Althing
Althing, isl. Alþingi, hoasst ma s Parlament vo Island. Es losst si bis anno 930 zruckvafoign und ist so s ejtaste no existiarade Parlament vo da Wejd. As Althing hod oba ned fuatlaffend bstandn, deshoib guit da Tynwald vo da Isle of Man ois de ejtaste duachgengi existiarade Voiksvatretung.
As Althing is seit 1991 a Oakammasystem.
Thing is in oin skandinavischn Sprochn s Wort fia "Vasammlung", "Zammakumpf" und "Gricht". Do is iba Rechtsstreitigkeidn und Vawoitungsoglegnheidn vahandlt worn.
As oide Althing (930 bis 1262) wor a Vasammlung vo oin frein und voijaarign Monna, wo jeds Joar an zwoa Wocha um de Summasunwend z Þingvellir stottgfundn hod. De Teinahm wor vapflichtad fia olle, wo a Mindestvamegn ghobt hom. Fia Kranke, Oide und fia aloa wiatschoftende Bauan hods a Ausnahm gebm. Ma hod si oba am Althing aa vo jemand andan vatretn lossn kena. Ban oidn Althing is voa oim um Rechtsstreidarein ganga und um de Urteisfindung dazua.
Im Netz
[Werkeln | Am Gwëntext werkeln]- Isländisches Parlament (isl., engl., dän.)
- Wahlrecht.de - Island