Weana Philharmonika Münze
| Weana Philharmonika | |
|---|---|
| Metoi: | 99,99 % Au 99,9 % Ag 99,95 % Pt |
| Rand: | griffed (geriffelt) (Au) glatt (Ag) griffed (Pt) |
| Prägejoa: | 1989 bis heid (Au) 2008 bis heid (Ag) 2016 bis heid (Pt) |
| Vordaseitn | |
| |
| Motiv: | Instrumente |
| Entwerfa: | Thomas Pesendorfer |
| Datum vom Entwurf: | 1989 |
| Rückseitn | |
| |
| Motiv: | Orgl |
| Entwerfa: | Thomas Pesendorfer |
| Datum vom Entwurf: | 1989 |
Da Weana Philharmonika (umgangssprachlich aa grod Philharmonika genannt) is a österreichische Münze aus Goid mid am Nennwert vo 100 Euro, de aa in Silba (seit 2008, mid am Nennwert vo 1,50 Euro) und Platin (seit 2016, mid am Nennwert vo 100 Euro) ausgegem werd.
Oigemeins
[Werkeln | Am Gwëntext werkeln]Da Goid-Philharmonika is oanaseits a Kurantmünze (offiziells Zoiungsmiddl), dessn Nennwert si noch Einführung des Euro (ob 1. März 2002) vo Schilling zua Euro änderte.
Andererseits is sie a Ologemünze, aa Bullionmünze genannt (a in hohn Stückzoin geprägte Edelmetoimünze, de ois Gejdanlogeobjekt oda da Spekulation auf den Edelmetoiwert deann), dessn Vakaufswert vom dogesaktuelln Goidpreis an den wäidweidn Rohstoffbörsn duach des Zuasammenschbui vo Ogebot und Nochfroge bestimmt, und voawiegend in US-Doiar notiad werd.[1]
Gschicht
[Werkeln | Am Gwëntext werkeln]Des easte Ausgobdatum da Weana Philharmonika war da 10. Oktoba 1989. De oanzige europäische Ologemünze mid Euro-Nennwert soiad im Joar 1990 de meistvakaufte Münze in Europa wern, und Rang zwoa in da Wäid belegn. In den Joarn 1992, 1995, 1996 und 2000 eaklärte de Lobby-Oaganisation da Goidbeagbauindustrie World Gold Council de Weana Münze zua meistvakaufdn da Wäid.
A besondere Bedeitung eafährt da Weana Philharmonika in Japan und Noadamerika. Ned zualetzt aa duach des jährlich wäidweid ausgestroite Neijoarskonzert da Weana Philharmonika ois perfekta Werbeträga.
Geprägt werd da Weana Philharmonika - a da begehrtesdn Olog-(Bullion-)münzn da Wäid - noch Bedarf und ausschliaßlich in da Münze Östareich AG, am in Wean osässign Tochterunternehma da österreichischn Nationalbank. Des Unternehma hod a üba 825-jährige Gschicht. Nebn den moderna Technikn hoit des Unternehma no oiwei an am draditionelln Gipsobdruck fest, da a perfekte Umsetzung des Münzdesigns garantiad.
Münzdesign
[Werkeln | Am Gwëntext werkeln]Zua Findung des Designs da Münze Weana Philharmonika standn rund 200 Motive auf am Prüfstand. Vom Drachtenhuad Goidhaum, üba Stephansdom, bis hi zua Kaisa Maximilian. Schlussendlich wurde 's des wäidweid bekannte österreichische Paradeoachesta, de Weana Philharmonika.
Des Münzdesign des Weana Philharmonikers is mehrfach ausgezeichnet woadn. Da Entwurf stammt vo Thomas Pesendoafa, am österreichischn Münzdesigna und Chef-Graveir da Münze Östareich.
Da Weana Philharmonika in Goid und Platin is am Rand geriffelt. Im Gegensatz zum Philharmonika in Silba.
Avas-Beschreibung
[Werkeln | Am Gwëntext werkeln]Da Avas (Obk.: Av., is in da Numismadik de Voadaseitn) zeigt im Hoibkreis den Schriftzug Weana Philharmonika und in da Mitte da Münze de Instrumantn des wäidberühmdn Weana Philharmonika Oachestra: A Cello, und rundum ogeoadnet zwoa Violina, zwoa Brodschn, a Harfe, a Fogott und a Hoan.
Revas-Beschreibung
[Werkeln | Am Gwëntext werkeln]Des Revas (Obk.: Rv., is in da Numismadik de Ruggseitn) zeigt de Oagl im goidane Saoi des Weana Musivaeins. Dazua jeweils im Hoibkreis de Schriftzüge Republik Östareich und 100 Euro und waagrecht de Bezeichnung 1 Unze Goid 999,9, darunta des Prägejoar.
Numismadische Dadn da 1 Unze Goidmünze
De 1 Unze Weana Philharmonika Goid is a 24- Karod-Goidmünze in da hechsdn Prägequalität Poliade Platte/Proof mid am Feingehoid vo 999,9/1000.
Roh- und Feingewicht san idendisch und betrogn jeweils 31,103 Gramm. Des entspricht exakt 1 Unze.
De Philharmonika hod a Hechn vo ca. 2 mm und oan Duachmessa vo rund 37 mm.
Stückelunga
[Werkeln | Am Gwëntext werkeln]Da Philharmonika in Goid wurde ofangs grod in zwoa Gressn ogebodn. In 1 Unze (1 Unze = 31,103 Gramm) und in 1/4 Unze. Noch und noch kama Stückelunga in 1/2 und oana 1/10 Unze hizu. Zum 25. Jubiläum im Joar 2004 easchin 1/25 Unze mid am Nennwert vo 4 Euro. Bis dahin wurdn mehr ois 8,2 Milliona Münzn Weana Philharmonika vakafft.
Sonderprägunga
[Werkeln | Am Gwëntext werkeln]- Big Phil (2004)
- 20-Unzn Goidmünze (2009)
- 25 Joare Weana Philharmonika (2014)
Big Phil
[Werkeln | Am Gwëntext werkeln]De Big Phil is a 1000-Unzn-Vasion (1 Unze = 31,103 Gramm) da Weana Philharmonika in Goid. Sie wurde vo da österreichischn Münze im Joar 2004 zum 15-jährign Jubiläum da berühmdn Ologemünze Weana Philharmonika herausgegem. Sie hod a Dicke vo 2 cm und oan Duachmessa vo 37 cm. Sie is 31,103 kg schwar. Ihr Nennwert is 100.000 Euro.
Ihr Modaialwert beträgt je noch aktuellem Goidpreis zuarzeid ca. 1.925.35 US-Doiar (1.631.900 Euro). Vo da Big Phil san grod 15 Münzn geprägt. Fia jeds da 15 Philharmonika-Joare a Münzexemplar.[2]
20-Unzn-Goidmünze
[Werkeln | Am Gwëntext werkeln]Aa zum 20-jährign Jubiläum des Weana Philharmonikers im Joar 2009 gob 's a Sonderprägung. De 20-Unzn-Goidmünze (622 Gramm) hod oan Duachmessa vo 74 mm und a Dicke vo 8,3 mm. De Auflog is limitiad und beträgt 6027 Exemplare. Des Jubiläumsjoar 2009 mid drei multipliziad.
25 Joare Weana Philharmonika Münze
[Werkeln | Am Gwëntext werkeln]In Gedenga an de Eastausgob da Goid-Ologemünze Weana Philharmonika im Joar 1989 wiadigt de Münze Östareich 2014 ihr Eafolgsprodukt mid am Jubiläums-Set. Darin enthoidn san de beidn easdn Stückelunga 1 Unze und ¼ Unze des Weana Philharmonikers. De Auflog da Jubiläumsausgob betrug grod 5000 Exemplare.
Im Netz
[Werkeln | Am Gwëntext werkeln]
Commons: Weana Philharmonika Münze – Sammlung vo Buidl, Videos und AudiodateienBeleg
[Werkeln | Am Gwëntext werkeln]- ↑ Valvero Goldhändler Valvero Goldhändler (Memento des Originals [1] vom 24. Septémber 2020 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ MDM
