Wikipedia:Socknbuppn

Aus Wikipedia

Abkiarzung: WP:WP:SOP

A Benutza und sei Socknbuppn
Wea brauchd no oane?

Aa Socknbuppn (kimmd ausm Englischn Sockpuppet) hoasst ma a zusätzlichs Benutzakonto vo am oogmäijdn Wikipediana. Dabei nennd ma ned an jedn Meahfachaccount a Socknbuppn sondan meistns de, de ma ned am bestimmtn Nutza zuaoadnen koo. As ooleng und heanemma vo Socknbuppn lasst se technisch ned vahindan und ma is'se in vui Wikipedias (z.B. da Daitschn) ned einig ob des ealaubt sei soi oda ned. Dabei gibts alladings aa Ausnamn wo sa se einig san.

Wos no in dera Oat gibt, san Fleischbuppn, des kimmd aa ausm Englischn, wo s dazua Meatpuppet sogn. Des san zwoa koane Sockn sundan Leit, owa se san aa wia feangschteiat.

Im Oigemeina guit in da Wikipedia da Grundsatz: Richt koan Schådn oo. Damid iss ned nua da Vandalismus gmoand. Wann beispuisweis a vameintle offn eakennbare Socknbuppn an Leschantråg gega a Thema stäijd, koo des zu Vadächtigungan in da Wikigmoa kemma und de Atmosphäa vagiftn. Unta Umständ wead sogår a Unschuidiga deszweng vadächtigt und gschpeat.

Hauptkonto und Socknbuppn han strikt z’drenna. Es stäijd an grobn Missbrauch dar, wenn ma a Socknbuppn dazua heanimmd

  • in Woihn, Åbstimmungan, Meinungsbuidl a Meaheid zum daschwindln
  • bei na Vandalismusmäijdung,
  • um a Sperrn z’umgeh
  • um a Meaheid bei am Dischkurs auf de Dischkursseitn voaz’deischn
  • zum Füahn vu Edit-Wars
  • zum zeidnahn Bearwadn vo am Artikl
  • zum Austrång vo peasenliche Konflikt.

A soijchdana Misbrauch konn zua Sperrung vo ålle Kontn vo dem Benutza füahn.

Natiale is des quandt, wann ma a Socknbuppn füa Dischkurs oolegd um mid dera kritische oda ned so bequeme Sachan los z'wern. Awa des is meißtns doch andas. Wannd dei Kritik ebbs bringa soit, weast boid meaka, daß'd mid deim oogmäijdn Benutza fui ähja ernst gnumma weast ois wia wannst de vasteckst. Solangst sachle und ned z'bäizig weasd, weast meaka, daß a gwisse Widaborstigkeit und a kritischa Geist vo da Wikigmoa respektiad und a honoriad wead. Vasteckst de hinta na Socknbuppn, wui se koana mea mid dia ausnandasetzn, aa wannst recht håsd. Oft fuid se oana, dea a Socknbuppn håd, bsondas sicha und schaugt nimma so auf d Wikiquettn. Des füaht wirum dazua, daß de Dischkurs in hoiwe Wirtshausraffarein ausartn und schließle oana den andan in Vadacht håd daß a de Socknbuppn is. Dawei foit des scho ziemle schnäij an da Art vo de Beiträg auf, wea ois Socknbuppn untawegs is.

Im Metabereich, wia z. B. am Wikipedia-Namaraum, soit ma s in so fean oiwei vameidn, mid na Socknbuppn z arwadt, so wias koa spziäje Arwatssockn (z.B. Benutzer:Beitragszahlen) is'.

Ausdrückle ealaubt san Socknbuppn um Buidl auffe z'lodn wann de Buidl zwar de Richtlinien vo da boarischn wikipedia und nåchm Uahewarecht vo Deitschland, da Schweiz und Estreich recht san, awa a gwiss Restrisiko dabei iss. Ois Beispui sei då as Copyfroud gennnd.

Wos duad ma, wenn ma a Socknbuppn vamuat?[Am Gwëntext werkeln]

  1. Zeascht in da Gmoa zun Dischkurs stejn: Autorncafé
  2. Nacha geh auf: meta:Steward_requests/Checkuser