Fuaßboi-Wäidmoasterschaft 1934

di Wödmasta aus Italien

De Fuaßboi-Waidmoasterschaft is de Zwoate, de ausgetragen woarn is. De Gastgeber woar Italien. De Stadien in Italien håm domals zu de bestn vo da Wäid gherd.

Qualifikation

Bei de Qualifikation hom 32 Moanschaften teilgnommen. Auch de Gastgeber håm si selber erst qualifizieren miassn. Aus Europa hom 21 teignomma, aus Afrika/Asien zwá, Nordamerika vier und Sidamerika a vier. De Gastgeber håm sich erst gecha Griechnland duachsetzn miassn. De Deitschn hom siach gecha Luxemburg duarchgsetzt. De Tittlverteidiger Uruguay hot desmol net teilgnomma. A de Englander hom zugschaut, weil des Duarnier net im "Mutterland" vom Fuaßboi stattgfunna hat.

Teilnehmer

12 aus Europa	Belgien	Deitschland	Frankreich	Italien
	Niederlande	Österreich	Rumänien	Schweden
	Schweiz	Spanien	Tschechoslowakei	Ungarn
2 aus Sidamerika	Argentinien	Brasilien
1 aus Nord- und Mittlamerika	USA
1 aus Afrika und Asien	Ägyptn

Modus

Des Moi is des gsamte Duarnier im K.-o-System gspuit worn. Wer verloarn hot, woar draußen. Bei am Unentschiedn is a hualba Stund verlängert worn. Wor do auch noch ka Ergebniss da, dann is des Spui wiadahoit worn.

Duarnierverlauf

Im ersten Spui am 27. Mai hot Italien die USA klar mit 7:1 gschlong. A de Tschechn und de Deitschn hom ihra Spui gwonna. Im Spui de Deitschn gecha Belgien hot da Edmun Conen des Spui fost im Alleingang gwonna. Ar a interresantes Spui wor des se Österreicha gecha de Franzosn. Des Spui is in de Verlängerung gonga, und Österreich hot des Spui doch no miat 3:2 gwonna und is im Viartlfinale gståndn. Der ersta Duarniertag ist der Tag der Europäer, denn kane Moanschaft, de net aus Europa komm is, hot de ersta Rundn bestandn.

Im Viartlfinale hom de Detschn de Schweden ausn Wettbererg geworfn. Se hom mit 2:1 gewonna. Fur de Eidgenossen wor des Duarnier dagegen scho fuabei, weils gech de Tschechn verluarn hom. Österreich hot als zwoate deitschsprachige Moanschaft des Hulbfinale erreicht. In sengenda Hitzn hom Spanien und Italien gespuit. Nachdem des Spui in de Verlängerung gånga is, hot der Spanier Lángara in der 113. Minutn den Pfostn troffn. Elfmeterschiaßn håds domals noch net gém, deshualb homs des Spui wiadaholt. Im zwoaten Spui hom die Italiener a Tor gschossn, wobei es Proteste seitns de Spanier gém håd, weil de Spialer den Torhüter bedrängt håm. Des Tor zählt und Italien spuit im Hualbfinale.

Im Hualbfinale hom de Deutschn kanen guadn Tag erwischt. Se hom gecha de Tschechoslowakei verluarn. Trotz da Belastung durch des Wiadahohlungsspui hom de Italiener gecha Österreich gwonna und steng im Finale.

Im "klanen Finale" um Platz drei håm jétz Deitschland und Österreich gspüid. Obwohl de Österreicha favorisiert wurn, håm de Deitschn des ersta Tor gschossn. De letztn zwoa Spui vo de zwá Moanschaftn san 5:0 und 6:0 für Österreich ausgånga. Darum woars a Überraschung, dass de Deitsch mit 3:2 gwonna hom. Und de deitscha Moanschaft taucht zuam erstn Moi auf der Fuaßboiwäidkaddn auf.

Im Endspui san de Italiener gecha de Tschechoslowakei antretn. In da zwoatn Hulbzeit håd da Schidsricher des huate Spui vo de Gastgeber duarchgehn låssn. Dennoch hom de Tschechn des ersta Tor gschossn. Kurz fuarm Schluss håm de Italiener ausglichn. De "Azzurri" håm dann doch no gwonna. Am End iss 2:1 n.V. fur Italien gståndn, und Itálien is de ersta Wäidmoaster aus Europa gworn.

Fuaßboi-Wödmastaschåftn fia Mãna

Uruguay 1930 | Italien 1934 | Frãnkreich 1938 | Brasülien 1950 | Schweiz 1954 | Schwedn 1958 | Tschile 1962 | Englånd 1966 | Mexiko 1970 | Deitschlånd 1974
Agentinien 1978 | Schbanien 1982 | Mexiko 1986 | Italien 1990 | USA 1994 | Frãnkreich 1998 | Südkorea/Japan 2002 | Deitschlånd 2006 | Südafrika 2010 | Brasülien 2014