FE-Schrift

Schriftart	Fälschungserschwerende Schrift
Kategorie	Sans Serif
Schriftdesigner	Karlgeorg Hoefer
Auftraggeber	Bundesanstalt für Straßenwesen
Erstellung	1978–1980
Alternativname	FE-Schrift
Beispiel
vollständiger Schriftsatz

De FE-Schrift (voistandiga Nam: fälschungseaschwarende Schrift) is ab 1978 fid den Gebrauch af deitschn Kfz-Kennzeichn entwickelt woan. Seit 1994 is de Schriftort doat in Gebrauch und mittlaweil af andan Kennzeichn wejdweid vabreit.

Design

De Schrift is im Vagleich zua heakömmlichn Schriftorten sejtsam proportioniat und eascheint unförmig. Fia die automatisiate Datneafassung müssn de Zeichn bevorzugt nedproportional sa, wos bei dea bisherign Schrift DIN 1451 ned dea Fall wor. So wor de Easchwarung vo Fälschunga nua oa Aspekt; dea andare is die Maschinenlesborkeit dea Schrift, d. h. de Meglichkeit, Autokennzeichn duach automatische Nummanschuideakennung zu eafassn und aaszuawertn.

Schriftenvergleich:

Neis Kennzeichn mid FE-Schrift

Oids Kennzeichn mid DIN-1451-Schrift

Im Vagleich zua friha vawendtn DIN-Schrift is es ej nimma so oafach meglich, mid schworza Forb zum Beispui aas oan „P“ a „R“ oda aas oana „3“ a „8“ zu buidn: Olle Buachstom habb a völlig individuells Eascheinungbuid, des se ned wia iblich aas andan Buachstom obleit (ma vagleicht de Buachstom „E“ und „F“ sowia den Buachstob „O“ mid dea Zoi „0“, de jeweils meist identische Grundfoama besitzn).

De FE-Schrift is unta Eidruck dea Terroraktivitätn dea RAF in den Joarn 1978 bis 1980 vo dea Bundesanstoit fia Straßnwesn entwicklt woan,um den Kennzeichnmissbrauch zua easchwarn. De Gestoitung dea FE-Schrift iwanahm dea renommierte Schriftgestoita Karlgeorg Hoefer (1914–2000) im Aftrog dea Bundesanstoit. De uaspringlichn Zeichnfoama san noch Lese- und Anwendungstests, in Zuasammaoabat mid dea Universität Gießen, nomol modifiziat woan. So zoagte se Beispuisweis a friha, das de gestrichne Null ($\emptyset$) aa ous 8 glesn wean kinnt hod, und fihrt Karlgeorg Hoefer doraf, de Null mid oan odeitn weißn Strich rechts om zua kennzeichnen.

Scho bei dea uapringlichn Gestoitunltung spielte spuit aohe Diebstaoirate von Kfz-Kennzeiche zua Ofang dea 1970er Joar a Roi. Im Pflichtnheft is jaba de Lesborkeit fia Mensch und Maschine an easchta Stej gnannt woan. De Behindarung vo Fälschungen stand eascht an zwoata Stej, dea RAF-Terror ealaubte ollerdings a Finanzierung ois mehrjährigs Projekt. Nebn den langn Tests zog se dea volle Zeitraum vo dea Erstöiung des Pflichtnhefts 1977 bis zua Entscheidung vo 1982, de Schrift ned eizuafihrn.

Af oan Kfz-Kennzeichn san olle Zeichen dea FE-Schrift 75 mm houch. De Buachstom san 47,5 mm broad, de Ziffan 44,5 mm. Reicht dea blotz fie de Middlschrift ned aas, so derf a Engschrift-Variante vawendt wean. Fia kloane Kennzeichn, wia se beispuisweis bei Motorradln Vawendung findn, gibt es aasschließlich de vakloanate Middllschrift mid Zeichnhöhe 49 mm, deren Buachstom (Aasnahma: „I“) 31 mm und Ziffan 29 mm Broadn afweisn.

Im detschn Recht eafolgte de Vaöffentlichung dea Zeichn in Ologe 4 dea Fohrzeigzualassungsvaordnung. In Obschnitt 2.1 wiad de Schriftort mid drei Nama bezeichnet, „fälschungserschwerende Schrift“, „FE-Schrift“ und „Schrift für Kfz-Kennzeichen“, wobei letztere zur Ofordarung vo Mustan bei dea Bundesanstoit fia Straßnwesn (BASt) dient. Digitale Variantn san niemois vaöffentlicht woan, es existian ollerdings vo dritta Seitn Digitalisierungen fia den frein Download, beispuisweis „Euro Plate“. Dea Schweizer Schriftheastella Lineto hod zudem de eaweidatn Schriftn „FE Mittelschrift“ und „FE Engschrift“ aasabrocht, de vo dea FE Schrift inspiriert olle lateinischn Zeichn umfasst.

Eifihrung

Ois de FE-Schrift 1980 fertig definiert woar, gob es koa Notwendigkeit mehr zua Eifihrung, da dea linksextremistische Terror des „Deitschn Herbst“ scho obklunga wor. Die Eifihrung erfoigte vui spanda im Zuasammahang mid dem Euro-Kennzeichn. Zua Ofang dea 1990er Joar gob es infoige dea Grenzöffnung noch Ostn wiedarum a erhöhte Diebstoissrate vo Kfz-Kennzeichn, wia es se scho Ofang dea 1970er Joar gem hod. Zua dern Bekämpfung hod ma erneit Iwalegunga zua iwaoarbatung vo de Regelungen dea Kfz-Kennzeichn ogstäid und hod dobei de voi entwicklte FE-Schrift gfundn. De automatische Nummanschuiderkennung hod se middlaweil aa af oan praktikabln Stand entwicklt, sodass des Design perfekt passt hod.

Scho 1994 is des Euro-Kennzeichn in den östlichn Bundeslendan Berlin, Brandenburg und Sachsen eigefihrt woan. Des erfoigte af Basis dea obzuagsehnden Bundesvaordnung, de dann bestimmt hod, dass ob Januar 1995 in dea gesamtn Bundesrepublik de FE-Schrift zua vawendn is. Des is mid den Schengener Obkommen zamma gfoin, des de Grenzkontrolln obgschoft hod. Die Dostäiung des Landesnama im blaun Fejd des Euro-Kennzeichns easetzte des domalige zuasätzliche ovale Lendakennzeichn. Dea Voateil fihrte zua oana Iwanahme aa in andan Lendan, mid den sukzessivn Eaweidarunga ob 1998 aa in Ned-Schengen-Stootn. Ob dem 1. Novemba 2000 is dess Euro-Kennzeichn midsamt dea FE-Schrift in Deitschland voagschrim. Grundsätzlich is die Vawendung dea FE-Schrift af den Euro-Kennzeichen ned in jedem Land voagschrimm. Aa in Deutschland gibt es Aasnahma fia historische Autos, de weiterhin neie Kennzeichn in der DIN-Schrift erhoitn könn, und Militärfohrzeige vawendn duachgängig weida de oide Dostäiung. De weidläufige Vawendung hod ollerdings dazua gfihrt, dass andare Lenda, de a fälschungseaschwarnds maschinenlesbors Kennzeichn eifihrn woidn, af des Design zuruckgriffa ham. Innahoib Europas is dbei aa meist des blaue Fejd am linkn Rand iwanomma woan, wia es fia Euro-Kennzeichn definiert is, nur ohne den Sternenkranz dea EU.

Im Oktoba 2014 ham de Mitglieda dea Mercosur-Freihandlszone in Südamerika de Eifihrung vo an einheitlichn Designs fia Kennzeichn beschlossn, wobei aa de Vawendung dea FE-Schrift voagem woan is. De hod se bis dohi gegn de bisher in Brasilien vawendte Mandatory-Schrift fia Kennzeichn durch den bessan Schutz gegn Fälschung und Veaälschung im Test am INTI duachgeetzt. Im Gegnsatz zum EU-Kennzeichn mid normalaweis 52 cm Broadn is des Mercosur-Kennzeichn nur 40 cm broad, duach de Vawendung dea Engschrift könn jedoch bis zua sibm Zeichn afbrocht wean. Des Design enthoit oan blaun Streifn iwa dea Numma, wobei links om das Mercosur-Emblem stäid, rechts om de Nationalflagge und mittig dea Nam vom Land platziat wean. Geplant wor de Eifihrung in olln Stooten im Jaoar 2016. Des is aba teils bis 2008 aufgschom woan.

De frihe Aasbroatung in Afrika basiat af den Voaschleen gegn foische und gstohlne Kennzeichn duach de Utsch AG, de aa in Deitschland de reflektierndn Kennzeichn ois Neierung eibrocht hod, und jeweils de Prägewerkzeige fia Kennzeichn mid FE-Schrift gliefat hod, wia se 1994/95 in groussa Zoi produziat woan san. Laare Kennzeichn in Sidafrika san vo Ofang o mid oan afdrucktn Priafcode aasabrocht woan, dea de autorisierte Herstäiung markiert (middlaweil aa mid QR-Code). Anderswo wean dem Kfz-Hoita jeweils „dritte Kennzeichen“ midgeliefat, oiso a Afkleba fia de Scheim, dea de Kennzeicheninformationa enthoit und ned zerstörungsfrei entfernt wean kon.

Vawendung

Foignde Lenda ham den FE-Schrift iwanomma:

• Kennzeichn im Euro-Format mid an blaun Fejd am linkn Rand:
  • Deitschland ab 1995 af Euro-Kennzeichn (san seit 2000 pflicht)
  • Bosnien und Herzegowina ab 1998, seit 2009 ohne Nationalfahna an dea Stelle des EU-Emblems
  • Malta ab 2004 mid FE-Schrift, ab 1995 wan Kennzeichn scho im Euro-Format
  • Zypern ab 2013
  • Kuba ab 2013
  • Moldau ab 2015

• Kennzeichn im Mercosur-Format mid an blaun Band am oban Rand:
  • Uruguay hod de FE-Schrift scho 2001 eigefihrt und iwanahm das Mercorsur-Format scho 2015
  • Argentinien ab 2016 im Mercosur-Format
  • Paraguay ab 2016 für Neufahrzeuge, ab 2018 für alle Fahrzeuge im Mercosur-Format
  • Brasilien ab 2018 im Mercosur-Format
  • Kolumbien nur fia diplomatische Fohrzeiga, und nur des blaue Band mid Landesnama

• Lenda dea GUS mid Fejd fia de Regionskennzeichnung:
  • Usbekistan ab 2009
  • Armenien ab 2014
  • Kirgistan ab 2016

• Lenda in Afrika:
  • Südafrika ab 1994 mid dea FE-Schrift und zwoa Buachstom ois Regionalcode hinta dea Numma
  • Namibia ab 1994, iwanahm des südafrikanische Format, wechselte zua Kennzeichn beginnend mid „N“
  • Tansania fihrte de FE-Schrift in den 1990er Joar ei, Kennzeichn beginnen weida mid „T“
  • Uganda ab 1999, Kennzeichn beginnen mid „U“
  • Mosambik vamutlich ab 2000, Kennzeichn beginnen mid „M“
  • Sambia ab 2000
  • Äthiopien vamutlich ab 2002, nur Ziffan
  • Kamerun ab 2005
  • Simbabwe ab 2006
  • Ruanda ab 2007, Kennzeichn beginnen mie „R“
  • Sierra Leone ab 2007
  • Südsudan vamutlich ab 2007, nur Regierungsfohrzeige
  • Mali varmutlich ab 2008
  • Demokratische Republik Kongo ab 2009 mit zwoa Ziffan ois Herkunftsaogob hinta dea Numma
  • Burundi vamutlich ab 2009
  • Malawi vamutlich ab 2011

Einige Lenda erlaum de FE-Schrift ois Woioption fia Kennzeichn:

• de australischn Bundesstootn Victoria, New South Wales und Queensland ham a oitanativs Design fia Wunschkennzeichn mid FE-Schrift
• in Ghana könn Kennzeichn aa mid dea FE-Schrift aasgem wean.

A ähnliche Schrift ham foignde Lenda entwicklt:

• Albanien ab 2002
• Georgien
• Neuseeland
• Niederlande
• Serbien
• Slowenien (2004–2008)

Beispui

• Beispiele
• 
  Deutschland
• 
  Bosnien und Herzegowina
• 
  Malta
• 
  Zypern (neu)
• 
  Kuba
• 
  Südafrika
• 
  Australien
• 
  Chile
• 
  Uruguay (alt)
• 
  Uruguay (neu)
• 
  Argentinien
• 
  Brasilien
• 
  Kolumbien – diplomatisches Kennzeichen
• 
  Usbekistan
• 
  Armenien
• 
  Kirgisistan
• 
  Namibia
• 
  Tansania

Literatur

• Schrift für Kfz-Kennzeichen, Schriftmuster, Bundesanstalt für Straßenwesen, Bergisch Gladbach, Deutschland.

Im Netz

• FE-Mittelschrift/Engschrift bei typografie.info
• FE-Schrift „Euro Plate“, Version 1.01, TrueType-Schriftart (darf zu privaten Zwecken frei verwendet werden): Download 1, Download 2
• FE-Schrift-Imitation „Car-Go 2“