Wikipedia Dischkrian:Relevanzkriterien

Wos jetz?

Soi des hoasn, dass deseibn RK guitn wia in da deitschn WP ? Wenn des so is, dann miasd ma d'Heifte an Artikln rausschmeissn.. Evtl. soid ma moi eigne schreim oda? --Real-snake (dischkrian) 00:58, 30. Aug. 2014 (CEST)

Servus Real-snake, naa bei uns gibts koane, des wead im Zweifesfoi individuäi entschiedn. De RK-Seitn wead etzad boid glescht. Hob I no nia ned gseng ghobt.

Natiale orientian ma uns aa a weng noch de.wp und en.wp. Bei regionain Themen san ma oba vui toleranta.

Iagendwann brauchma oagne Relevanzkriterien, do host Recht. Oba gschazde 98% vo unsane Artiken is aa noch de.wp relevant (weis de do aa gibt). --Matthias Klostermayr (dischkrian) 08:29, 30. Aug. 2014 (CEST)

Merci dir. Jetz woas i mehra. Hob me scho gwundat. Aber mit de 98% liagst foisch. I hob de RK von da DE:WP ziemle im Kopf, weil i do scho an Haufa gmacht hob. Glab ma's, mir san eha bei 50% ;-). I bin de Lisdn durchganga und hob vui in Wikidata eitrogn, damids Boarische a in andere Sprochn zum Seign is und von de Artikl do drin daadns die meisdn ned in DE:WP schaffa. Aba vielleicht soid ma de Seidn ned leschn, sondan genau des draufschreim, wo's du do herin gschriem host, moansd neda? --Real-snake (dischkrian) 14:21, 30. Aug. 2014 (CEST)

I hob hiazt 25x Spezial:Zufällige Seite klickt: Oiss relevant (RK de.wp). I schätz aa 95-99%. 25 is scho a relevante Stichprob. Es gibt oiso 100 - 500 Artiken, de in da de.wp net relevant waarn. Probias oafoch aus: Spezial:Zufällige Seite. Und wannst 25x klickt host, nacha sog uns wäiche davo net relevant worn (nach RK de.wp). --Joe Watzmo (dischkrian) 14:47, 30. Aug. 2014 (CEST)

Zefix, du host Recht. Hob's grod a probiert, fast olle warn a bei der DE:WP drin. Dann is woi so, dass de in Spezial:Nicht_verbundene_Seiten bsonders vui drin ham, des ned warn. Da san mir hoid dauand so Sachn voagsetzt worn, wie die Lisdn von Strassn in Hinterarsch der Woid oder irgendweiche Mundartdichter, die nia an Verlag gseing ham und koa Sau kennt, drum bin i eja auf 50% kumma. Kunnst ja seiba moi schaun. --Real-snake (dischkrian) 15:21, 30. Aug. 2014 (CEST)

Mia homa etz 10000+ atikl, do brauchma noned ofanga auszmistn. I dad song mia remanomoi bam 1000000 atikl driwa.kimt uns wos unta, wos uns schbanisch fia kimt, no oawad ma eh dro. owa etz ofanga sochan aussezschmeissn is a foia schmarrn.--Mugglschoas (dischkrian) 16:08, 30. Aug. 2014 (CEST)