Blosmusi

Blosmusi bei am Mingara Stodtteifest 2012

Sinfonisches Blosorchesta

Bloskapäin in Ottrott (Elsass)

Blosmusi hoasst ma de Musi, de wo ausschliaßli oda iabawiagend mit Blosinstrumente gmocht wead. Es gibt in Bayern und Soizbuag in schiaga jeda Gmoa a Blosmusikappäin mid mea wia da Häiftn Blosinstrumente.

Gschicht vo da Blosmusi

Hearna vo Rindan, Muschln und andere oafoche Blosinstrumente san vo Naturväikan bei religiösen Riten eigsetzt worn und de Posaunen vo Jericho oda de Fanfaren vo da Römerzeit belegn de Nutzung vo Blosinstrumenten im Oitatum. Ois äitaste eahoitane Musiinstrumente vo Eiropa gäitn de rund 35.000 Joor oidn stoazeitlichn Knochenflötn, de wo in da Schwäbischen Alb gfunden worn san.

Vorlaifa vo da heitign Blosmusi is voa oim de Militärmusi wia sa si nach de Tiaknkriag in Österreich und Bayern entwicklt hot.

Besetzung

Im foigendn wead a Standard-Harmoniebesetzung ogfiaht, de wo je nach Komposition aa obweicha ko. „Harmoniebesetzung“ sogt ma, wenn a Blosorchestra mit Hoiz- und Blechblosan besetzt is.

• Hoizblosa
  • Piccoloflötn (ghead in Bayern ned dazua)
  • 1. und 2. Querflötn
  • 1. (2.) Oboe, 1. (2.) Fagott,
  • Klarinettn in Es, 1.–3. Klarinettn, Bossklarinettn,
  • 1. und 2. Oidsaxophon, 1. (2.) Tenorsaxophon, Baritonsaxophon,
• Blechblosa
  • 1.–3. (4.) Trompetn – (eng mensuriat)
  • 1. und 2. Fliglhorn in B – (weit mensuriat) (haptsächli bei deitschsprochign Komponistn)
  • 1. und 2. (3.) Kornett in B – (eng mensuriert) (haptsächli bei englischn oder amerikanischn Komponistn)
  • 1.–4. Woidhorn in F – (weit mensuriat)
    • 1.–4. Oidhorn in Es (nur wenn koane Woidherna besetzt san)
  • 1. und 2. Tenorhorn in B – (weit mensuriat) (haptsächli bei deitschsprochign Komponistn)
  • Bariton in B (oda Euphonium) – (weit mensuriat)
  • 1.–2. Posaune sowia 3. Stimm oda Bassposaune – (eng mensuriat)
  • Tuba in B, C, Es oda F (gelegentli ois Sousaphon); aa Kontrabasstuba ois Kaiserboss.
• Schlogzeig
  • Drumset
  • Große Dromme, Kloane Dromme, Tschinellen, Gong, Tamtam, Bongos, Congas, Timbales
  • Perkussion: Triangl, Tamburin, Cabasa, Maracas, Schlittenglocken, Shaker, Windmaschin, Amboss
  • Stobspui / Mallets: Marimbaphon, Vibraphon, Xylophon, Glocknspui, Rehrnglockn, Windchimes, Glockspui-Lyra
  • Paukn

Einteilung vom Notnmaterial

• Original-Kompositionen: Extra fia Blosorchesta komponiat
• Transkriptionen: Übatrogung vo Werkn, de wo urspringlich fia a andare Instrumentation komponiat worn san
• Arrangements: Potppurris vo bekanntn Melodien
• Voiksmusi: Originalkompositiona fia de Voiksmusi

Schau aa

• Komponistn vo Blosmusi

Literadua

• Werner Bodendorff: Historie der geblasenen Musik. Buchloe 2002
• Elmar Walter: Blas- und Bläsermusik. Musik zwischen Volksmusik, volkstümlicher Musik, Militärmusik und Kunstmusik. Tutzing 2011

Im Netz

• Links zu 187 Vabändn im deitschsprochign Raum
• Österreichischa Blosmusivaband
• Schweiza Blosmusivaband
• Verband Südtirola Musikapäin
• WASBE World Association of Symphonic Bands and Ensembles - Sektion Deitschland