Egon Loy

Der Artikl is im Dialekt Oba-/Niadaboarisch gschriem worn.

Egon Loy
Personalia
Name	Egon Loy
Geburtstag	14. Mai 1931
Geburtsort	Essen, Deitschland
Position	Torwart
Junioren
Jahre	Station
	TSV 04 Schwabach
Herren
Jahre	Station	Spiele (Tore)1
–1954	TSV 04 Schwabach
1954–1967	Eintracht Frankfurt	209 (0)
1967–1969	Rot-Weiß Walldorf
Stationen als Trainer
Jahre	Station
1967–	Rot-Weiß Walldorf (Spielertrainer)
1 Angegeben sind nur Ligaspiele.

Da Egon Loy (* 14. Mai 1931 in Essen) is a friara, deitscher Fuaßboitorwart, der bei Eintracht Frankfurt da "Torwart-Kini" war.

Karrier

Ogfangt hod da Loy s Fuaßboispejn beim TSV 04 Schwabach, wo a dann a mid da Bayern-Auswoi 1952 und 1954 den Länderpokal gwunna hod. So hodn im Summer 1954 Eintracht Frankfurt in d Oberliga Siad ghoid, wo er am 22. August 1954 sei easchts Spej gega Kickers Offenboch gmacht hod. Des homs 1:0 gwunna und da Loy hod gfoin, so das a Stammtorwart worn is.

Sei easchta groaßer Erfoig war am 28. Juni 1959 da Gewinn da Moasterschaft mid 5:3 in da Verlängerung gegan Lokalrivoin Kickers Offenboch. A Jar späda is er mit Frankfurt im Endspej vom Eiropapokoi in Glasgow gega Reoi Madrid gstanda, weichas Spej in England zum Bestn vo olle Fuaßboispej gwejd worn is. Trotz guada Leistung homs gega de Mannschaft um Alfredo di Stéfano und Ferenc Puskás koa Chanc ghobt und 3:7 verlorn.

Mitm Start vo da Fuaßboi-Bundesliga war Loy zwar immer no de Numma Oans bei Frankfurt, owa es sand imma wieda Gricht afkemma, das ebbas anders verpflicht wird, so 1963 Wolfgang Fahrian vo Ulm und 1964 Arkoç Özcan vo da Tirkei, do eascht 1965 is dann da Peter Kunter aus Wetzlar kemma, der wo eam dann vom Stammplotz verdrängt hod. In da Saiso 1966/67 war a dann nur no de Numma drei hinter Kunter und Siegfried Feghelm, hod a nur no zwoa Bundesliga-Spej gmacht, so das a danoch sein Obschied erklärt hod.

Weblink

• Egon Loy im Eintracht Archiv

Literatua

• B. F. Hoffmann: Das Große Lexikon der Bundesligatorhüter. Schwarzkopf & Schwarzkopf, 2003. ISBN 3-89602-526-0