Philipp Lahm
Der Philipp Lahm (* 11. Novemba 1983 in Minga) is a bairischa Fuaßballa, der für de deitsche Nationalmannschåft spuit. Er spuit åm liaban in der Åbwehr af der linkn oda rechtn Außnbahn, aba er kånn aa guat im defensivn Mittlföid eigsetzt werdn.
Der Lahm håt ois Kind bei der FT Gern mit'm Fuaßboispuin ogfanga. 1995 is er zum FC Bayern ganga, wo er z'erst in der Jugndmannschåft gspuit håt. Åb 2001 håt er dånn bei den Amateurn in der Regionalliga Süd gspuit. 2003 is er zum VfB Stuttgart ausglieha wordn, wo er boid zum Ståmmelf ghört håt. Im Somma 2005 is er schliaßlich nåch Minga z'ruckkumma und is dort aa glei Ståmmspiela wordn.
Im Jenna 2011 is Lahm aa no zum Spuiführa der Bayern ernånnt wordn, nåchdem der Mark van Bommel, der bis dåhi Spuiführa gwesn is, zum AC Mailand ganga is. Lahms Vatråg beim FC Bayern laft bis 2016.
Netzvaweis [dro werkln]
- Hoamseitn vo Philipp Lahm (hochdeitsch)
- Steckbriaf vo Philipp Lahm af der Hoamseitn vom FCB (hochdeitsch)
