Island

Aus Wikipedia
Wexln zua: Navigation, Suach
Republik Island

Lýðveldið Ísland

Flag of Iceland.svg
Coat of arms of Iceland.svg
Amtssproch Isländisch
Haptstod Reykjavík
Stootsform Parlamentarische Republik
Stootsobahapt Guðni Th. Jóhannesson
Regiarungschef Bjarni Benediktsson
Fläch 103.125 km²
Eiwohna 332.750 (31. Dezemba 2015)
Dichtn 3,2 Eiwohna pro km²
Bruttoinlandsprodukt nominal (2007)[1] 20.003 Mio. US$ (93.)
Bruttoinlandsprodukt pro Eiwohna 63.830 US$ (4.)
Human Development Index (3.) 0,969
Währung Isländische Krone
Nationalhymne Lofsöngur
Nationalfeiadog 17. Juni
Zeitzone UTC±0
Kfz-Kennzoachn IS
Internet-TLD .is
Telefonvoawoi +354
Log vo Island zu Kontinentaleiropa
Log vo Island zu Kontinentaleiropa
Log vo Island im Nordatlantik
Log vo Island im Nordatlantik
Island–orte.png

Island (amtli: Republik Island, isländisch:. Lýðveldið Ísland; vgl. mhd. îs und isländisch: ís – Eis) is mid ebba 103.000 Quadratkilomeda (Landflächn: 100.250 km², Wossaflächn: 2750 km², mid Fischareizone 758.000 km²) nochm Vaeinigtn Kinereich da flächnmasse zwoatgräßte Inselstood vo Eiropa. De Haptinsl is de gräßte Vuikaninsl vo da Wejd und ligt knapp außauhoi vom neadlichn Polarkroas. Island is a Mitglied vo da EFTA, vom Eiropäischn Wiadschaftsraum, vom Noadischn Rood sowia a Grindungsmitglied vo da NATO.

De 336.060 Eihwohna (Juni 2016) lemand im am dinnstn bsiedltn Land vo Eiropa. Iba 60 Prozent vo da isländischn Bväikarung konzendriand se auf de Haptstodregion vo Reykjavík.

Geographie[VE | Weakln]

Geographisch ghead Island zu Nordeiropa, geologisch gseng zu Eiropa und Noadamerika, geopolitisch zu de Nordischn Lända und kuiduaräi zu Nordwesteiropa.

Da Inslstood befindt se sidestle vo Grönland. Noadestle ligt d Insl Jan Mayen, estle davo ligt Norwegen, sidestle lingand de Färöer, Groußbritannien und Irland.

Zwischn Grönland und Island ligt de Dänemarkstross. Neadle vo Island ligt de Grönlandsee, estle as Eiropäische Noadmeer oda „Noadpolaarmeer“, olle zwe hand Nebenmeera vom Arktischn Ozean. Im Sidn fangd da Noadadlandik o.

D Flächn vo Island bedrogt 103.125 km², davo hand 100.329 km² Landflächn und 2796 km² Wossaflächn. Da längste Fluss is de Þjórsá mid ebba 230 km. De hächste Erhebung vo da Insl ist da Hvannadalshnúkur mid 2110 m. De Küstnläng belauft se auf ebba 4.970 Kilomedda.[2]

Geologie[VE | Weakln]

Island und der Mittelatlantische Rücken

Island ligt aufm Middladlantischn Bugl und damid auf da Noadamerikanischn und auf da Eurasischen Blattn.De Blattngrenzn ziangand se diagonal iba de Insl. De Blattna dreimand im Joa um de 2 cm aussananda. A Mantelplume unda da Insl, da Island-Plume, soagt midm Vuikanismus fiaran ständign Nachschub vo gschmoizne Gstoana ausm Innern vo da Erdn, desweng bricht de Insl a da Mittn ned aussananda. De aktivn Vuikan in Island hand in ebba 30 Vulkansysteme eisodiad.

Island is a de Eiszeitn fast ois Ganze vagledschad woan. Noch arana weaman Periodn auf da Insl is amoi fast gletschafrei gwen, bis voa 1000 Joa ogfangd hod wieda käida zum wean. Heind bedeckand Gletscha wieda 11,1 Brozent vo da Landesobaflächn vo Island. Da Gletscha midm gresstn Eisvolumen vo Eiropa is da Vatnajökull. Sein Eiskappn is ganze 1000 m dick.

Landschaftsbuidl[VE | Weakln]

De Landschaft is duachn Vuikanismus und duachn Wossareichtum stoag prägt. So gibts an Haufa, zum Teil aktive Vuikan, Fliss, Seen und Wossafäll. Davo is da Dettifoss da energiereichste Wossafoi Eiropas, vom Wossavolumen pro Sekundn × Foihähn her gseng. As Isländische Hochland im Zendrum vo da Insl buidt a Periglazial-Wüstn und is fast ganz unbewohnt. A Haufa vo Gletscha deand as Gsicht vo da Insl prägn.

De Gstod am Bereich vo de isländischn Fjord is stoag zfuacht. Nema da Hauptinsl gibts mehrane gleanane Insln. Island ist gscheid dinn bsiedlt: Auf 40 km² gibts am Schnied grod um de zwoa bis vier Heisa.

Klima[VE | Weakln]

Vík í Mýrdal, da rengreichte Bloz Islands aussahoi vom Vatnajökull

As Klima is ozeanisch koid prägt, vom relativ woama Irmingerstrom (5 °C) an da sidlichn Kistn und vom koidn Grönlandstrom a da Noadost- und Sidwestkistn. De Niadaschlaag bedrongand bis zu 2000 mm im Joa a de Niadarunga im Sidn und bis zu 4000 mm aufm Vatnajökull. De gringste Niadaschlogsmenge findt ma a de Hocheema im Noadn vo Island (unda 600 mm).[3]

Wegam woama Goifstrom is as Klima in Island mäida ois in andane Regiona in dene Breangrod. De Winda hand vagleichsweis mäid und de Summa eha käida. A de letztn Joazehnte mocht se oba de globale Erwärmung duach an leichtn Ostieg vo de Duachschniedstemparaduan bemerkboa, wos a am Rickzug vo oazäine Gletschazunga bis hi zum oschmäinz vo gleanane Gletscha (zum Beispui da heind vaschwundne Ok-Gletscha) zum seng is. Am weaman is in Island a da Zeid vo Mitte Juni bis Ende August/Mitte Septemba.

De gringstn Niadaschlag foind in Island a de frian Summamaanad, obwois do grouße lokale Undaschied gibt. Im Noadostn is eha a weng druckana, wei se de Woikn oft amoi ibam 8100 km² groußn Gletscha Vatnajökull ausrengand. A de Sunnascheindaua is desweng a da Natt vom Sää Mývatn häha ois in andane Regiona vom Land. Bei Noadwind is da Effekt umdrahde: Am Noadn dromad rengand se de Woikn aus und a de Regiona im Sidn is Woam und d Sunn scheind (schau a Föhn).

Island im Winda, aufgnumma vom NASA-Satellitn Aqua am 28. Januar 2004


Monatliche Durchschnittstemperaturen und -niederschläge für Reykjavík
Jan Feb Mär Apr Mai Jun Jul Aug Sep Okt Nov Dez
Max. Temperatur (°C) 1,9 2,8 3,2 5,7 9,4 11,7 13,3 13,0 10,1 6,8 3,4 2,2 Ø 7
Min. Temperatur (°C) −3,0 −2,1 −2,0 0,4 3,6 6,7 8,3 7,9 5,0 2,2 −1,3 −2,8 Ø 1,9
Niederschlag (mm) 89 64 62 56 42 42 50 56 67 94 78 79 Σ 779
Sonnenstunden (h/d) 0,8 1,9 3,6 4,7 6,2 5,2 5,5 5,0 4,2 2,7 1,3 0,3 Ø 3,5
Regentage (d) 13,3 12,5 14,4 12,2 9,8 10,7 10 11,7 12,4 14,5 12,5 13,9 Σ 147,9
T
e
m
p
e
r
a
t
u
r
1,9
−3,0
2,8
−2,1
3,2
−2,0
5,7
0,4
9,4
3,6
11,7
6,7
13,3
8,3
13,0
7,9
10,1
5,0
6,8
2,2
3,4
−1,3
2,2
−2,8
Jan Feb Mär Apr Mai Jun Jul Aug Sep Okt Nov Dez
N
i
e
d
e
r
s
c
h
l
a
g
89
64
62
56
42
42
50
56
67
94
78
79
  Jan Feb Mär Apr Mai Jun Jul Aug Sep Okt Nov Dez

De Gschichd vo Island[VE | Weakln]

Heid nimmd ma o, daß da Enddegga vo Island da Wíkinga Garðar Svavarsson wor. Dea wo 870 af Island an Winta zuabrochd hod ond d Insl Garðarsholmur, aiso noch eam sejbst, gnennd hod.

D Landnahm duach noawegische Wikinga aba aa Kejtn vo de Bridischn Insln hod donn im 9. Joarhunderd begunna.

Im Joar 1000 hod s Althing in Þingvellir d Onnohme vom Kristndum bschlossn.

Island is am 17. Juni 1944 a unabhängigs Lond worn.

Städd[VE | Weakln]

Blick iwa Reykjavík

Rund 93 % vo da isländischn Bevejkarung hom Mitte 2008 in Städdn glebt, alloa etwa 200.000 vo insgsamt 317.593 Eihwohnan vom Land in da Haptstod Reykjavík (Stand 1. Dezemba 2009).

Gräßte Gemoandn[VE | Weakln]

Island hod 78 Gmoana, de gräßtn davo san:

Gmoan Eihwohna
(1. Dezemba 2007)
Reykjavík ¹ 117.721
Kópavogur ¹ 28.561
Hafnarfjörður ¹ 24.839
Akureyri 17.253
Reykjanesbær 13.256
Garðabær ¹ 9913
Mosfellsbær ¹ 8147
Árborg 7565
Akranes 6345
Gmoana Eihwohna
(1. Dezemba 2007)
Fjarðabyggð 5111
Fljótsdalshérað 4073
Seltjarnarnes ¹ 4428
Skagafjörður 4027
Vestmannaeyjar 4040
Ísafjarðarbær 3963
Borgarbyggð 3742
Norðurþing 2970

¹ Ballungsram Reykjavik

De Leit[VE | Weakln]

De Sproch[VE | Weakln]

De Islända sprechan d Isländische Sproch, d Omdssproch is aba ned; des kimmt da her, daß ma nia an Bedarf zur Sprochregelung gsehn hod. D Sproch stommd aas da Oidnordische Sproch und hod se wega da geogrophischen Log a poar sproch-historische Eignheidn bewohrn kenna z.B. da Buachstob Þ ond þ, dea wo vo de geamanischn Runen obstommd. Aign is aa de Islända eah Sprochpurismus, dea voaoim draaf aas is, Weadda vo ondre Sprochn zum asetzn. De modeanan Islända san aa no in da Lage Texde vo da Zaid da isländische Landnahm Literatua. S Isländische gheat zam mid da Färeeschen Sproch und am noawegischn Nynorsk zu de westnoadischen Sprochn.

D Medien[VE | Weakln]

Rundfunk[VE | Weakln]

Z´Island hams an staatlichn Radiosender und 13 private. Bei drei davo gehts um religiöse Themen.

Feansehn[VE | Weakln]

In Island hods oan effentlichen ond siem privade Senda.

Zeidunga[VE | Weakln]

Renommierde Zeidunga in Island san:

Morgunblaðið, Fréttablaðið, 24 Stundir, Dagblaðið Vísir.

Beleg[VE | Weakln]

  1. International Monetary Fund, World Economic Outlook Database, April 2008
  2. Küstenlängen aller Länder (Lexas)
  3. J. Willhardt, Chr. Sadler: Island. Erlangen 2003, S. 37

Im Netz[VE | Weakln]

64.830555555556-17.986666666667Koordinaten: 65° N, 18° W