Boinaraad

Aus Wikipedia
Zur Navigation springen Zur Suche springen
Woppn Koartn
Wappen vo da Gmoa Boinaraad
Boinaraad
Deutschlandkarte, Position vo da Gmoa Boinaraad hervorgehoben
49.91666666666712542Koordinaten: 49° 55′ N, 12° 0′ O
Basisdatn
Bundesland: Bayern
Regiarungsbeziak: Obapfoiz
Landkroas: Tirschenreuth
Vawoitungs­gmoaschoft: Neusorg
Häh: 542 m ü. NHN
Fläch: 43,16 km²
Eihwohna: 1745 (31. Dez. 2016)[1]
Dichtn: 40 Eihwohna je km²
Postloatzoi: 95704
Voawoi: 09234
Kfz-Kennzoachn: TIR, KEM
Gmoaschlissl: 09 3 77 148
Gmoagliedarung: 35 Oatstei
Adress vo da
Gmoavawoitung:
Kirchstr. 10
95704 Boinaraad
Hoamseitn: www.pullenreuth.de
Buagamoasta: Hubert Kraus (CSU)
Log vo da Gmoa Boinaraad im Landkroas Tirschenreuth
Karte


Boinaraad (amtli: Pullenreuth), manche nennas aa Bulnaraad, is a Gmoi im Owerbfälza Landkroas Diascharaad und ghaiad zu da VG Neiasuach.

Ortsdaala[VE | Weakln]

  • Arnoldsreuth
  • Dechantsees
  • Dreihäuser
  • Funkenau
  • Gibitzenhäusl
  • Glasschleif
  • Haid
  • Haidelfurth
  • Harlachberg
  • Leimgruben
  • Lochau
  • Mengersreuth
  • Neuhof
  • Neuköslarn
  • Neuweiher
  • Pilgramsreuth
  • Pullenreuth
  • Rehbühl

Geografie[VE | Weakln]

Geografische Log[VE | Weakln]

Boinaraad liegd am Fous vom Staawold und grenzd diaregd ans Fichdlgebiach.

Nachbagmoi[VE | Weakln]

Nachbagmoi san im Uhrzeichersinn Walderschuaf, Aanduaf, Kemmat, Kulma und Neiasuach

Gschichd[VE | Weakln]

As Doaf Boinaraad is as aiaschd Mal 1244 uakundli erwähnd woan, ma gaid owa dafaa aas, dass d'Oadschafd scha mindasdns seid Amfang vom 11. Joahunad gid. Boinaraad beschdaid eichendle aas die Oadsdaala Boinaraad, Mengasraad (Böllanger) und Dechantsees. Dai drei sann owa im Laff vo da Zeid zu oin zammagwachsn. Nou da Gebiedsrefoam vo 1972 houd si as Gmoigebied erhebli vagraissad, waal Oadsdaala wai Lachau, Dreviersn oda Langadaaln dazoukumma sann, dai wou fraias sälwa a eingschdändicha Gmoi woan.

Herkumfd vom Oadsnammer[VE | Weakln]

Die Endsülm -raad kummd vo Rodung. Mengasraad kummd vom Adlsgschlechd vo di Mengasreidda (Mengasraad vo Weinbeach in Frankn), dai homm si 1407 an Grund in Riglasraad kaffd und homm doad a Buach bauad.

Räligion[VE | Weakln]

D'Boinareidda sann zuaran groussn Daal katholisch. Die ejaschd kadolisch' Kiachn is scha im 11. Joahundad gschdandn. 1668 is dann Boinaraad a eingne Pfoarei woan. Die heindiche Kiachn homs dann vo 1749 bis 1751 bauad.

Bolidig[VE | Weakln]

Gemeinderad[VE | Weakln]

Ergebnis vo da Gemeinderadswahl 2014:

  • CSU 5 Sitz
  • SPD 1 Sitz
  • FWG 3 Sitz
  • UWG 3 Sitz

Da Buachamoisda hoisd Hubert Kraus.

Wiadschafd und Imfraschdrugdua[VE | Weakln]

Boinaraad woa fraias a Agrargmoi, midlawaaln sann owa nimmer fül Bauan iwri. A Daal vo die Boinareidda oawad in di Bedriebe, wou in da Gmoi aagsiedld sann, da Grousdaal is owa aaswäads beschäfdichd.

In Boinaraad sälwa gids Medall vaoaweidnde Bedriebe und aa Vadredungen vo Kombressafiamen.

Fia d'Kiner gibds an Kinergoadn, den wous surgoua aasbauad hom und a Kinergrippm eigricht hom. A Grundschöll gidds nimma. Dai houd si aids mid die anern Schölln aas da Vawaldungsgemeinschafd zammagschlossn. Die Kiner foan eitz midn Bus aaf Neiasuach oda Iamad.

Vaeinsmäßich is aa ziemli wos lous im Doaf, fia jedn Gschmooch is wos dabaa. Graissare Vaanschdaldungen fina im Feiawea- oda Schidsnheisl schdadd, im Summer aa am Fesdbloods.

Im Netz[VE | Weakln]


  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Januar 2018 (Einwohnerzahlen auf Grundlage des Zensus 2011) (Hilfe dazu).