Isländisch

Isländisch; Íslenska
Gred in	Island
Gred vo	rund 300.000
Klassifikation	Indogermanisch; Germanisch; Noadgermanisch; Isländisch;
Offizieja Status
Amtssproch	Island
Sprochcode
ISO 639-1	is
ISO 639-2	(B) ice - (T) isl
ISO 639-3	is

´

Isländisch (isländisch: íslenska) is a Sproch ausm germanischn Zweig vo da indogermanischn Sprochfamij. Se is de in Island de Amtssproch. Derzeit wead Isländisch vo rund 300.000 Menschn gred.

Da Sprochcode is is bzw. ice oder isl (nach ISO 639).

Gschicht

Des Isländische hodse (zamma mitm Färöischn) in de letztn tausnd Joahr im Bereich vo da Formenlehre (Morphologie) kaam vaändat und is so am Oidnordischn no am ähnlichstn.

Aktivitätn fia Sprochreinheit

Bis zum heitign Dog wead in Island drauf gachtet, dass meglichst wenig Fremdweata vawendt wean. Neie Begriffe wean in da Regl ausm vorhandanen Wortschotz prägt. As Wort fia „Computer”, tölva, is aus de Begriffe tala, „Zoi”, und völva, „Wohrsogarin, Seharin” zammagsetzt woan. Da Begriff fia „Aids”, alnæmi, is aus al-, „all-”, und næmi, „Empfindlichkeit”, buidt worn. Trotzdem gibts natiali a gräßare Ozoi vo ejtan Lehnweatan wia hótel („Hotel”) oda prestur („Priesta”) und a imma stäakare Flut vo Anglizismen seit de 1950a Joar. Seit 1964 gibts deshoib in Island a eigans Komitee, wo fia neimodische Begriffe rein isländische Weata findt.

A boa Beispui fian isländischn Purismus in da Gegwart:

Deitsch	Isländisch	woatweatliche Bedeitung
Aids	alnæmi	„Oiempfindlichkeit“ (al = oi-, næmi = Empfindlichkeit)
Barometer	loftvog	„Luftwoog“ (loft = Luft, vog = Waage)
Batterie	rafgeymir	„Strombehejta“ (raf = Strom, eigtl. Bernstoa; geymir = Behejta)
Bibliothek	bókasafn	„Biachasammlung“ (bók = Buach, safn = sammen, Sammlung)
Büro	skrifstofa	„Schreibstubm“
Chef	yfirmaður	„Iwamo“ (yfir = iwa, maður = Mo, Mensch)
Cello	knéfiðla	„Kniafidl“
Chemie	efnafræði	„Stoffwissenschaft“ (efna = Stoff, fræði = Lehre, Wissenschaft)
Elektrizität	rafmagn	„Bernstoakroft“ (raf = Bernstoa, magn = Kroft)
Foto	ljósmynd	„Lichtbuid“ (ljós = Liacht, mynd = Buid)
Fotoapparat	myndavél	„Buidmaschin“ (mynd = Buid, vél = Maschiin, Motoa)
Internet	alnetið	„das Oi-Netz“ (al = all-, net = Netz, -ið = das)
Konzert	tónleikar	„Tonspui“ (tónn = Ton, leika = spuin)
Margarine	smjörlíki	„buttaähnli“ (smjör = Butta, líkja = nochmocha)
Museum	safn	„Sammlung“ (safn = sammeln, Sammlung)
Musi	tónlist	„Tonkunst“ (tónn = Ton, list = Kunst)
Organisation	skipulag	„Befejslegung“ (skipun = Befej oda in dem Foi oafach Ordnung, leggja = leng)
Pass (Reise-)	vegabréf	„Wegbriaf“ (vegur = Weg, bréf = Briaf)
Politik	stjórnmál	„Leitungssoch“ (stjórn = Leitung, Vorstand, mál = Sache)
Polizei	lögregla	„Gsetzeshütung“
Problem	vandamál, vandi	„Sorgensache“ (vandi = Sorge, mál = Sache)
Programm	dagskrá	„Tagesliste“ (dagur = Dog, skrá = Liste)
Pupille	ljósop	„Liachtöffnung“
Pyjama	náttföt	„Nochtkleidung“
Radar	ratsjá	"Zurechtfindungsseng" (rata = se zurechtfindn, sjá = seng)
Radio	útvarpstæki	„Auswurfsgerät“
Restaurant	veitingahús	„Bewirtungshaus“ (veita = schenkn, gewährn, bewirtn)
Spoat	íþrótt	„in Kroft“ (þróttur = Kroft, Energie). Íþrótt is koa Neibuidung im eigntlichn Sinn, des Woat kummt in da ejdastn Literatua voa.
Summe	upphæð	„Anwachsung“ (upp = auf, hæð = Häh, Greß, Wux)
Taxi	leigubíll	„Mietauto“
Telefon	sími	„Droht“ (ursprüngli 'síma, a Neutrum, spada 'sími, Maskulinum, wo si duachgsetzt hod)
Theata	leikhús	„Spuihaus“ (leika = spuin, hús = Haus)
Ticket	farseðill	„Fohrzettl“
Vuikan	eldfjall	„Feiabeag“
World Wide Web	veraldarvefurinn	„Weijdvaflechtung“ (veröld = Wejd, vefa = webm, vaflechtn)
Zentrum	miðja	„Mitte“

Grammatik

As Isländische hod a große Vuifoit vo Formen bei de flektiaborn Weatan wia Pronomen, Substantive, Verben, Adjektiven und Zoiwertan. Duduach is des Ealerna vo dera Sproch ziemli schwaa.

Syntax

De unmarkiate Woatstejung im Isländischn is Subjekt – Prädikat – Objekt (SPO) so wia im Deitschn, olladings aa im Nemsotz (währnd im Deitschn do as Prädikat am Sotzend stähd). Isländisch is oiso a klassische V2-Sproch. Im foigndn a Beispui:

	Isländisch	Deitsch
oafacha Sotz:	Ég elska hana.	„I liab se.“
Struktua:	S – P – O	S – P – O
Sotzgfüge:	Hann veit að [ég elska hana].	„Er woaß, doss [i se liab].“
Struktur:	S – P – [S – P – O]	S – P – [S – O – P]

Literatua

Christine Jörg: Isländische Konjugationstabellen. Buske, Hamburg 1989, ISBN 3-87118-893-X.
Robert Nedoma: Kleine Grammatik des Altisländischen. 2. Auflage. Winter, Heidelberg 2006, ISBN 3-8253-5175-0.
Janez Orešnik und Magnús Pétursson: Quantity in Modern Icelandic. Arkiv för Nordisk Filologi 92 (1977), S. 155–71.
Magnús Pétursson: Lehrbuch der isländischen Sprache. Buske, Hamburg 1992, ISBN 3-87548-028-7.
Eiríkur Rögnvaldsson: Íslensk hljóðkerfisfræði. Reykjavík: Málvísindastofnun Háskóla Íslands, 1993, ISBN 9979-853-14-X.
Hans Ulrich Schmid: Wörterbuch Isländisch-Deutsch. Buske, Hamburg 2001, ISBN 3-87548-240-9.
Daniel Scholten: Einführung in die isländische Grammatik. Philyra, Minga 2000, ISBN 3-935267-00-2.
Colin D. Thompson: Isländische Formenlehre. Buske, Hamburg 1987, ISBN 3-87118-841-7.
Betty Wahl: Isländisch: Sprachplanung und Sprachpurismus. Winter, Heidelberg 2008, ISBN 978-3-8253-5513-5.

Im Netz

De Wikipedia af Isländisch — a freie Enzyklopädie

Commons: Isländische Sprache – Sammlung vo Buidl, Videos und Audiodateien

Commons: Isländische Aussprache – Sammlung vo Buidl, Videos und Audiodateien