Draxlsriad

Draxlsrejd is a Gmoa im niedaboarischn Landkroas Reng und a staatle oakannta Erholungsoat.

Eadkund

Geografische Lag

Da Hauptoat liegt in da Region Doana-Woid im Zellatoi am Fuaß vom Heugstatt inmittn vom Boarischn Woid ungafähr 16 km eastle vo Viechtach, acht Kilometa noadwestle vo Bodnmoas sowia jeweis 22 km vo Zwiesl und da Kreisstoad Reng entfernt. Dea nachstglengne Bahnhof mit Vabindunga vo da Woidbahn befindt se in Bodnmoas.

Gmoagliedaring

Es gibt 21 Oatsteile:

Es gibt nua de Gemarkung Draxlsriad.

Gschicht

Bis zua Gmoagründung

Draxlsriad geht aaf oane vo de Grafn vo Bong trongne Besiedlungswoin zruck und wer 1184 erstmois awähnt. Im 14. Joahrhundat hot se do a Edlsitz etabliert. Um 1550 is es erstmois ois Doaf und Hofmark bezeichnat. Draxlsriad gheat zum Rentamt Straubing und zum Landgricht Viechtach vom Kuafiastum Baiern. Im Joahr 1770 hot de Familie Poschinger den Edlsitz. Im Zug vo de Vawoitungsrefoaman in Baiern is mit dem Gmoaedikt vo 1818 die heitige Gmoa entstandn.

19. und 20. Joahrhundat

No bei da Uraafnahm vo 1840 war Draxlsriad deitle in zwoa Teile trennt, in des Doaf (Draxlsriad I) und in den Schlossbsitz (Draxlsriad II) mit da Schlossbrauarei. De Trennung hot se dann jedo ollmähle vawischt, bsondas duach de Bautätigkeit noch dem Zwoatn Wöjtkriag. Zu Ofang vo de 1970a Joahr hot ma plant, Draxlsriad zum Touristnzentrum zum macha. Zu de scho voahandna 1400 Bettn soitn im Rahma vo am Großprojekt weidare 4500 Bettn bereitstöjt wern, do a Raumordungsvafahrn hot de Duachfiahrung vahindat. Weng da gringa Obwassakapazität san schließle nua 500 neie Bettn gnehmigt worn, woduach da Oat im Wesantlichn sei traditionells Oatsbuid bhoitn hot.

Eiwohnaentwicklung

Zwischn 1988 und 2018 is de Gmoa vo 2258 aaf 2455 um 197 Eiwohna bzw. um 8,7 % gwachsn.

1961: 1838 Eiwohna
1970: 1973 Eiwohna
1987: 2270 Eiwohna
1991: 2352 Eiwohna
1995; 2359 Eiwohna
2000: 2376 Eiwohna
2005: 2362 Eiwohna
2010: 2371 Eiwohna
2015: 2428 Eiwohna

Politik

Buagamoasta

Ersta Buagamoasta is Johannes Vogl (CSU). Er is 2020 mit 55,96 Prozent vo de Stimman zum Nochfoiga vo Hans Hutter (SPD) gwäjt worn.

Gmoarot

Da Gmoarot bsteht aus dem Erstn Buagamoasta und de Gmoarotsmitglieda. Seit 1. Mai 2020 san de 14 Sitz vo de Gmoarotsmitglieda wia foigt vateilt:

CSU: 7 Sitz (48,3 %)
SPD: 4 Sitz (32,0 %)
FWG: 3 Sitz (19,7%)

Wappn

Blasonierung: " Unta blaum Schuidhaupt, dorin greizt a goidana Abtstob und a suibana Schlüssl, in Goid a rot bekleidata, schwoazbärtiga Morumpf mit dreizipfligm rotm Stuiphuat." Wappngschicht: Abtstob und Schlüssl greitz im Schuidhaupt ibanehman des Wappnzeichn vo da Benediktinaobtei Obaoida, de vom 12. bis zum 14. Joahrhundat ois eataste Grundherrschoft in Draxlsriad nochweisbor is. Da sog. Heidnrumpf mit Mützn, dea ursprünglie woi a stilisierte Kinibüstn war, war oans vo de zwoa Wappnbuida vo de 1602 ausgstoamna Reischsfreiherrn vo Degnbeag; des andane Buid war a roda Lindnzweit (vgl. Frauanau). De Doafherrschoft in Draxlsriad is woi um 1400 mit dem Erb vo de Tuschl vo Söldenau an de Degnbeaga kemma, de Draxlsriad eahnam Guat Oidnußbeag inkoaporiert ham. East im 16. Joahrhundat werd Draxlsriad ois eiganständige Hofmoak gfiaht und glangt 1551 ois Degnbeaga Schenkung an Balthasar Kürmreutter.

Sehenswiadekeitn

Katholische Pfarrkiach "St. Aegidius" Draxlsriad. Des Hochoitarbuid Ägidius mit Hiaschkua und des Hochoitarauszugsbuid Trinität san vo Josef Wittmann, Mola vom Neibarock aus dem Joahr 1926.
katholische Expositurkiach "Mariä Nama" Obariad
katholische Filiokiach "St. Michael" Asboch
Waidlahaisa
Galarien vo Gloskianstla

Wirtschoft und Infrastruktua

Am Oat gibt's mehrare Galerien, de Produkte hoamischa und intanationala Gloskianstla vatreim. Tourismus spuit heit a wichtige Roin. Es hot 1998 noch da amtlichn Statistik im produzierandn Gewerbe 192 und im Bereich Handl und Vakeah koane soziavasicharungspflichtig Bschäftigte am Oabatsoat gem. Soziovasichungspflichte Bschäftigte am Wohnoat hot's insgsamt 722 gem. Im vaoabantn Gewerbe hot's koane, im Bauhauptgewerbe siem Betriebe gem. Zuadem ham im Joahr 1999 81 landwirtschoftliche Betrieb mit ana landwirtschoftlich gnutztn Fläch vo 863 ha bstandn, do warn 92 ha Ackaflächn und 771 ha Dauagrünflächn. Hautawerbsquöjn is heit die Muichwirtschoft. Im Joahr 2005 hot de Zoi vo de landwirtschoftlichn Betrieb aaf unta 70 obgnomma.

Vakeah

Da Oat werd duach de Stootsstraßn 2132 Bodnmoas-Bad Keatzting und 2636 Teisnach-Draxlsriad an des ibaeatliche Stroßnnetz ogschlossn. Direkt gengiba da südlichn Gmoagrenz beim Oatsteil Asboch ligt aaf Geiersthala Gmoagebiet da Hoitepunkt Gumpnriad-Asboch vn da Bahnstreck Gottelszell-Viechtach. Dea werd im Stundntakt vo Züg vo da Woidbahn bedient.

Buidung

Es gibt foigande Eirichtunga (Stand: 2014):

Voiksschui Draxlsriad (Grundschui)
aktive Montessori-Schui Bayawoid - Obariad
Kindagoatn Kloane Dausandfiaßla Draxlsriad
Montessori Kindahaus Draxlsriad
Gmoabiacharei St. Ägidius

Perseanlekeitn

Ernst Fuchs-Schönbach (1894-1975), Komponist (geborn in Scheanboch bei Daxlsriad)