Militär

Es Militär is a Organisation, des es Recht vu seina Nation aholtn hod, im Foll vu a Gewåltbedrohung vu außn, en Grund und Bodn vu dea Nation z' vateidign.

Gschicht [dro werkln]

De Gschicht vum Militär is olladings nu long nit so olt wia da Beruf vum Soldatn, vu dem die Gschicht scho anfongt, bevua Menschn ibahaupt ongfongan hobn A'eignisse aufzzeichnen. Domols wor die Organisation gonz ondast, wenn ibahaupt oane voahåndn woa, weil moastns worn de Heer nua aus Söldna aufbaut, de ois ohne irgendoan Beföhsstob aledigt hobn. East mitn Absolutismus und da Monarchie, hom vaschiedene Heascha, zmindeschtns in Eiropa, iare Heer mid a eha strengan Hierarchie aufbaut und voa ållem vui bessa organisiat. Da franzesische selbstanånnte Kaisa Napoleon Bonaparte hot zum heitign Büüd vu am modernen Militär wesntlich beitrogn, weil ea sei Heer, wos a völlig neie Idee woa, zu dea Zeit, in vaschidene Typn vu Bewåffnungn eiteilt hod (Artillerie, Kavallerie, und Infantrie), wos es Schlochtfeld fia die Generäle, de die Plånung ibanommen hobn, viel ibasichtlicher gmocht hot. A ähnlich wichtige Bedeitung fia die Entwicklung vu da modernen Kriagsfiahrung hod die Afindung vum Flugzeig duach die Briada Wright dorgstellt, gnauso wia die Entwicklung vum Pånza weand dem eastn Wödkriag, ån demm da berühmte britische Premieeminista Winston Churchill stork midgwirkt hod. Adolf Hitler hod mit seina Blitzkriag-Strategie im Zwoatn Wödkriag a a gonz neie ort vu Kriagsfiahrung entwicklt, und de gilt a heit nu wenn a Invasion plant wead. Seitdem hods eigentlich koane recht storkn Vaändarungen mea gebn, ausgnommn, die Entwicklung da Atombombm, de bewirkt hod, dass de Nationen, de in am Konflikt mit am Stoot sen, der Atomwaffen hod, voasichtiga san, und woascheinlich nid so schnell militärische Måßnohmen agreifn. High-Tech Wåffn hobn nu den Effekt kopt, dass ma vüü weniga Soldatn braucht as wia friaga, a hauptsächlich desweng, wei ma heit Åfklärung durch computerglenkte Flugdrohnen asetzn kã, und nu vüü mea.

Militär im 20. Jht. und die Foign [dro werkln]

Am Onfong vum 20. Johrhundat, hots vüü faschistische Bewegungen gebn, de fia eana Lond a Imperium woitn und des mit militärischa Gewolt arreichn wolltn, de also extrem nationalistische Bewegungen worn. De Einstellung hod stork dazua beitrogn, dass es in da 1. Hälfte vum 20. Jht. 2 Wödkriag gebn hod, de Europa und teilweise a n' Rest da Welt vanichtet hobn, wos dazua gführt hod, dass die Nochkriagsgenerationen in Eiropa a eha pazifistische, Einstellung ãgnommen hobn, und den Kriag heit grundsetzlich oblehn.