Alexander Schallenberg
Da Alexander Georg Nicolas Schallenberg (* 20. Juni 1969 in Bern in da Schweiz) is a estareichischa Jurist, Diplomat und Politika fa da (ÖVP). Fam 11. Oktoba 2021 bis zum 6. Dezemba 2021 woara Bundeskanzla fa da Republik Östarreich.
Heakumpft und Ausbüdung[Werkeln | Am Gwëntext werkeln]
Ea kimp aus da ehemolign Odlsfamülie Schallenberg und is da Bua fam ehemolign Botschofta in da Schweiz Wolfgang Schallenberg. Scho 1997 hota augfaungt im Außnministerium zan hackln, 2006 isa daun ba da Ursula Plassnik Pressesprecher woan, wos a daun a fian Michael Spindelegger gmocht hot. Wia da Sebastian Kurz Außnminister woa, woa da Schallenberg fia strategische außnpolitische Planung zuaständig.
In da Brigitte Bierlein ihra Expertnregierung woara ob 3. Juni 2019 Außminista, wos a a untam Sebastian Kurz seina Regierung bliem is. Wia da Kurz zrucktretn is, isa am 11. Oktoba 2021 söba Bundeskanzla woan, hot owa am 6. Dezemba 2021 aufn Nehammer Koarl obgebn und is wieda Außnminista woan.
Trivia[Werkeln | Am Gwëntext werkeln]
- Auffoin tuat da Schallenberg oft mit seine witzign Krawattn, wo zum Beispü gaunz fü klane Dinosauria, Hirsch o.Ä. obn san.
- Lautn Genealogischn Haundbuach fam Odl hoaßta mit olle seine Vuanaum Alexander Georg Nicolas Christoph Wolfgang Tassilo, owa er söba sog, dass glei die erschtn drei passn.