Architektua

Aus Wikipedia
Der Artikl is im Dialekt Südostobaboarisch gschriem worn.
Stata Center am MIT vom Frank Gehry

De Architektua is so oid wia d Menschheit. Oda fost. Es is de Kunst, wia ma scheene Haisa baut, und se werd aa Muada vo olle Kinst gnennt.

Architektn ham in olle Zeitn Moastaleistunga voibrocht. Bauwerk wia de Pyramidn, de Akropolis, an Stephansdom, de Laubm in Bozn oda as Allianzarena in Minga kennt a jeda.

Architektua wirkt se auf uns olle aus, wei ma d'meiste Zeit in irgnd am Haus drin huckan. Je nochdem, wia guad des Haus fia sein Zweck und des lokale Klima plant is, und wia de Eirichtung mit Mebe und Liachta dazuapasst, fuit ma se dodabei guat oda net so.

Oft wead iwa de neimodeane Architektua gschimpft. Es liagt owa oft ned an de Architektn, wos baut wead, sondan an de Bauherrn, und wejchan Entwurf de nemman. Oft spuit dodabei Gejd a Roin, weniga da Sinn fia des, wos schee is.

Architektua und Bau[Werkeln | Am Gwëntext werkeln]

Architektua ois Baukunst is mehra ois wia nua Baun. Zua reinan Funktion vo an Bau kummt bei Architektua aa no Gstoitung bzw. Design ois Qualität dozua.

Da berihmte remische Architekt Vitruv hods scho im easchtn Joahundad v. Kr. aufn Punkt brocht. Zua Architektua ghean drei Prinzipien: Stabilität (Firmitas), Nutzn (Utilitas) und Design (Venustas).[1]

Architektuagschicht[Werkeln | Am Gwëntext werkeln]

Architektuagschicht is zum oan a Zweig vo da Kuituawissnschoft, zum andan de Gschicht vo da Architektua iwa de Epochn wegga.

De Gschicht vo da Architektua is so oid wia de Gschicht vo da Menschheit.

Im Netz[Werkeln | Am Gwëntext werkeln]

 Commons: Architektur – Sammlung vo Buidl, Videos und Audiodateien

Online-Datenbankn za Architektn und Bauweakn

Literatuarecherche

Artikl, Portale

Beleg[Werkeln | Am Gwëntext werkeln]

  1. Vitruv: Zehn Bücher über Architektur. Übersetzt und mit Anmerkungen versehen von Dr. Curt Fensterbusch. Darmstadt: Wissenschaftliche Buchgesellschaft, 1964, ISBN 3-534-01121-X, S. 45.