Russ

Der Artikl is im Dialekt Obaboarisch gschrim worn.

Russ moant:

• an männlichn Einwohna vo Russland;

Wei vo Russland aus de große Revolution ausganga is und de russischn Politika des ganze große Reich vo da ehemolign Sowjetunion regiert hom, z'gleich de russische Sprach ois Amtssprach goitn hod, hod ma in Bayern an jedn Eiwohna vo da Sowjetunion an Russ'n gnennt. Dea Nam füa d'Russn kimmt aus da slawischn Bezeichnung fia de Waräger, bessa bekannt ois d'Wikinga.

• a Biamischdrangl, de Russnma (Weinznbia und Zitronad)
• in Skandinavien de Abschlussfeian zum Abitur
• a Karnicklrass
• a Stodt in Bulgarien
• a Vuagsetzda, ned wirklich a Schef oba er is hoid do
• an ehemois deitschn Ort im heitign Litauen (Rusnė)
• a Gmoa im elsässischn Kanton Schirmeck

In da Mehrzoi moant Russn:

• in Essig eiglegte, zsammgroide Hering mid Zwüfü;
• in manche Tei vo Bayern de Kakalakn.

De Seitn is zua Begriffsklärung weis zua am Wort mehrare Bedeitungen oda weis untaschiedliche Formen in de Regionen gibt.