Langa Marsch
| Der Artikl is im Dialekt Obaboarisch gschrim worn. |
Da Lange Marsch (chin. 長征 / 长征, Chángzhēng) is da zentrale Hejdenmythos vu da Kommunistischen Partei vu China. Es wor a taktisch-militearischa Rickzug vo da Streitmocht vo da Kommunistischen Partei vo China 1934/35, um si aus da Einkroasung duach de Armee vom Chiang Kai-shek (Kuomintang) z befrein.
Ban Langan Marsch worn mearane Obteilungen vo da Rodn Armee aufm Weg noch Westn und Nordn. Am bekonntestn is da Marsch vo da Armeegruppm mit da Fiahrungsspitzn vu da Kommunistisch Partei vu China, wo innahoib vu 370 Dog 12.500[1][A 1] km zruckglegt und dabei a poar vu de unwegsamstn Gebiete vu China duachqueat hom. Wearend am Langan Marsch is am Mao Tse-tung glunga, sei Mocht innahoib vu da Partei z festign und auszbaun.
Inhoitsvazeichnis |
[drå werkln] Ursochn und Wiakungen
Nochm gscheidatn Heabstertne-Aufstond im Septemba 1927 hod si da Mao Tse-tung mit ana Gruppm vo da Rodn Armee ins Jinggang-Gebiage zruggzogn. Obwoi imma wieda neie Leidln dazuakema san, wor de Gruppm da Iwamocht und dena stendign Ogriffn vum Kuomintang ned gwoxn. Deshoib sans weida noch Jiangxi und Fujian zogn, um si duatn im Grenzgebiet zwischn dena boadn Provinzn niedazlossn.
Da Chiang Kai-Shek hod owa inzwischn mit Japan an Woffnstuistond gschlossn, hod deshoib an Ruckn frei ghobt und hod 500.000 Soidotn zum Kampf gegn de Rode Armee mobilisiat. Damit hod a nacha vasuacht, de vo de Kommunistn besetztn Gebiete einzkroasn und dann ganz langsam voazruggn, um de Schlingan sicha zuazanziagn. De Situation vo da Rodn Armee wor praktisch aussichtslos, wei da Kuomintang zu dem Zeitpunkt zehn moi so vui Soidotn ghobt hod, wo a no weit bessa bewoffnet gwen san. Ois Rettungsvasuach is bschlossn worn, de Streitkrefte noch Nordwest on de sowjetische Grenz zum valegn. Im Oktoba 1934 worn de Vorbereitunga ogschlossn und da Lange Marsch hod ogfongt.
Unta de mea ois 85.000 Leidln, wo loszogn san[2] worn vamutlich nua 35 Frauen. Iwa 15.000[2] Soidotn, iwa 30.000[2] Vawundete sowia de Fraun san zruggbliem. Unta de Zrugglossanan worn a hohe Funktioneare, wia zum Beispui Mao Zetan da jingste Bruada vom Mao Tse-tung. Wiar nacha im Novemba des Gebiet wiar z dawortn wor, vom Kuomintang eingnumma worn is sans gfonga gnumma und hingricht worn.
[drå werkln] Z Yan'an am Zui
Am 20. Oktoba 1935 san nua 7.000 vu de 85.000 Leidln, wo si ausm Jiangxi-Sowjet afn Langan Marsch begebm hom, am Zui z Yan'an okema. Obwoi da Preis hoch wor, hoda si fia de Kommunistische Partei vu China glohnt. In da Obgschiednheit vum Nordn hod de Partei und de Rote Armee de Ruah ghobt, um si z eahoin und nei afzbaun. 10 Joar spoda hod de Rote Armee an Kuomintang vum chinesischen Festland af de Insl Taiwan vatriebm.
[drå werkln] Wiakung
Da gresste strategische Ruckzug vo da Militeagschicht hod an Mao zua Legendn gmocht.[3] Andare Teinehma hom in da Partei Karriere gmocht, wia da Zhou Enlai und da Deng Xiaoping.
Da Lange Marsch is zan zentraln Mythos vo da kommunistischn Partei vo China worn. Da Mao hod anno 1935 dazua gschriebm:
- "The Long March is a manifesto. It has proclaimed to the world that the Red Army is an army of heroes, while the imperialists and their running dogs, Chiang Kai-shek and his like, are impotent. It has proclaimed their utter failure to encircle, pursue, obstruct and intercept us. The Long March is also a propaganda force. It has announced to some 200 million people in eleven provinces that the road of the Red Army is their only road to liberation."[4]
[drå werkln] Biacha
- James P. Harrison: Der lange Marsch zur Macht. Belser, Stuttgart 1978, ISBN 3-76301-167-6.
- Ed Jocelyn, Andrew McEwen: The Long March. The true story behind the legendary journey that made Mao’s China. Constable, London 2006, ISBN 1-845-29255-3.
- Lily Xiao Hong Lee, Sue Wiles: Women of the Long March. Allen & Unwin Pty., Limited (Australia), 2000, ISBN 1-86448-569-8.
- Frederick S. Litten: The Myth of the „Turning Point“ – Towards a New Understanding of the Long March. In: Bochumer Jahrbuch zur Ostasienforschung. Band 25, Iudicium Verlag GmbH, Minga 2001, ISBN 3-89129-577-4, S. 42.
- Harrison E. Salisbury: Der Lange Marsch. S. Fischer Verlag, Frankfurt am Main 1985, ISBN 3-10071-306-0.
- Sun Shuyun: Maos langer Marsch. Propyläen Verlag, Berlin 2008, ISBN 3-54907-343-7.
- Dick Wilson: Mao Tse-tungs langer Marsch 1935. Der Ursprung der Volksrepublik China. Heyne, Minga 1978, ISBN 3-453-48043-0.
[drå werkln] Beleg
- ↑ Schetzung vum Mao Zedong, zitiat noch: Snow, Edgar. Red Star Over China (1937), in Deitsch schaug: Snow, Edgar. Roter Schnee über China. (Iwaorwate Fossung) Fischer Taschenbuch Verlag, Frankfurt am Main 1974. ISBN 3-596-21514-5
- ↑ 2,0 2,1 2,2 Litten, Frederick S. The Myth of the "Turning Point" - Towards a New Understanding of the Long March, in Bochumer Jahrbuch zur Ostasienforschung 25. Iudicium Verlag GmbH, München 2001. ISBN 978-3-89129-577-9. S. 15
- ↑ Biography (TV series) - Mao Tse Tung: China's Peasant Emperor, A&E Network, 2005, ASIN B000AABKXG
- ↑ Mao Zedong, in On Tactics against Japanese Imperialism (December 27, 1935): "The Characteristics of the Present Political Situation" (Retrieved November 25, 2006)
[drå werkln] Omeakung
- ↑ Laut Jocelyn, Ed; McEwen, Andrew. The Long March. Constable, London 2006. ISBN 1-84529-255-3 betrogt de echt zruckglegte Streckn 6.000 km.
