Zum Inhalt springen

Wieden (Regnitzlosau)

Aus Wikipedia
Wieden
Gmoa Regnitzlosau
Koordinaten: 50° 19′ 22″ N, 12° 5′ 44″ O
Höhe: 553 m
Einwohner: (1987)
Postleitzahl: 95194
Vorwahl: 09294
Innahof van vabliemna Bauanhof vo Wieden

Wieden is a Ortstei vo da Gmoa Regnitzlosau im obafränkischn Landkroas Hof.

Geografische Log[Werkeln | Am Gwëntext werkeln]

De Einöde bfindd se 4 km noadwestli vo Regnitzlosau, unmiddlboa on da Grenz vo de Bundeslända Bayern und Saxn und domid on da ehemoiing innadeitschn Grenz unweid van Dreiländaeck BRD-DDR-Tschechoslowakei. A Vabindungsstroß fiahd vo Nentschau iwa Zech noch Wieden und weida noch Mittelhammer, Oberzech und Prex.

Gschicht[Werkeln | Am Gwëntext werkeln]

Bis za da Teiung vo Deitschland und zan foatschreitndn Ausbau vo da deitsch-deitschn Grenz hod's de Orte Oba- und Untawieden gem. De hom za da Gmoa Tiefenbrunn ghead, heit Ortstei vo Eichigt. Da heit no bstähnde Bauanhof is dea af bayerischa Seitn vabliemne Tei vo Untawieden. Da restliche Tei van Ort hod se af'm Gebiet vo da Deitschn Demokratischn Republik bfundn und is 1961 obgrissn worn. De Fensta und Tian vo de Gebaide vo Obawieden san znäxd zuagmauad worn und hom schliassli 1974 as Schicksoi vo Untawieden teid. De Meahzoih vo de Bewohna woa friahzeidig aus da DDR in bnochboade bayerische Deafa gflichdd.[1][2]

Unta Denkmoischutz stähd a middloitalichs Stoakreiz in da Näh van Stoaseiflbachal.

Im Netz[Werkeln | Am Gwëntext werkeln]

 Commons: Wieden (Regnitzlosau) – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. Sowjetzonale Kampfgruppen walzen im Rehauer Grenzgebiet Gehöfte nieder und Deutsche Tragödie an der Zonengrenze - Häuser werden dem Erdboden gleichgemacht, Artikl in da Frankenpost van Samsda, 2. Septemba 1961
  2. Drei Kilometer weiter, in eine ganz andere Welt, Artikl in da Frankenpost van Samsda, 29. Mai 2002