnhef' und Betriebsstöön vo da frein Streckn auf da Weana Schnööbauhn-Staumstreckn]].

In Wean gibts aa no zwa populäre Parkbauhnen: de Liliputbauhn im Weana (Wuaschtl-) Proda und de Donauparkbauhn im Donaupark.

===== Flughofn =====

[[Datei:Wien Flughafen Schwechat outside Panorama.jpg|thumb|Flughofn Wean-Schwechat]]

Südöstlich vo Wean liegt da internationale ''Flughofn Wean-Schwechat''. [[2007]] san driwa 254.000 Flüge obgwicklt woan und 18,77 Millionen Passagiere hom an Flughofn gnutzt. Des is a da Hoamatflughofn vo da ''Austrian Airlines Group''.  Seit 2004 kooperiat da ''Flughofn Wean-Schwechat'' mitn ''Flughofn Pressburg'' (Bratislava). Büllichfluglinien weichn scho seit a poa Joa noch Pressburg aus.

===== Schiffoaht =====
#
[[Datei:DDSG-TwinCityLiner5.jpg|thumb|Twin City Liner am Donaukaneu]]

Durchn Rhein-Main-Donau-Kaneu is Wean duach a Wossastrossn bis zum Hafn vo Rotterdam vabundn. Iwa de [[Donau]] gibts a Vabindung mit de Lända vau Osteiropa bis zum Schwoazzn Mea. Da amoi plante Donau-Oder-Kaneu is nia voiendet wuan. De Personenschiffoat auf da Donau hot heit fost nua no touristische Bedeitung. Es gibt an Trogfliglbootvakea noch [[Pressburg|Pressburg (Bratislava)]] und [[Budapest]]. Da Weana Personenhofn liegt bei da Reichsbruckn. Dazua gibts no Aunlegestön fia Personenschiffe bei Nussdorf und am Donaukaneu beim Schwednplotz.

Seit Juni [[2006]] gibts a Schiffsvabindung mit an Schnökatamaran ''„Twin City Liner“'' noch Pressburg. [[2008]] is zweng da guadn Nochfrog a zwaata Katamaran dazua kumma.

[[2003]] san im Weana Hafn 9 Mio. Tonnen Güta (voa oim Minareuöprodukte, Baustoffe und landwiatschoftliche Produkte) umgschlogn und dazua 1550 Schiffe obgfertigt wuan. De Schiffal foan meamois am Tog hin und hea.

===== Radlvakeasnetz =====

[[Datei:Citybike-01.jpg|thumb|left|Stodradl (neideitsch: Citybike) Verleihstation am Prodastean]]

Da Aunteu vaum Radlvakea am Gsamtvakea mocht in Wean zua Zeit rund 5% aus. Bis [[2015]] soi dea Aunteu noch de Vuastölungen vau da Stodplanung auf 8 % aunghom wean.<ref>[http://www.wien.gv.at/verkehr/radfahren/radnetz/index.html S Weana Radlwegnetz (MA 46)]</ref> In maunchn Bereichn vo da Innenstod liegt da Weat scho jetzt deitlich drüba, so etwoa in da innaran Mariahüfa-Strossn bei 20 %.

Des Netz vo effentlichn Radlwegn, Radlfoastrafen und Radlrouten im Stodgebiet umfosst deazeit rund 1.100&nbsp;km;<ref name="Radverkehrsnetz">[http://www.wien.gv.at/verkehr/radfahren/radnetz/fakten.html Zoin und Faktn zum Weana Radlvakeasnetz]</ref> davo san 21 %<ref name="Radverkehrsnetz"/> vom Autoverkea otrennt, 11,44 % vo de Radlweg san auf Gehsteign.<ref name="Radwege%">{{Internetquelle |titel=Oartn vom Radlfoanetz in Prozent |url=http://www.wien.gv.at/verkehr/radfahren/pdf/fakten-3.pdf |zugriff=2010-07-04 |archiv-url=https://web.archive.org/web/20110517050851/http://www.wien.gv.at/verkehr/radfahren/pdf/fakten-3.pdf |archiv-datum=2011-05-17 }}</ref> Da Ausbau vom Radlvakeasnetz eafoigt oft im Intaressnskonflikt mit de Autofoara, de wos nix vo eanare Vakeasflächn opfan woin. Stoak zuagnumman hom Einbaunregelungen „ausgnumma Foaradln“ (164&nbsp;km<ref name="Radverkehrsnetz"/>), de mochn scho 16,31 % vo de Radlweg aus.<ref name="Radwege%"/> Ois Altanativn zu de effentlichn Vakeasmiddln wiad aa des Leihfoaradlsystem ''Stodradl (neideitsch: Citybike)'' aunbotn.
{{clear|left}}

== Kunst und Kuitua ==

[[Datei:Oper z03.JPG|miniatur|De Weana Stootsoper]]
[[Datei:Burgtheater Vienna June 2006 397.jpg|miniatur|Des [[Burgtheater]]]]

Kunst und Kuitua hom in Wean a launge Tradition. Des Burgtheata gheat za de wichtigstn Schauspühaisa vo da gaunzn Wöd. De Weana Stootsoper is ans vo de international fiarendn Opernhaisa. Gspüd wean de Weake vo da klassische Operntradition, dazua de beliabtn Weana Operetten und aa modeane Musicals.

Seitn Joa [[2000]] wiad in Wean da ''Nestroy-Theaterpreis'' vagem, dea wos zua Zeid ois da wichtigste im deitschn Sprochraum güt.

=== Musi ===

Wean is a Stod, wo de Musi imma an hochn Stönweat ghobt hod. Es woan do imma Komponistn vo Wödgötung aktiv. De bekauntastn san de Vatreta vo da [[Wiener Klassik|Weana Klassik]] (uma [[1780]]–[[1827]]) - da [[Joseph Haydn]], da [[Wolfgang Amadeus Mozart]], und da [[Ludwig van Beethoven]].

De Weana Philharmonika san [[2006]] vau Fochjournalistn zan bestn Orchesta vau Eiropa gwöht wuan.

S [[Weanaliad]] is a anzigoatigs Liadgenre, des wos in Wean entstaundn is und wo vü vaschiedane, traditionölle und modeane Stüoatn einewiakn duan. Ans vo de berihmtastn Weanaliada is s [[Fiakaliad]] vom [[Gustav Pick]].

==== Theata und Oper ====

Theata und [[Oper]] hom in Wean a sea lange Tradition. S Burgtheata güt ois ans vo de wichtigstn Theata vo da Wöd und de Weana Stootsoper ois ans vo de wichtigsten Opernhaisa.

=== Museen ===

In Wean gibts iwa 100 Kunstmuseen.<ref name="population">{{cite web|url=http://www.wien.gv.at/statistik/pdf/vienneinfigures.pdf (page 10)|format=PDF|title=Vienna in figures: Special Issue for the EU Presidency 2006|publisher=City of Vienna}}{{Toter Link|date=2017-10 |bot=InternetArchiveBot |url=http://www.wien.gv.at/statistik/pdf/vienneinfigures.pdf }}</ref> De bekauntastn san de Albertina, de Galerie im Belvedere, des Leopold Museum im Museumsquartia, des KunstHausWien, des BA-CA Kunstforum, de Zwülling ''Kunsthistorisches Museum'' und ''Naturhistorisches Museum'', und des Technische Museum Wean.<ref>{{cite web |url=http://www.wien-tourismus.at/data/Besucherstatistik-2005.xls |format=[[Microsoft Excel|xls]] |title=Top 30 Sights, Museums, Exhibition Halls 2005 |publisher=Vienna Tourist Board |archiveurl=https://web.archive.org/web/20071009071553/http://www.wien-tourismus.at/data/Besucherstatistik-2005.xls |archivedate=2007-10-09 }}</ref> Dazua gibts aa no mearare Ausstellungshaisa, wia d Weana Secession oda s Künstlerhaus Wean.

=== Architektua ===

In Wean findt ma Bauweake aus oin Stü-Epochn vau da Architektua; vau da romanischn Ruprechtskiachn iwan gotischn [[Stephansdom]], de barocke Koalskiachn, de Bautn vaum Klassizismus und vau da Modeane. Bsundas bedeitend fia Wean is owa de Architektua vau da Grindazeit, de wos dafia suagt, dass de Stod wia aus an Guss ausschaut. De Architektua hod aa aundare Städte aus da ehemolign Donaumonarchie prägt, wia [[Budapest]], [[Prag]] und [[Lemberg]].

=== Sengswiadigkeitn ===

Interessante Sengswiadigkeitn san de Hofburg (Herrscha Palast), des [[Schloss Schönbrunn|Schloss Scheenbrunn]] (mitn ötastn Zoo vo da Wöd), da [[Steffl]] (Stephans-Dom) und s Riesnradl im Proda. Zu de kuiturön Bsundaheitn ghean s Burgtheata, de Weana Stootsopa und de Lippizana in da spanischn Hofreitschui.

<gallery>
File:Schloss Schoenbrunn August 2006 406.jpg|s Schloss Scheenbrunn
File:Belvedere Vienna June 2006 010.jpg|s Belvedere
File:Albertina02.jpg|De Albertina
File:Naturhistorisches Museum Vienna June 2006 241.jpg|s Natuahistorische Museum
File:Austria_Parlament_Athena.jpg|De Athena vuam Parlament
File:Secession Vienna June 2006 006.jpg|De Sezession
File:Giant Ferris Wheel Vienna from W on 2010-09-20.jpg|s Riesnradl im Proda
File:T-mobil center wien.jpg|s moderne Wean
Datei:Johann-strauss-stadtpark.jpg|Johann-Strauß-Denkmoi im Stodpark
</gallery>

== Wean kulinarisch ==

=== Weana Kuchl ===

S Bsundare an da oidn Weana Kuchl is, dass sa se aus sea vün Einfliassn entwicklt hod. Des kummt voa oim dahea, dass Wean schon ois Haupstod vo da k.u.k. Monarchie a Schnittstö vo Sprochn und Kuituan woa. So kummt s Weana Gulasch aus Ungarn und vü Möhspeisn - wia Strudl, Palatschinkn und Golatschn - kumman aus Bähmen. Sogoa des [[Weana Schnitzl]] soi iwa Mailand aus Byzanz kumman sei.

[[Datei:Wiener-Schnitzel02.jpg|thumb|[[Wiener Schnitzel|Weana Schnitzl]]]]
[[Datei:Sachertorte DSC03027.JPG|thumb|A [[Sacher-Torte|Sacher-Tuatn]] mit Schlog]]

[[Mehlspeise|Möhspeisn]] hom in Wean a gaunz bsundare Tradition und wean sogoa efta ois Hauptgericht gessn, wia beispüsweis [[Marünknedl|Marün-]] oda [[Zwetschgnknedl]], Strudln und [[Powidldatschgerl]]. [[Gugelhupf]] und [[Sacher-Tuatn]] san wödbekaunt wuan. Ane vo de berihmtastn Zuckabäckarein vo de Wöd is da [[Demel]] in da Weana Innenstod, mit Niedalossungen in da Stod [[Soizburg]] und da Stod [[New York City|New York]].

De gresste Moakt mit festn Standln is in Wean da [[Wiener Naschmarkt|Noschmoakt]], wo ma Obst, Gmias, Gwiaz, Fisch, Fleisch und Spezialitätn aus da gaunzn Wöd kaufn kaun. Da längste Strossnmoakt vo Eiropa is owa da Brunnenmoakt im 16. Hieb. Nebm de Wiaschtlstandln, de wos zum Weana Strossnbüd ghean, findt ma im Winta a iwaroi de Maroni- und Eadäpfebroda.

Natialich gibts in Wean aa a reichs Aungebot an intanationäula Kuchl vo da Pizzaria iwas China-Restaurau bis zum Kebab-Standl.

=== Weana Wiaschtlstandl ===

[[Wiaschtlstandl]]n san de traditionölle Weana Variantn vonan Imbisstaund. Se san während da [[Österreich-Ungarn|k.u.k. Monarchie]] eigricht wuan, um Kriegsinvalidn an Eikommen zum sichan. Wiaschtlstandl san zum festn Bestaundteu vo da Weana Stodkuitua wuan und san sogoa in da Kunst vaewigt wuan, so zum Beispü im Buach ''Im Schatten der Burenwurst'' vom [[Hans Carl Artmann|H. C. Artmann]]. Zum traditionön Aungebot ghean: [[Burenwurst|Buanwuascht]], [[Käsekrainer|Kaaskraina]], Frankfurta, Bosna,  Debrezina, [[Leberkäse|Lebakaas]] usw. - ois mit siassn oda schoafn [[Senf|Semf]], [[Kren]] und Ketchup mit an Stickl [[Brot]] odar ana [[Semmel|Semme]]; und zum [[Drangl|Drinkn]] gibts natialich a [[Bia]] odar an [[Gspritzdn]]; dazua gibts no: eiglegte Pfefferoni, Essigguakaln, Süübazwiefaln und ois Nochspeis [[Manner|Manner-Schnittn]].

=== Weana Kafäähaus ===

An legendean Ruaf hod aa de oide Weana Kafäähauskuitua mit ana außagwehnlichn Vüzoi vau [[Kafää]]spezialitätn und an gaunz bsundan Charme, dea wos aus ana Mischung vo Architektur, Weana Typen, Zeitungslesan, Plaudaran und Oban (Könan) kummt. Da Kafää wiad gwehnlich mit an Glasal Wossa serviat. Im [[Weana Kafäähaus]] wean meistns aa klaane Speisn wia Wiaschtl und [[Mehlspeise|Möhspeisn]], wia zum Beispü Duatn oda de berihmtn [[Buchteln|Wuchtln]] im ''[[Café Hawelka]]'' aunbotn. De typische Weana ''Kafäähauskuitua'' gheat seit 10. Novemba 2011 zum immateriön Kuituaeabe vau da [[UNESCO]].<ref>[http://wien.orf.at/news/stories/2508662/ ''Kaffeehäuser weaden Kulturerbe''] auf ORF vaum 11. Novemba 2011</ref>

=== Weana Heiricha ===

De Weana Stod hod eigane, bedeitande Weinaunbaugebiet. Des is wödweit a Rarität fiar a Großstod. Da Wein wiad vua oim in klaanan Lokeun ausgschenkt, de wos ma [[Heuriger|Heirichn]] nennt. S bekauntaste Heirichngebiet in Wean is [[Grinzing]].

Da Wein wiad oft ois [[Gspritzda]] drunkn, des is a Mischung aus Weißwein und Sodawossa.

== Politik ==

[[Datei:Rathaus Vienna June 2006 165.jpg|thumb|Weana Rodhaus]]
[[Datei:Michael Haeupl.png|miniatur|[[Michael Häupl|Michael „Michi” Häupl]], Oid-Buagamaasta und Ex-Landeshauptmaun vo Wean]]

Seit [[1919]] stöd de [[Sozialdemokratische Partei Österreichs|SPÖ]] bei oin frein Woin in Buagamaasta. Da Stodsenat (des Kollegium vo de Stodräte) und da Gemeinderod (des Stodparlament) hom seit [[1919]] mit Ausnaum vo gaun kuazn Periodn an absolute Meaheit vo da Sozialdemokratischn Partei. Vo [[1934]] bis 1945 (Austrofaschismus und NS-Zeit) hom kaane demokratischn Woin stodgfundn. Amtiarenda Buagamasta is da [[Michael Ludwig]]. A bsundas Kennzeichn vo da sozialdemokratischn Politik is bis heit u.&nbsp;a. de grosse Zoi vo Gemeindebautn, de wos vo da effentlichn Haund baut wuan san.

Seit Wean a eigans Bundeslaund is (seit [[1922]]), is da Buagamaasta aa gleichzeitig da Laundeshauptmaun, da Stodsenat gleichzeitig de Landesregiarung und da Gemeinderod gleichzeitig da Launddog (mit Ausnaum vo 1934-1945). Des Aumtszeichn vom Buagamaasta is seit [[1883]] de Buagamaastakettn.

=== Gmeinderod ===

[[Datei:Landtagswahlkarte Wien 2020.svg|300px|mini|Mehrheiten bei der Landtagswahl nach Bezirken]]
{| class="wikitable"
|+ style="padding-bottom:0.5em;" | Endergebnis vo da Laundtogs- und Gmoarotswoi 2020<ref name="ergebnis" />
|- class="hintergrundfarbe5"
!
! colspan="3" align="center"| Ergebnis 2020
! colspan="3" align="center"| Ergebnis 2015
! colspan="3" align="center"| Unterschied
|----
|Woibrechtigte
|colspan="3" align="center"|1.133.010
|colspan="3" align="center"|1.143.076
|colspan="3" align="center"|−10.066
|----
|Woibeteuligung
|colspan="3" align="center"|65,27 %
|colspan="3" align="center"|74,75 %
|colspan="3" align="center"|−9,48 %-Pkte
|- class="hintergrundfarbe5"
|
|align="center" |Stimmen
|align="center" | %
|align="center" |Mand.
|align="center" |Stimmen
|align="center" | %
|align="center" |Mand.
|align="center" |Stimmen
|align="center" | [[Prozentpunkte|%-Pkte]]
|align="center" |Mand.
|----
|Ogebane Stimman
|align="right" |739.485
|align="right" |100,00
|align="right" |'''100'''
|align="right" |854.406
|align="right" |100,00
|align="right" |100
|align="right" |−114.921
|align="right" |—
|align="right" |—
|----
|Ungütig
|align="right" |13.984
|align="right" |1,89
|align="right" |—
|align="right" |21.419
|align="right" |2,51
|align="right" |—
|align="right" |−7.435
|align="right" |−0,62
|align="right" |—
|----
|Gütig
|align="right" |725.501
|align="right" |98,11
|align="right" |—
|align="right" |832.987
|align="right" |97,49
|align="right" |—
|align="right" |−107.486	
|align="right" |+0,62
|align="right" |—
|- class="hintergrundfarbe5"
|'''Partei'''
|colspan="9"|
|----
|[[SPÖ Wien|SPÖ – Bürgermeister Dr. Michael Ludwig]] (SPÖ)
|align="right" |301.967
|align="right" |41,62
|align="right" |'''46'''
|align="right" |329.773
|align="right" |39,59
|align="right" |44
|align="right" |−27.806	
|align="right" |+2,03
|align="right" |+2
|----
|[[ÖVP Wien|Die neue Volkspartei Wien]] (ÖVP)
|align="right" |148.238
|align="right" |20,43
|align="right" |'''22'''
|align="right" |76.959
|align="right" |9,24
|align="right" |7
|align="right" |+71.279	
|align="right" |+11,19
|align="right" |+15
|----
|[[Die Grünen Wien|Die Grünen – Grüne Alternative Wien]] (GREANE)
|align="right" |107.397
|align="right" |14,80
|align="right" |'''16'''
|align="right" |98.626
|align="right" |11,84
|align="right" |10
|align="right" |+8.771
|align="right" |+2,96
|align="right" |+6
|----
|[[NEOS - Das neue Österreich|NEOS – Erneuerung für Wien]] (NEOS)
|align="right" |54.173
|align="right" |7,47
|align="right" |'''8'''
|align="right" |51.305
|align="right" |6,16
|align="right" |5
|align="right" |+2.868
|align="right" |+1,31
|align="right" |+3
|----
|[[Freiheitliche Partei Österreichs]] (FPÖ)
|align="right" |51.603
|align="right" |7,11
|align="right" |'''8'''
|align="right" |256.451
|align="right" |30,79
|align="right" |34
|align="right" |−204.848
|align="right" |−23,68
|align="right" |−26
|----
|[[Team HC Strache – Allianz für Österreich]] (HC)
|align="right" |23.688
|align="right" |3,27
|align="right" |—
|colspan="3" align="center" |nicht kandidiert
|align="right" |+23.688	
|align="right" |+3,27
|align="right" |—
|----
|[[LINKS (Politische Partei)|LINKS]]<ref group="A">2015 als ''[[Wien anders]] (ANDAS)'' kandidiert</ref>
|align="right" |14.919
|align="right" |2,06
|align="right" |—
|align="right" |8.937
|align="right" |1,07
|align="right" |—
|align="right" |+5.982
|align="right" |+0,99
|align="right" |—
|----
|[[Bierpartei (Österreich)|Die Bierpartei]] (BIER)
|align="right" |13.095	
|align="right" |1,80
|align="right" |—
|colspan="3" align="center" |nicht kandidiert
|align="right" |+13.095
|align="right" |+1,80
|align="right" |—
|----
|[[Soziales Österreich der Zukunft]] (SÖZ)<ref group="A">2015 als ''[[Gemeinsam für Wien]] (GFW)'' kandidiert</ref>
|align="right" |8.742
|align="right" |1,20
|align="right" |—
|align="right" |7.608
|align="right" |0,91
|align="right" |—
|align="right" |+1.134
|align="right" |+0,29
|align="right" |—
|----
|Sonstige
|align="right" |1.679
|align="right" |0,23
|align="right" |—
|align="right" |3.328
|align="right" |0,40
|align="right" |—
|align="right" |−1.649
|align="right" |−0,17
|align="right" |—
|- class="hintergrundfarbe5"
| '''Gesamt'''
|align="right" |'''725.501'''
|align="right" |'''100,00'''
|align="right" |'''100'''
|align="right" |'''832.987'''
|align="right" |'''100,00'''
|align="right" |'''100'''
|align="right" |'''−107.486'''
|align="right" |'''—'''
|align="right" |'''—'''
|}
<references group="A" />

=== Internationale Organisationen mit Sitz in Wean ===

[[Datei:Vienna International Centre.jpg|thumb|UNO-City an da Donau]]

Wean is im Joa [[1979]] de dritte UNO-Stod noch [[New York City|New York]] und [[Genf]] wuan. Zuasätzlich is Wean Sitz vo zoireiche internationale Organisationen:

* International Press Institute (IPI) – Internationals Presseinstitut
* Internationale Kommission zum Schutz vau da Donau (IKSD) 
* OFID – Fia internationale Entwicklung vo Staatn aus da 3. Wöd
* OPEC – Organisation Eadöexportiarenda Stooten
* OSZE – Organisation fia Sichaheit und Zaumanorbat in Eiropa
* Vaeinte Nationen (UN)
** IAEO – Internationale Atomenergiebeheade 
** UNCITRAL – Kommission vo de Vaeintn Nationen fia internationals Handelsrecht
** UNDCP – Internationales Drogenkontrollprogramm
** UNHCR – Hocha Flichtlingskommissar vo de Vaeintn Nationen
** UNIDO – Organisation fia industriölle Entwicklung
** United Nations Postal Administration (UNPA) – Postvawoitung vo de Vaeintn Nationen
** UNODC – Büro fia Drogen und Vabrechen
** UNOOSA – Büro vo de Vaeintn Nationen fia Wödraumfrogn
** UNSCEAR – Komitee vo de Vaeintn Nationen iwa de Wiakung vo atomara Strohlung

=== Woppn, Flaggn und Hymne ===

De Hoheitszeichn vo Wean san im „Gesetz über die Symbole der Bundeshauptstadt Wien“ (Landesgesetzblatt Nr. 10/1998) festglegt. S Weana Woppn zagt „''in einem roten Schild ein weißes Kreuz''“. In ana zweitn Foam kau s Woppn „''auch in Form eines Brustschildes in der Figur eines schwarzen, golden bewehrten Adlers verwendet weaden''“.<ref name="gesetz">[http://www.wien.gv.at/recht/landesrecht-wien/landesgesetzblatt/jahrgang/1998/pdf/lg1998010.pdf Stadt Wien] – Landesgetzblatt für Wien, Nr. 10/1998</ref> Des Kreizschüd is zum easchtn Moi 1278 auf an Weana Pfennig zum segn gwesn und geht woascheinlich auf de Reichssturmfauhne zruck.<ref name="wappen">Karl-Heinz Hesmer: Flaggen und Wappen der Welt. S. 122</ref> Ois Siegl vo da Bundeshauptstod vawendt ma des Woppn im Brustschüd von an Odla. Ois Schriftzug steht „Bundeshauptstadt Wien“ oda da Nauman vo dem Organ vo da Gmeinde oda vom Land Wean.

De Weana Flaggn ''„besteht aus zwei gleich breiten, waagrechten Streifen; der obere ist rot, der untere ist weiß. Das Verhältnis der Höhe der Flagge zu ihrer Länge ist zwei zu drei.“''<ref name="gesetz" />  De Flaggn is 1946 eingfiat wuan.<ref name="wappen" />

Wean hod ois anzigs Bundesland koa offiziölle Landeshymne. De inoffiziölle Hymne is da [[Donauwoiza]].

{| border="0" cellpadding="5" cellspacing="1" align="center"
| style="background:#f0f0f0;" align="center" | [[Datei:Wien Wappen.svg|60px|Landeswoppn]]
| style="background:#f0f0f0;" align="center" | [[Datei:Wien 3 Wappen.svg|80px|Landeswoppn ois Brustschüd]]
| style="background:#f0f0f0;" align="center" | [[Datei:Vienna seal 1926.svg|80px|Siegl]]
|style="background:#f0f0f0;" align="center" | [[Datei:Flag of Vienna.svg|120px|[[Datei:FIAV 100000.svg|20px]] Landesflaggn]]
| style="background:#f0f0f0;" align="center" | [[Datei:Flag of Vienna (state).svg|120px|[[Datei:FIAV 010000.svg|20px]] Landesdienstflaggn]]
|-
| style="background:#f0f0f0;" align="center" | Landeswoppn
| style="background:#f0f0f0;" align="center" | Landeswoppn ois Brustschüd
| style="background:#f0f0f0;" align="center" | Siegl
| style="background:#f0f0f0;" align="center" | Landesflaggn
| style="background:#f0f0f0;" align="center" | Landesdienstflaggn
|}

=== Partnastädt ===

[[Datei:Stephansdom Vienna July 2008 (27)-Stephansdom Vienna July 2008 (31).jpg|thumb|Blick vom Stephansdom af de Stod und bis zum Koinberg und Weanawoid]]
[[Datei:Kohlmarkt Vienna June 2006 309.jpg|thumb|Koimoakt im 1. Bezirk mid Blick aufn Michaelertrakt vo da Hofburg]]

De Partnastädt vo Wean san:

{|class="wikitable"
|-class="hintergrundfarbe5"
! Stod !! Laund !! seit
|-
| [[Brünn]] || {{CZE}} ||
|-
| [[Budapest]] || {{HUN}} || 1990
|-
| [[Kiew]] || {{UKR}} || 1991
|-
| [[Moskau]] || {{RUS}} || 1991
|-
| [[Bratislava|Pressburg]] || {{SVK}} || 1993, erneiat 2003
|-
| [[Agram]] || {{HRV}} || 1994
|-
| [[Warschau]] || {{POL}} ||2001
|-
| [[Belgrad]] || {{SRB}} || 2003
|-
| [[Tel Aviv]] || {{ISR}} || 2005
|}

== ''Wean'' in aundan Sprochn und in Iwasee ==

Wean ghead zu dena oidn Wödstädd, fia de s in vün Sprochn eigane Nauman gibt. Im [[Holländische Sproch|Holländischn]] songs ''Wenen'' - in England, Italien, Spanien, Portugal usw. ''Vien(n)a'' - in Frankreich ''Vienne''.

Ungwehnlich eascheint des [[ungarisch]]e ''Bécs'' bzw. ''Beč'', im Bosnischn/[[Krowodisch]]n/Serbischn und im [[Slowenische Sproch|Slowenischn]] is da Nauman fia Wean ''Dunaj'' (des hod woascheinlich mid da Donau wos z'duan). Auf [[Tschechisch]] haßt de Stod ''Vídeň'', auf Slowakisch ''Viedeň'', und auf Poinisch haassts ''Wiedeń''.

In de lateinischn Urkundn wiad Wean mid sein oidremischn Nauman ''Vindobona'' bschriem.

* ''New Vienna'' gibts in [[Iowa]] und [[Ohio]]
* ''South Vienna'' gibts in Ohio
* ''Vienna'' gibts in [[Georgia]], [[Illinois]], [[Louisiana]], [[Maine]], [[Maryland]], [[Missouri]], [[New York (Bundesstoot)|New York]], [[Ontario]] ([[Kanada]]), [[South Dakota]], [[Texas]], [[Virginia]], [[Wisconsin]] und [[West Virginia]]
* ''Wien'' gibts in Missouri und Wisconsin

In da [[USA]] wiad Vienna maunchmoi aa ois weiblicha Vuanaum vawend. A Beispü dafia is de kalifornische Musikarin ''Vienna Teng''.

== Schau aa ==

[[Portal:Wean]]

== Beleg ==
<references/>

{{wide image|Panorama Vienna.jpg|1725px|Panorama vo Wean, vom ''Koinberg''}}

== Literatua ==

* Christian Brandstätter u.&nbsp;a.: ''Stadtchronik Wien. 2000 Jahre in Daten, Dokumenten und Bildern.'' Brandstätter, Wean und [[Minga]] 1986, ISBN 3-85447-229-3
* Felix Czeike: ''Historisches Lexikon der Stadt Wien''. 5 Bände. Wean 1997
* Alexander Glück: ''Wiener Unterwelten''. Mitteldeutscher Verlag, Halle a. S. 2012, ISBN 978-3-89812-856-8.
* Wilhelm Hebenstreit: ''Der Fremde in Wien; und Der Wiener in der Heimath''. 4. Auflog. Armbruster, Wean 1840,  (Reisefihra vo 1840)
* Willy Puchner, ''Wien. Vergnügen und Melancholie'', Wean 2008, ISBN 3-85033-159-8
* Johannes Sachslehner: ''Wien – Eine Geschichte der Stadt''. Pichler Verlag, Wean-Graz-Klagenfurt 2006, ISBN 3-85431-399-3
* Christian Brandstätter: ''Wien. Die Welt von gestern in Farbe.'' Brandstätter Verlag, Wean 2009, ISBN 978-3-85033-321-4

== Im Netz ==
* [https://web.archive.org/web/20070711042305/http://www.your-friend.info/wien/stadtfuehrer.html Weana Stodfiahrung]
* [https://web.archive.org/web/20080514182740/http://www.wienbilder.at/ Wean in Büdan]
* [https://web.archive.org/web/20080430150552/http://www.natur-wien.at/ Iwa de Natua in Wean]
* [http://austria-lexikon.at/af/AEIOU/Wien Wean-Artikl] im Austria-Lexikon


{{NaviBlock
|Navigationsleiste Österreichische Bundesländer
|Navigationsleiste Regionen im Bairischen Sprachraum
|Navigationsleiste Großstädt im boarischn Språchraum}}

{{Zimfti1}}

[[Kategorie:Wien| ]]
[[Kategorie:Hauptstadt in Europa]]
[[Kategorie:Hauptstadt in der EU]]
[[Kategorie:Österreichische Landeshauptstadt]]
[[Kategorie:Träger des Europapreises]]
[[Kategorie:Bundesland in Österreich]]
[[Kategorie:Millionenstadt]]
[[Kategorie:Gemeinde in Österreich]]
[[Kategorie:Statutarstadt (Österreich)]]
[[Kategorie:Artikel auf Wienerisch]]