Lateinische Phrasn/D

Lateinische Phrasn A B D E H

Initiale D (a Frau beim Geometrieuntarricht; franzesische Hondschrift)

Damnatio

Bei da Peason links untn (Koasa Geta) is da Schädl glescht.

Damnatio memoriae

„Vadommung vo da Eainnarung“: Wenn jemond ausm Gedächtnis glesch wean soi. Vahosste Typn san aus de Annaln tuigt woan, olle Buida und Inschriftn, de wo auf de Peason hingwiesn hom, san zasteat woan.

Dat

Dat census honores.

Ovid, Amores 3,8,55.

„Reichtum bringt Oseng.“ Genaua: „De Steiaschätzung valeiht de Ämta.“

Dat, dicat, dedicat.

„Er gibt, weiht und widmet.“ - Weiheforme fia Opfagengständ, obkiazt mit D. D. D. A ondare Version is „Dat, donat, dedicat“.

deleatur

deleatur

„Weg damit!“ Des is de Bedeitung von am Korrekturzeichen für Manuskripte: Ma schtraecht den Buachstabm oder den Texttoj, der wegghert, durch und schreibt danebm ann Rand, – fia deleatur! – a kloans d in der deitschn Kurrentschrift.

Delirant

Delirant isti Romani.

„De spinna, de Rema.“ - Aus da lateinischn Version vo da Asterix-Serie; Standardspruch vom Obelix.

Demon

Demon est deus inversus.

„Da Deifi is da Hintan vom God.“

Den Satz, der in de Theosophie und in de sunstige Esoterik ghert, den hat die Helena Petrovna Blavatsky in oam vo ihrane Hauptwerk (Die Geheimlehre) bekannt gmacht.

Diem

Diem perdidi.

„I hob an Tog valoan!“ - A Spruch vom remischn Kaisa Titus, wia eam beim Essn eingfoin is, dass a an im Tog no nix Guads gmocht ghobt hod.

Dirigo

Siegl vom Bundesstoot Maine

Dirigo.

„I loat enk.“ Motto aufm Stootssiegl vom amerikanischen Bundesstoot Maine, vo 1820. Da Polarstean ois Loatstean vo de Seefoara is domit gmoant.

Doctor

Doctor

„Leara“ - A Doktor is imstond, jemond ondan wos beizbringa.

Dura/Durum

Dura lex sed lex

„Des Gsetz (is) hoat, oba (es is) des Gsetz.“

Durum patientia vincit.

„Geduld gwinnt geng Härte.“

Des is a Kuazfoam von a-r-am ganzn Versal (an Hexameter):

Dura pati virtus, vincit patientia dura. (S Harte datrogn is Tapferkaet, übers Harte werd Herr die Geduid.) - Des is a Wahlspruch auf a-r-am Stammbuachbladdl vo oam vo dene Herzög vo Lauenburg.

Beleg

Lateinische Phrasn A B D E H