Nutza:Luki/Gaidmünzn

Lydische Elektron-Trite = 1/3 Stater, 4,71 Gramm, ausn frian 6 Joahundat v.Chr.

Stater aus Korinth ausn 4 Joahundat v.Chr. midm Kopf vo da Athene

Remischa Aureus, midm obüd vom Kaisa Septimus Severus (193-21)

Gäidmünzn [dt.Geldmünzen] gibts scho vo eppa ausn spadn 7 Joahundat v.Chr. in Lydien. A Münzn aus Elektron. des woa a natiali fuakemade Legiarung aus Süwa, Goid und aa a wengl Kupfa. Des is daun mid de Stater vo de Egypta, de Griechn und de Köitn weidagaunga. De Achämenidn (Peasa) hom den Dareikos und de Rema den Aureus und den Solidus prägt. Im Guptareich - Indien homs a Goidmünzn ghobt. Uma 220 v.Chr hod in Kina eana easchta Kaisa Qin Shi Huangdi runde Kupfamünzn eigfiad. De hom in da Middn a Loch ghobt das mas af Schnia afadln hod kena, des woan daun de Käschschnia.

Gäidmünzn obn Middloata

Obm 5/6 Joahundat hods de Brakteatn und obm 13 Joahundat hods a den Süwa- Groschn gem. De easchtn Tola (Dt. Taler) san umma 1486 prägt wuan. Und da Naum vom Tola is nu Heid gbreichli, den ea lebt in de Dollar weida. In Florenz hod ma ob 1252 den Floren, lat. Florenus, ital. Fiorino d'oro, franz. Florin prägt. Dea is aa im Nuad Eiropas untan Nam Guidn (Dt. Gulden) bkaunt. Im HRR deitscha Nation hods a den Rechnungsguidn und daun den Guidntola (Reichsguldina) gem. In Bayern und Östareich hod ma umma 1750 de Konvenzionstola eigfiad aus den in Östarreich da Maria-Theresien Tola wuan is. De Araba hom eanane Denare prägt.

• 
  Süwane Brakteatn mid Obüdungan vom Kaisa Friedrich I. 12 Joahundat
• 
  Tirola Groschn uma 1280
• 
  Tola midm Obüd vom Kaisa Maximilian I (1486-1519)
• 
  Denar des Abbasidn Kalif al Amin ausn Joa 811
• 
  Deitsch Kaisareich 20 Mark Goidmünzn

De heidign Gäidmünzn vo de Stootn

Goidmünzn wean heid moast nua mea ois Saummlaschtickl, oda zwengs da Vamegnsosicharung prägt. Es san des da Wiener Philharmoniker, da American Gold Eagle, da Krugerrand, da Maple Leaf, da goid Panda und nu Aundare. Süwamünzn wean nu efta vawent. Sunst hom se de Gaidmünzn, in olle meglign Legiarungsfuaman nua mea ois Wexlgöd (Kloagaid)- Scheidemünzn im Gbrauch ghoitn.

Im Netz

 Commons: Münzn – Sammlung vo Buidl, Videos und Audiodateien

• Numismatische Online-Enzyklopädie
• Digital Library Numis (DLN) – Online numismatische Bibliothek
• http://imperiumromanum.com/wirtschaft/geld/geld_elektron_02.htm

Interwiki Notiz

• http://de.wikipedia.org/wiki/M%C3%BCnze