APAEB

Der Artikl is im Dialekt Westmiddlboarisch (Bayern) gschriem worn.

APAEB (Associação dos Pequenos Agricultores do Estado da Bahia) is a genossnschoftliche Vaeinigung vo brasilianischn Kloabauern, de wo 1980 grindt woan is. Da Haptsitz vo dera Kooperation is im Nordostn vo Brasilien, z Valente im Staat Bahia, ana vo de äamstn Regiona in Brasilien. Da Sitz fir de Eiropa-Aktivitätn, APAEB Europa, is z Weikersheim in Tauberfrankn.

Wiatschafd

Im Zentrum vo da wiatschaftlichn Tätigkeit stähd a Sisalfarm, de wo im organischn Landbau betriebm wead. Dazua kimmt de de konsequent ökologische Produktion vo Sisalteppichn in da eiganan Fabrik und de Sejbstvamoaktung. De Genossnschoft betreibt a no a Fejgerbarei, a Moikarei, an kloan Supermoakt und a Mikrokreditbank.

Buidung und Kuitua

Af kuituarella Ebene betreibt de Genossnschafd a voabuidliche Schui fia de Landoabata Kinda. Se leistet umfossenda Afklärungoabat (Gesundheit, Famuilie, Buidung, Politik usw.) und technische Betreiung fia de Bauan. APAEB gibt aa a eigane Monatszeidung aussa.

Auszeichnung

APAEB spuit im gsejschoftlichn, kuiturelln und wiatschoftlichn Lebm a entscheidende Roin fia de Region und hod Voabuidfunktion fia andare Projekte in Brasilien und da drittn Wejd. APAEB is 2002 vo da Schweiza Schwab-Stiftung ois herausragends sozialvaträglichs Projekt auszeichnet woan. Da Geschäftsfiahra Ismael Ferreira de Oliveria is ins Wejdwirtschafdsforum z Davos ois ana vo de 40 bsondas sozialn Manager berufn woan.

Beleg

Im Netz

• Hoamseitn (portugiesisch)
• Hoamseitn APAEB Europa (deitsch)
• entwicklunghilfe3.de Bahia@1@2Vorlage:Toter Link/www.entwicklungshilfe3.de (Seite nicht mehr abrufbar; Suche in Webarchiven)