Autokennzeichn
| Der Artikl is im Dialekt Ståd-Såizburgarisch gschrim worn. |
A Autokennzeichn is a Registrierungsnumma, de wås a jéda, der wås a Auto oda a åndas Gråftfåhrzeig fåhrd, vom zuaständing Stråßnvakehrsåmt griagt. Dé Numma findt ma dånn im Regista, im Zualåssungsschein und af de Schüidln am Auto wieda. Soichane Schüidln muaß ma fést mi'n Auto vabinden und meistns vorn und hintn am Auto auffiduan du matz. Fir månke åndan Årtn vo Fåhrzeig', zum Beispüi fir Motorradln, und in månke Lända braucht ma åwa netta â so Schüidl auffiduan (meistns hintn). Wåmma s'Schüidl söim mànt, sågt ma ståd Autokennzeichn oft à Nummanschüidl oda Nummandåfü.
Åbsåtz af Tirólisch: Die språchgeschichtliche Entwicklung håt in Sidtiról bewirkt, dass man hait firn Autokénnzoachn meistns „Targa“ sågg, wås ausn Italienischn kimmp. Die Bestånttoale va die Fåhrzaige håm in Sidtiról in der Régl åber a Pezeichnung, dé aa in ibrign taitschn Språchraum iblich isch. As italienische „targa“ kimmp ausn germanischn Bereich (laut an italienischn Wérterpuach ausn Åltfränkischn). Verwåndt mit dén Wórt sein englisch target (Zielscheibm) unt taitsch Tartsche (vgl. in der taitschn Wikipedia).
