Ampere

Aus Wikipedia
Wexln zua: Navigation, Suach
Disambig-dark.svg Fia andane Bedeitunga schau: Ampere (Begriffsklearung).
Physikalische Maasoaheid
Nama Ampere
Zoachn
Physikalische Gräss(n) Elektrische Stromsteakn, magnetische Duachflutung
Formezoachn
Dimension
System SIB
In SI-Oaheidn Basisoaheid
Gnennd noch André-Marie Ampère

As Ampere [amˈpɛɐ̯] mid SI-Symboi A, benannt nochm franzesischn Physika André-Marie Ampère, is de SI-Basisoaheid vo da elektrischn Stromsteakn und z'gleich SI-Oaheid vo da obgloadtn Gräss magnetische Duachflutung.

Obwoi ma an Nochnam vom Namgebea mid accent grave schreibt („Ampère“), wead de SI-Oaheid im deitschen und englischn Sprochraum iblichaweis ohne Akzent gschriem, oiso „Ampere“.

Mid da Definition vom Ampere im SI-Oaheitnsystem is z'glei da Weat vo da magnetische Fejdkonstantn μ0 festglegt.

Historischs[VE | Weakln]

Bevoa's Ampere ois internationale Oaheid vo da Stromsteakn festglegt worn is, hod's a Reih vo untaschiedlichn Oaheid und Definitiona gem. In Deitschland und oanign ondan Lendan woa de „Webersche Oaheid“ vo da Stromsteakn in Gebrauch, dobei woa 1 Weber-Oaheid = 0,1 Ampere. Im Vaoanigtn Kinireich hod ma z'nächst voagschlong, de Oaheid vo da Stromsteakn mid „Galvat“, noch'm italienischn Biophysika Luigi Galvani, zu bnenna, de in umhara'm heitign Ampere entsprochn hed.[1] Spada is emfois a „Weber-Oaheid“ fia de Stromsteake eihgfiaht worn, de owa oan 10 moi so houchn Weat ghod hod wia de in Deitschland gebraichliche. No vazwickta is's doduach worn, doss da Nam Weber aa fia de Oaheid vo da elektrischn Lodung bnutzt worn is, so doss donn de Stromsteakn glei „Weber-Oaheid/Sekund“ woa. Zeidweis hod ma da Weber-Oaheid aa'n Nam „Farad“ gem, womid spada de Oaheid vo da elektrischn Kapazitet bnennt worn is.[2]

Stromsteakn ois Basisoaheid[VE | Weakln]

Dad ma de Stromsteakn mid ana obgleitn Oaheid messn, wia des etwa beim CGS-Oaheidnsystem gschiacht, so hedn se de elektrischn Grässn duach de Basisoaheidn nua mid nied gonzzoihign Exponentn ausdrucka lossn. Um des z vameidn, is scho 1939 de Oaheid vo da Stromsteakn ois weitane Basisoaheid voagschlong worn.

Historische Ampere-Definition[VE | Weakln]

1898 is 1 Ampere im „Gsetz, betreffnd de elektrischn Moßoaheidn“[3] vom Deitschn Kaisareich ois de Steakn desjenign Stroms definiat, dea aus ana wässring Süwanitrat-Lösung middls Elektrolyse in ana Sekund 1,118 mg Süwa obscheidt. Des so definiate Ampere is spada ois internationals Ampere bezeichnt worn; des mid de restlichn Basisoaheid kompatible dogeng ois absoluts Ampere.[4]

Aktueje Definition[VE | Weakln]

Vaoschaulichung vo da Ampere-Definition. De blau eihzeichntn Kräfte hom jeweis an Betrog 2·10−7 N.

Seit 1948 werd's Ampere wia foigt iwa de Lorentzkroft zwoara Leita afanonda definiat:

1 A is de Steakn vom zeidli konstantn elektrischn Strom, dea im Vakuum zwischn zwoa parallejn, unendli longa, grodn Leitan mid vanochlessigboa kloan, greisfeamign Queaschnitt und'm Obstond vo 1 m zwischn dena Leitan a Kroft vo 2·10−7 Newton pro Meta Leitaläng heavoaruafa ded.[5]

A Ampere entspricht'm Fluss vo 1 Coulomb pro Sekund duach'n Leitaqueaschnitt:

1 Ampere = 1 Coulomb pro Sekund

Des bedeit'n Duachsotz vo 6,24151·1018 (uma 6 Trilliona) Elektrona pro Sekund.

1 Ampere = 1 Watt pro Volt

Voaschläg zua zuakinfting Definition[VE | Weakln]

De blaun Groas stejn Elektrona doar, de duach de Queaschnittsfläch vom Leita fliaßn. Oa Ampere entspricht oam Coulomb (≈6,242 · 1018 Elementarlodunga), des in oana Sekund duach'n Leitaqueaschnitt fliaßt.

Im Oktoba 2005 hod's Internationale Komitee fia Moß und Gwicht (CIPM) bschlossn, de Voabreitunga fiara Neidefinition vo Oaheidn Kilogramm, Ampere, Kelvin und Mol z treffa, basiand af Natuakonstantn, um de af da nachstn Generaikonferenz im Joar 2011 bschliaßn z kenna.[6] Dodraf hi is im Joar 2006 a Voaschlog zua Umsetzung vaeffntlicht worn.[7] Gmäß diesm Voaschlog wäa's Ampere definiat duach'n Fluss vo ana bstimmtn Menge vo Partikln mid da Elementarlodung pro Zeid.

Beleg[VE | Weakln]

  1. J. G. Crowther: British Scientists of the Nineteenth Century, Routledge & Kegan Paul, London, 2009, S. 246
  2. Wilhelm Jaeger: Die Entstehung der internationalen Maße der Elektrotechnik, Julius Springer Verlag, Berlin 1932, S. 8–9
  3. Gesetz auf WikiSource
  4.  Ernst Schmidt: Stand unserer Kenntnis der grundlegenden Einheiten und Konstanten der Physik und Technik. In: Naturwissenschaften. 34, Nr. 3, 1947, S. 93, doi:10.1007/BF00663124.
  5.  Das Internationale Einheitensystem (SI). Deutsche Übersetzung der BIPM-Broschüre „Le Système international d‘unités/The International System of Units (8e edition, 2006)“. In: PTB-Mitteilungen. 117, Nr. 2, 2007 (übersetzt von Cecile Charvieux), S. 156 (PDF, 1,4 MB).
  6. Preparative steps towards new definitions of the kilogram, the ampere, the kelvin and the mole in terms of fundamental constants (PDF)
  7.  Ian M Mills u. a.: Redefinition of the kilogram, ampere, kelvin and mole: a proposed approach to implementing CIPM recommendation 1 (CI-2005). In: Metrologia. Nr. 43, 2006, S. 227–246, doi:10.1088/0026-1394/43/3/006 (englisch).

Im Netz[VE | Weakln]