Heiligs Römischs Reich Daitscha Nazion

As Heilige Römische Reich, spada aa Heiligs Römischs Reich Daitscha Nazion, war de Bezeichnung fia a Reich in Mittleiropa, wos vo germanische (deitsche) Kaisa regiert woan is.

As Reich zua Zeit vo Karl IV.

Es is ausm Ostfränkischn Reich hervor ganga und håt nem Deitschland aa de heitign Lända Schweiz, Östareich, de Niederlånde und Belgien, Teile vom heitign Frankreich und zeitweis aa an Guadteil vo Italien umfasst. Aa de behmischn Lande ham dazua ghert.

Gschicht

Da Titel Sacrum Romanum Imperium is fia 1254 erstmois urkundlich belegt worn. De Woi vom Kine/Kaisa is durch de Goldne Bulle vom Karl IV. vo 1356 endgültig gregelt worn. Seit am 15. Jahrhundert håt si langsam da Zuasatz Deitscha Nation (lat. Nationis Germanicæ) durchgsetzt. Des Reich war nia a Nationalstaat heitiga Prägung, sondern a vom Kaisa geführts, durch de Stände geprägts Gebilde mit nur a bår gmoasame Reichsinstitutionen wia am Reichsdåg und am Reichsgricht. Im Dreissjährign Kriag war des Heilige Römische Reich da Hauptkriagsschauplåtz. As Heilige Römische Reich is nach de Eroberungen vom Napoleon und da Gründung vom Rheinbund 1806 mit'm Reichsdeputationshauptschluß aufglöst worn.

Herrscha vom Heilign Römischn Reich

Ottonen

• Otto I. (962-973)
• Otto II. (973-983)
• Otto III. (983-1002)
• Heinrich II. (1002-1024)

Salisch - Fränkische Herrscha

• Konrad II. (HRR) *990, Kini seit 1024, Kaisa (1027-1039)
• Heinrich III. (HRR) (1039-1056)
• Heinrich IV. (1056-1106)
• Heinrich V. (HRR) (1106-1125)

Vo Supplinburg

• Lothar III. (1125-1137)

Staffa

• Konrad III., Kini 1138-1152
• Friedrich I. Barbarossa, deitscha Kini ab 1152, Kaisa 1152-1190
• Heinrich VI. deitscha Kini ab 1190, Kaisa 1191-1197

1198: Doppewoi vo zwoa deitscha Kinien, Philipp vo Schwaben und Otto vo Braunschweig, dem spadan Otto IV., beide werm beim Papst Innozenz III. um de Kaisawürde; der spricht si 1200/1201 fia an Otto aus, behalt si 1202 im Dekretale Venerabilem as letzte Wort vor und "bestätigt" Otto mit seim Anspruch auf de Kaisawürde. 1208 is da Philip umbracht worn, erst 1209 werd dann mit Otto wieda a Kaisa gekrönt:

Welfen (Guelphen)

• Otto IV. (HRR) *~1175, deitscha Kini ab 1198 (parallel zua Philipp vo Schwaben, Kaisa 1209-1218

Staffa (Hohenstaufen)

• Friedrich II., Kini ab 1212, Kaisa (1220-1250)
• Konrad IV., Kini (1250-1254)

Interregnum

• Wilhelm vo Holland, Kini (1254-1256)
• Richard Cornwall, Kini (1257-1272)
• Alfons vo Kastilien, Kini (1247-1273)

Vaschiedne Herrschahäusa

• Rudolf I. vo Habsburg Kini ab 1273, vom Papst Gregor X. 1274 anerkannt, aba aus diverse Gründ nia zum Kaisa krönt. † 1291

• Adolf vo Nassau, Kini (1292-1298)
• Albrecht I. vo Östareich, Habsburg, Kini (1298-1308)

• Heinrich VII. vo Luxemburg, Kini ab 1308, Kaisa (1312-1313)
• Ludwig IV. vo Bayern, Wittelsbacher (1314-1347)
• Friedrich (III.) da Scheene vo Östareich, Kini (1325-1330)
• Karl IV. vo Luxemburg Kini ab 1347, Kaisa (1355-1378)
• Wenzel vo Luxemburg, Kini (1378-1400)
• Ruprecht III. vo da Pfoiz, Wittelsbacher, Kini (1401-1410)
• Jobst vo Mähren Kini (1410-1411)
• Sigismund vo Luxemburg (Kini ab 1410, Kaisa 1433-1437)

Haus Habsburg

• Albrecht II., Kini (1438-1439)
• Friedrich III. (Kini (als Friedrich IV.) ab 1440, Kaisa 1452-1493)
• Maximilian I. (Kini ab 1486, Kaisa 1508-1519)
• Karl V. (Kini ab1519, Kaisa 1530-1556), letzte Kaisakrönung durch an Papst
• Ferdinand I. (1556-1564)
• Maximilian II. (1564-1576)
• Rudolf II. (1576-1612)
• Matthias (1612-1619)
• Ferdinand II. (1619-1637)
• Ferdinand III. (1637-1657)
• Leopold I. (1658-1705)
• Joseph I. (1705-1711)
• Karl VI. (1711-1740)

Haus Wittelsbach

• Karl VII. Albrecht (1742-1745)

Habsburg-Lothringen

• Franz I. Stephan (1745-1765)
• Joseph II. (1765-1790)
• Leopold II. (1790-1792)
• Franz II. (1792-1806), seit 1805 aa Kaisa vo Östareich.