Ferdinand Magellan
Aus Wikipedia
Da Ferdinand Magellan woa a portugisischa (Portugal) Entdecka dea vum Friiling 1480 (geb.: Sabrosa / Portugal - Datum is ned bekonnt) bis zum 27. April 1521 (Mactan / Phillipinen) glebt hod.
Inhoitsvazeichnis |
[dro werkln] Heakunft und Lebn
Ea hod aus a adelign Familie ausm Nordn vu Portugal gstommt, hod 2 Briada und 1 Schwesta kopt. Ois ea 10 Johr oit woa, hod ea seine Eltan valuan, wosn in Armut brocht hod. Desweng is ea 2 Johr spata, als Page, an en Hof vum portugisischn Kenig Johann II. vu Portugal gongen. Vu do aus is noch Indien, zum Fizekenig Francisco de Almeida zua militärischn Ausbildung gschickt woan. 1510 is eam da Kapitänsstatus valiehn woan den ea olladings bold wieda valuan hod weil ea sich nid an sei Aufgob koltn hod. 1511 hot ea an da Schlocht vu Azamor teilgnommen, wo ea am Knie vawundet woan is. Am 15. Mai 1514 weat ea vum portugisischn Stootsdienst entlossn weil ea illegal Håndl mit die Mauren triebn hod. Des woa a wichtige Wende in seim Leben weil vu do on hod ea seine Dienste em spanischen Kenig Karl V. (åb 1519 Kaisa Karl V. vum Heilign Remischn Reich deitsch Nation (Heiliges Remisches Reich deitscha Nation)) untastellt.
[dro werkln] Die Reise
[dro werkln] Gründe
Magellan woa davo übazeugt (vieleicht hod ea a a geheime Kortn im potugisischn maritim-Archiv gfundn, ma woass es nid), dass da Rio de Janeiro koa Meerenge zwischn Atlantik und Pazifik is, sondan ebn nua a Fluss, wesholb ea weita noch Südn wollt um do noch am Zuagong zum Pazifik z' suachn. Natialich wollt da spanische König a an Nutzn draus ziang, wesholb Magellan eam vasprochn hod, dass ea die sogenonnten Gewüazinsln (Heit: Molukken) übaprüft, ob de tatsächlich auf da portugisischn Welthälfte lign, wia's da Påpst im Vatrog vu Tordesillas im Johr 1494 zuagsprochn hod, oda nid decht auf da spanischn.
[dro werkln] Reisevalauf
Am 10. August 1519 hot die Reise mit 5 Schiffe in Sevilla begonnen:
- Trinidad: 120 Tonnen, 55 Mann, Kapitän: Ferdinand Magellan
- San Antonio: 130 Tonnen, 60 Mann, Kapitän: Juan de Cartagena
- Concepción: 90 Tonnen, 45 Mann, Kapitän: Gaspar de Quesada
- Victoria: 90 Tonnen, 42 Mann, Kapitän: Luis de Mendoza
- Santiago: 60 Tonnen, 32 Mann, Kapitän: Giovanni Serrano
Am 28. November durchqueat Magellan es easte Mol die noch ihm benonnte Magellanstrossn, a Meaenge zwischn oane vu die vieln Insln de es in dea Gegnd gibt und ea nennt den neien Ozean en Pazifik (vu pazifis = friedlich), weil do die se oiewei begleitendn Stürme aufhean. Zu dem Zeitpunkt hod sei Flotte olladings 2 Schiffe valoan, die Santiago durch Schiffbruch und die San Antonio durch Meutarei. Ende März 1521 arreichn die 3 vablibnen Schiffe die Insl Cebu, nohe dea Phillipinen, wo se en Großteil da Bevölkarung zum Christntum bekeahn kennen und mit iam Kenig Gegnstände gegn Nahrung z' tauschn. Nochdem die Missioniarung auf da Nochborinsl Mactan fehlgschlogn is hot ea sie ongreifn lossn, wobei ea selba ums Lebn kemma is. Noch dem misslungenen Ongriff hot sich da König vu Cebu wieda vum Christntum losgsogt und hot die Spanier ongreifn lossn.
Es Ergebnis vu dem gonzn Untanehmen woan 35 Tote auf spanischa Seitn und da Valust da Concepción. Dea Rest dea Flottn is weita bis zu die Molukken gseglt, wo se 26 Tonnen Gewüaz mitgnommen hobn, welche donn die Kostn fia die gonze Reise und die valorenen Besotzungen und Schiffe deckn hobn kenna. Domit hot also Magellans Flotte als easte die gonze Welt umrundet:
[dro werkln] Peasönlichkeit
Charakterlich gsechn woa ea voa ollem a zielstrebiga, hortnäckiga und fromma Mensch, wia ebn viele ondare europäische Entdecka zu seina Zeit. Genau wia olle ondan hod ea a olle neien Gebiete europäisieren (Europäisierung) welln, nua mit dem Untaschied, dass ea des, ondast wia zum Beispiel Hernán Cortes oda die Familie Pizarro, auf friedliche Weise bevoazugt hod, wohrscheinlich desweng weil ea selba groaßes Intaresse an ondare Kultuan kopt hod.
