Dampflok

Aus Wikipedia
Zur Navigation springen Zur Suche springen

A Dampflok is a Lok, de mid Wossadampf odrim werd. Dampfloks san de easchtn maschinej odrimna Fuahweake gwen, de af an Gleis foahn. Se hom den Schienavakeah vo Ofang o, bis in'd Middn vom 20. Joarhundad ogfiahd kod. Da nazionoie und intanazionoie Handl hod se no mid'm Schienavakeah narrisch gschdeigad kod.

Oawadsweis vo da Dampflok[VE | Weakln]

A Vuizoih vo Dampfloks mid untaschiadlicha Bauweis san dabaud worn, owa nochfoingnd werd grod de eiropäische Reglbauoat mid'm klassischn Roahkessl und mid da Koimdampfmaschinin bschriem.

Afbau vo ana Dampflokomotive
Baugruppm vo da Schlepptendalok mid da Axnfoing 1'C1'
  • 01 – Schlepptenda mid Wossa - und Koinstock
  • 02 – Fiarastand
  • 03 – Dampfpfeifal
  • 04 – Steiastang
  • 05 – Kesslsicherheitsventil
  • 06 – Liachtmaschina
  • 07 – Sandkostn mid Sandfoiroa
  • 08 – Reglazug
  • 09 – Dampfdom
  • 10 – Lufdbumbm fiad Drucklufdbrems
  • 11 – Rauchkammal
  • 12 – Eistremroa
  • 13 – Rauchkammaldia
  • 14 – Handlaaf
  • 15 – Schleppraalsatz
  • 16 – Umlaaf
  • 17 – da Rama fo da Lok
  • 18 – Bremshängeisn
  • 19 – Sandfoiroa
  • 20 – Kupplstanga
  • 21 – aissare Steiarung
  • 22 – Bleil
  • 23 – Koimstanga
  • 24 – Dampfzülinda
  • 25 – Schiawa (fo da innan Steiarung)
  • 26 – Schiawakostn
  • 27 – Feiabix
  • 28 – Hoaz - und Rauchroa
  • 29 – Langkessl
  • 30 – Iwahitzelement
  • 31 – Naßdampfventilregla
  • 32 – Dampfsammekostn
  • 33 – Essn
  • 34 – Spitznsignoi
  • 35 – Bremsschlauch
  • 36 – Wossakostn
  • 37 – Koinkostn
  • 38 – Feiarost
  • 39 – Oschnkostn
  • 40 – Raalsatzlaga
  • 41 – Ausgleichshebe
  • 42 – Feda
  • 43 – Dreib- und Kupplraalsätz
  • 44 – Druckstück
  • 45 – Standroa und Blosroakobf
  • 46 – Laafraalsatz
  • 47 – Kupplung

A Dampflok bschdäd moast ausam Dampfkessl, wou se da Dampf mid da Huif fom Feia buid, da Koimdampfmaschina, wou da hoasse Dampf des Weagl odreibt, an Fogschdai und Raalsätz, damid se des Viech beweng ko und am Fiarastand, damid se des Dampfross a wida moi dabremsn losst. Fia des dasd weida fuat fon kost, hod a Dampflok a Wossa und Koin owei dabei. Entwäda af da Lok sejm, no iss a Tendalok oda afan nogfiadn Wong, aran Tenda. No sogt ma hoid Schlepptendalok dazua.

Diaggad am Rama fo da Lok is da Dampfkessl mid da Feiabixn, da Dampfmaschina und da Fiarastand dabaud. Drong wiad da Rama fom Dreibraalsatz, de Kupplraalsätz, de iwa Kupplstanga vabundn san und ofd no fo oi laa laafadn Laafraalsätz. D Koimdampfmaschina hod ofd zwe Zülinda, ko owara drei oda fia hom, de ofd aussahoi, owara innahoi am Rama drobaud san. Mid de Dreibstanga wiad da Schwung fo de Koimstanga af de Kuabezabfn fo de Raalsätz iwadrong und no fod de Gschicht.

Haubdsechle dabrennt a Dampflok Koin oda Schwaaej. Owara Hoiz, Koinschdaub, Minaroiej oda Torf is megle. Owa ned ois afamoi und ned in da sejm Lok. A Lok wo mid Schwaaej fod, ko ned mid Koin fon. Und umkead aned. Do brauchds scho späzieje Eibautn.

Im Netz[VE | Weakln]

 Commons: Dampflok – Oibum mit Buidl, Videos und Audiodateien