Pfiade
Aus Wikipedia
Pfiade sogd ma, wenn ma wen vaabschied. Pfiade oda Pfiati (manchmoi aa Pfia' God) is de Kurzform vo Pfiat Di God. Des wiadarum kimmt vo B'hiad Di God. Wann oana mehra Leid vaabschid, sogd a "Pfiad Eich" oda "Pfiad Enk". Bei a Respektsperson, wo ma ned per Du is, ko ma "Pfiad Eana" song.
Aussadem hod se aus dem Gruaß a eings Verb entwicklt: "si pfiat'n" sogt ma in da Mundart anstatts "si vaabschiedn".
Des Gengteil vo Pfiade is Griaßde.
