Wiesenfeld (Karlstadt)

Wiesenfeld Stod Karlstadt
Wappen von Wiesenfeld 49.992539.68002247
Höhe:	247 m ü. NN
Einwohner:	1194 (1. Jen. 2023)
Eingemeindung:	1. Mai 1978
Postleitzahl:	97753
Vorwahl:	09359

Wiesenfeld is a Stodtei vo da boarischn Stod Karlstadt im untafränkischn Landkroas Moa-Spessart. Da Oat liagd in da Planungsregion Wiazburg.

Geografie

Log

Wiesenfeld liagd af 247 m ü. NHN on da Eihmindung vo da Kroasstroß MSP 13 in de Stootsstroß 2435. Da topografisch hechsde Punkt vom Stodtei bfindd se af 325 m ü. NN (Log) boam Eichelberg, da niadrigste liagd zwischn da Kargesmühle und da Veitenmühle af 201 m ü. NN (Log). Zum Stodtei ghern außa am Keanoat Wiesenfeld no de westlicha liagendn Siadlunga Erlenbach und Rettersbach.

Nochbargemarkunga

Nochbargemarkunga im Uahzoagasinn im Noadn ofangend san Massenbuch, Harrbach, Karlburg, Rohrbach, Hausen, Sendelbach, Steinbach und Halsbach.

Gewässa

Im Sidn vo da Gemarkung mindn da vo Rohrbach kemmendn Dorfgraben und da Riedgraben in an nordestlichn duachs Oat fliaßendn und doat an Lepbach und im Nordwestn an Sohlgraben afnehmendn Ziegelbach. Im Sidwestn vo da Gemarkung entspringt da Weidigsbach und mindd a bissi jenseits vo da Gemarkungsgrenze in an spata boa da Reusenmühle und da Jägersmühle mid Nemormn duach de Gemarkung fliaßendn Buchenbach.

Gschicht

Wiesenfeld is duach des Zwoate Gmoaedikt am 17. Mai 1818 a eingständige Gmoa gewoadn.

Wiesenfeld woa oana vo de 47 Gmoana im Landkroas Karlstadt (Kfz-Kennzeichn KAR). Mid Aflesung vom Landkroas Karlstadt im Joar 1972 is Wiesenfeld in an nei buidtn Landkroas Moa-Spessart (Kfz-Kennzeichn KAR, ob 1979 MSP) kemma.

Seitm 1. Mai 1978 is Wiesenfeld a Stodtei vo Karlstadt. Des Doaf hod om 1. Jenna 2023 a Eihwohnazoih vo 1194 ghod.