Gerhard Schröder

Da Gerd Schröder (2003)

Gerhard Fritz Kurt Schröder mera bekånnt ois Gerd Schröder (* 7. Aprui 1944 in Mossenberg z´Nidasåchsn) is a Politika vu da SPD und woa vo 1998 bis 2005 Bundeskanzler der Bundesrepublik Deutschland.

Lem

d´Kindheid und Jugend

Da Schröder Gerd is ois oanziga Bua vu a Griagswitwn in gånz oaman Vaheitnissn aufgwachsn. Sein Voda hoda nia kennagleant, do dea an da Front gfoin is.

In dera Zeid hod a Fuasboi beim TSV Lemgo gspuit und se so ab und zua a Schnitzl vadient. Dohea kimmt sei Spitznåma Acker.

In da Zeid vo 1951 bis 1958 is a in Voiksschui gonga und hod nahat a Lea in Lemgo drunt bei am Blechdandler gmåcht, de ea 1961 åbgschlossn hod.

Oabat

Bis 1963 hod a ois kaufmännischa Ogseida in Göttingen goabat. Zwischn 1962 und 1966 hod a east Remiddlare Reifn und glei drauf s´Abitua uwan zwoatn Buidungswäg gmocht. Zum Barras hod a ned miassn, wei ma ois oanziga Sohn vo a Griagswitwn ned zong woan is. 1966 is los ganga mim Studium vo Jura des a 1971 obgschlossn hod. Im seibm Joa is des easte Stodsexama obgschlossn woan; 1976 des zwoate. Seit dem is a ois Anwoid zuaglossn. Ausgübt hod a den Beruf bis 1990. Oana vo seine bekanntren Mandantn woa da friare RAF-Terrorist Horst Mahler.

Familie

Gerd Schröder is jetzad des viate Moi vaheirat. Sei jetzige is de Zeitungsschreibarin Doris Schröder-Köpf di a Dochta mit in d´Ehe bråcht hod.

Polidig

bei da Podei

Bereits 1963 is da Schröder in d´SPD eitren un 1971 is a Voasitzenda vo de Jusos in Hannova woan. Zwischn 1978 bis 1980 woara sogoa Bundesvoasitzenda vo dene und vo 1999 bis 2004 wora a Vositzenda vo da SPD.

Ois Madatsdräga

Bei da Bundesdogswoi vu 1980 hod a Mandat in da SPD Fraktion gschafft des a bis zua Lånddogswoi in Nidasåchsn 1986 ghobt hod. Nåch dera Woi is a ois Fraktionsvoasitznda Obbositionsfiare doatn woan. 1990 hod a dann de näxte Woi gwunna hod, midara Wiadawoi 1994, Ministapresident do gweng. Bei da Bundesdogswoi 1998 hod a donn ois easta iwahaupt in a demokratischen Woi an Kohl Heimud als Bundeskanzla obglöst. Bis zua voazongnen Woi vo 2005 is a des a blim.

Commons: Gerhard Schröder – Buidl, Videos und/oda Audiodatein

Bundeskanzla vo da Bundesrepublik Deitschland

Konrad Adenauer | Ludwig Erhard | Kurt Georg Kiesinger | Willy Brandt |
Helmut Schmidt | Helmut Kohl | Gerhard Schröder | Angela Merkel