Austin

Austin


Basisdatn
Gründung:	1835
Staat:	USA
Bundesstoot:	Texas
Geografische Lagn:	Koordinaten: 40° 42' N, 74° 00' W 40° 42' N, 74° 00' W
Zeitzon	Central Time (UTC-6), zwischn an 8.Mäaz und 1. Novemba UTC-5
Einwohna	790.390 (Stond: 2010)
Eihwohna Metropolregion	1.716.291
Spitznom:	Live Music Capital Of The World
Bevejkarungsdichtn:	1.213 Einwohna je km²
Hei:	149 m ü. NN
Flächa:	651,4
Postleitzahln:	78701-78705, 78708-78728, 78730-78739, 78741-78742, 78744-78769
Vorwoi:	512, 737
Politik
Buagamoasta:	Kirk Watson (D)
Skyline

Austin is de Hauptstod und de viatgräßte Stod vo Texas und liegg am Colorado River. Die Stod is sea studentisch prägt und a fi texanische Vahältnisse sea ungwöhnlich. Ois treffendes Motto gütt da Slogan "Keep Austin Weird". Austin is a de amerikanische Hauptstod fi de Livemusigg: In koana ondan Stod gibs so a groaße Dichte an Musikclubs und Konzeatn.

Geographie

Austin liegg im Südn vo Texas, rund 220 km westlich vo Houston und rund 125 km nordöstlich vo San Antonio.

Klima

As Klima vo Austin is subtropisch mit hoaßn Summan und kualn Wintan. Die Durchschnittstemparatuan gean im Summa vo 23 bis 35 °C und im Winta vo 4 bis 15 °C. Fruajohr und Herbst san worm. Da Joaresniedaschlog liegg bei rund 800 mm. Da meiste foit im Mai (121,4 mm) und da weachste im Jenna (43,4 mm). Austin hot rund 2.650 Sonnestundn im Joar.

Monatliche Durchschnittstemperaturen und -niederschläge für Austin

	Jan	Feb	Mär	Apr	Mai	Jun	Jul	Aug	Sep	Okt	Nov	Dez
Max. Temperatur (°C)	14,9	17,4	22,2	26,3	29,3	32,8	35,0	35,3	32,5	27,8	22,1	16,7	Ø	26,1
Min. Temperatur (°C)	3,7	5,6	10,6	15,4	19,2	21,9	23,3	23,3	21,0	15,6	9,9	5,1	Ø	14,6

Niederschlag (mm)	43,4	55,1	47,5	65,0	121,4	94,5	51,8	52,1	83,8	87,1	60,2	47,8	Σ	809,7

Regentage (d)	5,2	5,1	5,5	4,9	7,3	5,8	4,0	3,8	5,9	5,7	5,1	5,0	Σ	63,3

Quelle: WMO

Gschichtn

Austin is 1835 untan Nom Waterloo gründet woan und 1838 zugunstn des Gründers da texanischn Republik, Stephen F. Austin, in Austin umbnonnt woan. Seit 1839 is Austin de Hauptstod vo Texas.

Wiatschoft

In Austin gibbs vüü bekonnte Orbeitgewa, so zum Beispüü Dell Computer, Facebook, Freescale Semiconductor, IBM, Wincor Nixdorf, National Instruments, Hewlett-Packard und Applied Materials.

Vakeah

Da Flughofn Austin-Bergstrom International is 1999 aöffnet woan und liegg 8 km außahoib vo da Stod.

Medien

Die Togeszeitung fi Austin is da Austin-American Statesman und außadem ascheint wöchntlich as Vaonstoitunsmagazin Austin Chronicle. Außadem wead aufm Campus da Texas University de Studentnzeitung The Daily Texan aussagem.

Wissnschoft und Foaschung

Auf da Texas University studian 50.000 Leit, somit is sie oani da gräßtn Univeasitätn des Londes. Außadem gibs aa no einige Privatuniveasitätn.

Sport

Austin is de gräßte Stod vo da USA (noch Bevölkarung), de koa Profimoschoft in den großen US-Amerikanischn Sportligen hod.

Am 18. Novemba 2012 wead aufn Circuit of the Americas in Austin zum easchtn Moi seit 2007 wieda a Formel-1-Rennen in den USA stodfindn.

Umgebung

Da estliche Toal is recht Grea und feicht und in da weitan Umgebung gibs vüü Flüsse und Seen, somit gibs a as gonze Joar greane Londschoftn. Wossasport, Kanufohn, Schwimma und as "Tubing" (si auf an Autoroafn an Fluss ochatreim lossn) san deshoib sea beliabt.

Estlich vo Austin is relativ floch, wäarend da Westn sea hügelig is. Sie san a as scheaste Gebiet vo Texas und wean a as Hill Country gnennt. Doo befindet si, circa 160 km westlich vo Austin, da Exchanted Rock, a 150 Meta hoacha hoibrunda Granitfels, dea aa a beliabtes Ausflugszüü is.

Außadem gibs in da Umgebung a mearare Orte, dee auf a deitsche Gründung hiiweisn, zum Beispüü New Braunfels oda Fredericksburg. Wonn ma mit de Leit in Gspräch kimmb, meakt ma aa, dass es deitsche Voafoarn senn.

Städtepartnaschoftn

MEX Saltillo, seit 1968
LSO Maseru, 1978
PER Lima, seit 1981
AUS Adelaide, 1983
JPN Ōita, seit 1990
GER Koblenz, Rheinlond-Pfoiz, seit 1992
CHN Xishuangbanna, seit 1997
TUR Antalya, seit 1998
NGA Orlu, seit 2000
KOR Gwangmyeong
CAN Edmonton