Mostviadl

	De Viadln und Beziak vo Niadaestareich

Bliahande Baam zwischn Stanakiachn und Blindenmoakt

Higllandschaft um Scheibbs

Eisnwurzn, Hochoim Hochbärneck ba St. Anton an da Jessnitz

Des Mostviadl liegt im Südwestn vo Niadaestareich, dem gresstn Bundesland vo Estareich. Es umfosst guat 1400 km² und ziagt si vo da Donaugrenz im Nua'n und da Grenz zua Steiamoak im Südn und va Owaöstareich im Westn bis zum Weanawoid im Ostn, drum homs sas friara a Viadl owan Weanawoid gnennt.

Es is des gresste vo de via Viadln va Niadaestareich, neman Wei-, Woid-, und Industrieviadl, und trogt sein Naum zweng sein typischn alkoholischn Drangl: dem Most.

Gliedarung

Politische Gliedarung (Vawoitung)

• Amstetten
• Waidhofn an da Ybbs
• Scheibbs
• Mök südlich vo da Donau
• Lilienföd
• Tuin südlich vo da Donau
• St. Pötn-Stod und St. Pötn-Land

Geographisch-kuiturölle Gliedarung

• Mostviadla Kernlaund
• Eisnwuazn
• Strudngau
• Nibelungengau
• Wachau

Eignoat

Mostkuitua

Es gibt vü Suatn vo Opfe- und Bianmost, oft a Mischmost. Mostheirign hom a launge Tradition und a kuiturölle Bedeitung fia de Region.

Architektua

Da Viakanta is fias Mostviadl typisch. Dazua kummt oft a steus Doch, meistns a Woim- oda Krippewoimdoch.

Da Mostviadla Dialekt

A Tragatsch - a Ladda-Scheibtrucha

Des Mostviadlarische is aa ostmiddlboarische Variantn vo da boarischn Sproch. Behmische Händla hom scho fria etliche tschechische Weata mitbrocht, de wos za Lehnweatun wua san. Beispüsweis, da Tragatsch (tschechisch: Tragac; a Scheibtrucha mit ana Sprossn-Trogflächn) oda de Duchand (a Fedabettdeckn). Spoda san aa Weata ausm Weanarischn ins Mostviadl kumma: z.B. Lawua (Woschschissl) und Trottoa (Gehsteig).

De Richtungsaugom kinan im Mostviadl in jedn Deafi und jeda Stod extrem variian.

• So foad ma zum Beispüü va Grestn noch Scheibbs aussi.
• Va Lunz genauso owa, va Stoanakicha foat ma einizua.
• Im genaröön foad ma owa ind Beag eini, noch Noa'n aussi oda owi, noch Ostn und Westn daun umi.

Mostviadla Zungabrecha

• "Du host sBschteck z'spood b'schtöd."
• "Zwischn zwa Zwetschknzwoag zwitschan zwa Schwoim." oda
• "Zwischn zwa Zwetschknbam zwitschan zwa Schwoim."

Im Netz

• Mostviadl Fremdnvakea
• Mostviadla Dialekt

Viadln in Niadaestareich

Woidviadl | Weinviadl | Mostviadl | Industrieviadl