Black Hawk

Aus Wikipedia
Der Artikl is im Dialekt Obaboarisch gschriem worn.
Dunnawesn, a Zoachnung vom Black Hawk

Da Black Hawk (um 1832 – 1890?) woar a indianischa Medizinmo vo de Sans Arc oda Itázipčho a Stamm vo de Lakota.[1] Wejdweit bekannt is a ois Kinstla woarn. Er hod 76 foarbige Grafikn (Ledger Art) iwas Lebm vo de Lakota sowia iwa sprituelle Visiona zoachnet. De Grafikn gejtn ois voiständigste Sammlung vo Lakota-Kunst in da frian Reservationszeid und ois oanzigoartige historische und kulturelle Dokument.[1]

Da Stamm vom Black Hawk, de Sans Arc, woarn oana vo siebm Stämm vo de Lakota, oana nomadischn Gruppm vo Prärieindianan, wo dena groussn Biffeheadn gfoigt san. De Biffe woarn ollas, wo de Sans Arc zan Lebm braucht hom: Noarung, Gwand und Zejtplana fia Tipis. De Headn woarn zu dera Zeit, vo da woxndn Zoi vo de weißn Siedla, fost ausgrottet und de Prärieindiana san in Reservationa vatriem woarn, wo de Existenzbedingunga mea wia schwaar woarn.[1]

Im strenga Winta vo 1880/1881 hod da Black Hawk in da Cheyenne River Indian Reservation a Problem ghobt, sei Famij durchzbringa. Deshoib hod a an Vuaschlog vom William Edward Cato, am stootlichn Händla (Indian Trader) vo da Reservation, ognumma, gegn Bezoiung Grafikn z mocha. Da Black Hawk hod fa jede Zoachnung 50 Cents vom Caton griagt. Des woarn insgsamt 38 Dollar, wo fiad domolige Zeit a gressara Betrog gwen is. 1994 is es Ledger-Art-Buach vom Black Hawk in ana Auktion fia 400.000 Dollar an oan Privatsammla vakafft woarn.[1]

Iwas Lebm vom Black Hawk noch 1989 is ned vui bekannt. Es wead vamutet, dass a im Wounded Knee Massaka vo 1890 umkema is, des is owa ned sicha.[1]

Schau aa[Werkeln | Am Gwëntext werkeln]

Beleg[Werkeln | Am Gwëntext werkeln]

  1. 1,0 1,1 1,2 1,3 1,4 Janet Catherine Berlo: Spirit Beings and Sun Dancers: Black Hawk's Vision of the Lakota World. New York, NY: George Braziller in association with the New York State Historical Association 2000, ISBN 0-8076-1465-3

Im Netz[Werkeln | Am Gwëntext werkeln]