Web Analytics

Aus Wikipedia
Zur Navigation springen Zur Suche springen
Screenshot vo Piwik, am Webanalyse-Programm
Web Analytics Flussdiagramm

Web Analytics is d Afossung und Ausweatung vo d Nutzungsdatn vo Webseitn.[1] Domid ko a Webseitn systematisch vabessad und da Afoig vo Weabeaktiona gmessn wean.

D wichtigsten Rohdatn san: Wiavui Nutza (User) hom wia oft a Webseitn (im Sinn vo Webpresenz) bsuacht (Visits) und wejchane bzw. wiavui Seitn hom sa se oogschaut (Pageviews).

Web Analytics nimmt im Growth Hacking a Schlisslroin eih, wei i vo am Hack (Experiment) nua leana ko, wann i a Feedback iba d Wiakung ho.

Definitiona[VE | Weakln]

  • Bounce Rate (Owsprungratn): Da Prozentsotz vo Bsuachn, wo nua oa Seitn oogschaugt wead und koa ondane Interaktion, wia a Klick, stodfindd. (Wann a Bsuacha af an Ankalink klickt, is scho koa Bounce mehr.)
  • Click Path (Klickweg): D chronologische Sequenz vo d Pageviews in ana Sitzung.
  • Event (Aeignis): A Event is a oanzlnas Aeignis oda a Klass vo Aeignissn af ana Webseitn. A Pageview is a Event, oba aa beispuisweis wann a Nutza a Buidl ooklickt, wos eihtippt oda a Formular ibamiddlt.
  • Impression (Eihblendung): Unta Impression vastähd ma a Weabeeihblendung af ana Internet-Seitn.
  • Pageview (Seitnafruaf): Wann a Datei oda Seitn vo ana Webpresenz oogschaugt wead, is des a Pageview.
  • Session Duration/Visit Duration (Sitzungsdaua): Duaschnittliche Sitzungsdaua. De Kennzoi (metric) is insofean problematisch d Läng vo da Osicht vo da letztn Seitn net messn kina. [2]
  • User/Visitor (Nutza): A Nutza wead definiad ois Kombination vo oana Maschiin (Computer, Smartphone), oan Browser und oan Cookie zur Identifikation.
  • Visit/Session (Bsuach/Sitzung): A Bsuach oda Sitzung is, wann a Webseitn afgruafa wead (im Foi vo Tags kons aa a Buidl sei). Ba oan Bsuach ko oa oanzlne Seitn vo ana Webpresenz afgruafa wean oda aa tausad. Wia long a Bsuach dauad is aa a Definitionsfrog. Wei koa Mensch wissn ko, wos a Bsuacha mocht, wann a nix weidas klickt (lest a no d Seitn oda schaut a se scho lengst wos ondas oo; hod a mearane Fensta offn?). Vo d oanzlnan Web Anaytics Softwaren wead wuikiali a Time-Out Frist festglegt (wia long a Nutza nix duan deaf, dass sei Bsuach no guit).

Beleg[VE | Weakln]

  1. WAA Standards Committee. "Web analytics definitions." Washington DC: Web Analytics Association (2008).
  2. "Clicktale: What Google Analytics can't tell you: part 1". https://www.clicktale.com/academy/blog/what-google-analytics-cant-tell-you-part-1/. 

Im Netz[VE | Weakln]