Liesl Karlstadt

Der Artikl is im Dialekt Obaboarisch gschrim worn.

Da Liesl-Karlstadt-Brunna aum Viktualienmarkt, 2004

De Liesl Karlstadt, amtli Elisabeth Wellano (* 12. Dezemba 1892 z Minga; † 27. Juli 1960 z Garmisch) wor a boarische Soubrettn, Schauspuiarin und Kabarettistin. Sie und da Karl Valentin worn zamm oans vo de gwichdigsdn deitschn Komikerduos vom 20. Joarhundat.

Lem und Karriere

De Elisabeth Wellano is z Schwabing ois Dochda vo am Beckamoasta mit italienischa Obstammung auf d Wejd kemma. De Lisl hod ois Vakaifarin im domois nei grinddn Kaufhaus vom Hermann Tietz (Hertie).

Ihran Kunstlanama Karlstadt hod sa se vom Karl Marxstadt obgleidt. Der wor a Gsangshumorist aus Minga und war oans vo de Vorbuida vom Karl Valentin.

Iwablick iwa ia Schoffa

Sie hod im Zeidraum vo 1911 bis 1938 fest midm Karl Valentin zam garbad. In dera Zeid san an de 400 Sketche und Komedien enstandn. Sie war mehr ois nur a Spuipardnerin in dem Duo. Sie is ehmfois a Ideengebarin fia de Sketche und Dialoge gwen. Danem hod sie am Karl Valentin a psychisch iwa de Rundn ghoifn, wei dea a recht instabile und hypochodrische Vaolagung ghobd hod.

Erfoigreiche Zeid

Ihre gräßdn Erfoige hods während da Weimarer Republik (1919 bis 1933) ghobd. In da Nazizeid is na äha in Hindagrund dräddn. Ihran Durchbruch im Fuimmilieu hod des Duo 1923 mid dem Kuazfuim Mysterien eines Frisiersalons ghobd. A bsondana künstlarischa Höhepunkt vo eahnam Fuimschaffn war de Opernfafuimung Die verkaufte Braut ausm Jahr 1932 midm Regisseur Max Ophüls.

Nachm Karl Valentin

Nach dem da Karl Valentin 1948 gschdorm war, hod sie a ernsdare Roin bei de Münchner Kammerspiele und am Residenztheater ghobd, danem hods a in Undahoidungsfuim midgschbuid. Beim Boarischn Rundfunk war sie in da Radiosendung Familie Brandl engagiad.

D' Liesl Karlstadt is aufm Bognhauser Friedhof z Minga beerdigt. Aufm Viktualienmarkt erinnad a Brunna an sie. Und am Isator is heid as Valentin-Musäum zur Erinnarung an des Komikerduo.

Biacha

• Rolf Badenhausen: Karlstadt, Liesl. In: Neue Deutsche Biographie (NDB). Band 11. Duncker & Humblot, Berlin 1977, S. 276 f.
• Barbara Bronnen: Karl Valentin und Liesl Karlstadt. Blödsinnskönig – Blödsinnskönigin. Rowohlt, Berlin 1998, ISBN 3-87134-304-8.
• Monika Dimpfl: Immer veränderlich. Liesl Karlstadt (1892 bis 1960). A-1-Verlag, Minga 1996, ISBN 3-927743-23-2.
• Liesl Karlstadt: Nebenbeschäftigung: Komikerin. Texte und Briefe. Allitera, Minga 2002, (edition monacensia) ISBN 3-935877-50-1.
• Thomas Klein: Komödiantinnen im frühen 20. Jahrhundert. Liesl Karlstadt und Adele Sandrock. Coppi-Verl., Alfeld/Leine 1999, ISBN 3-930258-65-X.
• Gunna Wendt: Liesl Karlstadt, Ein Leben. Piper, Minga u.a. 2000, ISBN 3-492-22981-6.
• Gunna Wendt: Liesl Karlstadt. Münchner Kindl und Travestie-Star. Ed. Ebersbach, Berlin 2007, ISBN 978-3-938740-38-5.
• Ria Endres: Liesl Karlstadt und ihre Verwandlungskunst. Edition Stadthaus Band 10, Ulm 2010, ISBN 978-3-934727-30-4.

Im Netz

• Literatur vo und iwa Liesl Karlstadt bei DNB und Bibliotheksverbünden: DNB; BVB (nur vo)
• Kurzbiografie
• Zwei bayerische Komiker von Welt A grouß Bordrät vom Karl Valentin und da Liesl Karlstadt vom Boarischn Rundfunk
• Vita vom Valentin-Musäum