Dyaus

Aus Wikipedia
Da Himmesvoda vom Michelangelo (so ko ma si aa an Dyaus voastejn)

Da Dyaus oda Dyaus Pita (Sanskrit द्यौष् पिता dyauṣ pitā [Himme Voda] ) is in da vedischn Mythologie da Himmesgod bzw. da Himmesvoda,[1]. Sei Gmohlin is de Prithivi Mata, de Eadgeddin bzw. Eadmuada. Seine Kinda san da Agni, da Indra, da Surya[1] und de Ushas.[2] Sei Symboiviech is da Stia.[1]

Ea guit ois Relikt vo da oidn indogermanischn Urreligion.[3] Sei Nama is etymologisch vawandt midm germanischn Ziu (Tyr), am griachischn Zeus und am remischn Jupiter und wead afs proto-indogermanische *Dyeus zruckgfiad.

Im Rigveda spuit a nua a gringe Roin. Ea wead do nua zamma mid seim Wei, da Prithivi, ogruafa. Es wead ognumma, dass a scho fria vo seim Suhn Indra umbrochd und easetzt worn is. Deswegn is a oscheinend scho im indischn Oitadum in Vagessnheid keman und im Untaschied zua Prithive im Hinduismus voikomman unbkannt.

Literatua[Werkeln | Am Gwëntext werkeln]

  • Thomas Oberlies, Die Religion des Rgveda, Wean 1998.
  • Gerhard J. Bellinger, Knaurs Lexikon der Mythologie, Knaur, Minga 1999, Dyaus

Beleg[Werkeln | Am Gwëntext werkeln]

  1. 1,0 1,1 1,2 Gerhard J. Bellinger, Knaurs Lexikon der Mythologie, Knaur, München 1999, Dyaus
  2. Rigveda 4,17,4desa
  3. "The general opinion respecting Dyaus (Heaven) and Prithivi (Earth) is that they are amongst the most ancient of the Aryan deities, hence they are spoken of in the hymns of the Rig-Veda as the parents of the other gods." W.J. Wilkins, "Dyaus and Prthivi" in Hindu Mythology, Vedic and Puranic 1900.