Ezechiel (Buach)

Aus Wikipedia

Des Buach Ezechiel oda Hesekiel (hebr. יְחֶזְקֵאל, Jehesqel) is a Buach vom jidischn Tanach und vom Oitn Testament in da christlichn Bibel. Des Buach is noch'm Prophetn Ezechiel benonnt, da am Anfang vom 6. Joahundat v. Kr. im babylonischn Exil aftretn is.

Im Buach san sowoih Heilsworte wia aa Unheilsworte z findn. Da Ezechiel hot woi zeascht iwa des Gricht vom God iwa de Stod Jerusalem und den Templ gredt. Noch da Zastearung vo Jerusalem (586 v. Kr.) hot a oba stoddessn Rettung und Wiedaheastellung vom Voik Israel vakindt.