Zöi am See

Aus Wikipedia

Zej am See Zöi am See
Basisdatn
Bundeslånd:	Soizburg
Politischa Bezirk:	Zej am See (Pinzgau) (ZE)
Flächn:	55,17 km²
Koordinatn:	Koordinaten: 47° 19' N, 12° 48' O 47° 19' N, 12° 48' O
Hechn:	750 m ü. A.
Eiwohna:	9766 (31. Mäaz 2008)
Bevökarungsdichtn:	177 Eiwohna pro km²
Sunstige Datn
Postleitzoi:	5700
Vurwoi:	06542
NUTS-Region:	AT322
Gmoavawoitung:	Brucker Bundesstraße 2 5700 Zell am See
Webseitn:	www.zellamsee.salzburg.at
Politik
Burgamasta:	Koasa Bernd (Kaiser Bernd) (SPÖ)
Gmoarot: (2004)	14 SPÖ, 9 ÖVP, 2 FPÖ
Log vo da Stoud Zej am See

Da Kuroschd Zej am See oda aa Zöi am See (Standarddaitsch: Zell am See) is da Hauptoschd vom gleichnoming Bezirk im estareichischn Bundeslond Soizburg. D' Stod is nouch Soifejn d' zwoatbevejkarungsreichste Gmoan vom Pinzgau (umgongssprochlich fir 'n Bezirk) mid etwoa 10.000 Eiwohna.

D' Wuschzln vo da Stoud reichnd bis in d' Bronzezeid zrucki. Haid is Zej intanazional ois oana vo d' bedaitendstn Wintasporteschda vo Estareich, sowia a wichtiga Vakehrsknotnbunkt vo da Region.

Siadwestlich vom See lieg a unta in- und ausländische Sport- und Seeglfliagan sehr beliabta Flugblotz.

Inhoitsvazeichnis 1 Geografie 1.1 Log 1.2 Londschoft 1.3 Stoudgliadarung

[dro werkln] Geografie

[dro werkln] Log

As Zeja Beckn is d' Vabindung zwischn am Soiach- und an Soizachtoi. 's Zentrum bijdt da etwoa knopp viar Kilometa longe, guad oan Kilometa broade und bis za 68 Meta tiafe Zeja See. Doudadro grenzt da Oidstodkern im Westn, sowia d' Katastralgmoan Thoamaschbouch im Ostn, Erlberg im Siadostn und Schittdorf im Siadn.

[dro werkln] Londschoft

Wei da urspringliche Zeja See weida in Nordn sowia in 'n Siadn oichi bi hi za da Soizach ausglaffm is, befindn si haid vuroim siadlich davo grosse Supfgebiete, de seid 'm End vom 18. Johrhundaschd imma weida trockn gleegt wernd. Da See houd d' karaktarischtische Form vo na Erdnuss und sei Flächn betroug etwoa 4,7 km². Da gresste Zuafluss is da Thoamaschbouch, d' ondan Zuafliss sand oie recht kloane Bachai.

Da Hausberg vo Zej is d' Schmittnhechn, a bekonnta Berg vo da Grauwocknzone (aa Pinzgaua Grosberg gnonnt), der wous haid'z'dog vur oim fir 'n Wintasport gnitzt werschd. Da Hundstoa (Hausberg vo Thoamaschbouch), is mid seine 2.117 Metan d' hechste Dahewung vo d' Soizburga Schiefaoipm. D' Berg sand vur oim bewoidet oda weisnd londschoftlich gnutzte Wiesn auf.

[dro werkln] Stoudgliadarung

Zej gliadschd si in foigende Katastralgmoandna:

• Bruckberg (Bruckberg)
• Erlberg (Erlberg)
• Limberg (Limberg)
• Schmittn (Schmitten)
• Thoamaschbouch (Thumersbach)
• Zej am See (Zell am See)
• Schittdorf (Schüttdorf)