Festung Hohnsoizburg

Aus Wikipedia
Hohnsoizburg vo Leopoidskron aus gseng
Hohnsoizburg vom Oskar-Kokoschka-Weg aus gseng
Hohnsoizburg in da Nocht

D' Festung Hohnsoizburg (Hochdeitsch: Festung Hohensalzburg) is as Woahrzeichn vo da Stod Soizburg. Sie liegt auf am Stodberg (Festungsberg), owahoib vo da Oidstod, der se noch Nordwestn in 'n Mönchsberg furtsetzt. Da Auslaifa im Ostn vom Festungsberg haasst Nonnberg. Auf 'm Nonnberg befindt se direkt unta d' östlichn Aussnolong vo da Festung - d' Nonnbergbastein - s Stift Nonnberg. D' Festung Hohnsoizburg is mid üwa 7.000 m² bebauda Flächn (eischliasslich de Bastein üwa 14.000 m²) ane vo d' gresstn Burgn in Eiropa. Sie is d' gresste Burgolog aus 'm 11. Joahrhundat in Eiropa, d' gresste voiständig dahoidane Burg in Middleiropa und mid jährlich üwa 950.000 Bsuacha de am heifigstn bsuachte Sehnswiadigkeit in Östareich aussahoib vo Wean, wobei s' aa in da Bundeshauptstod nur vom Schloss Schäbrunn, Tiargortn Schäbrunn, Stefansdom und 'm Weana Proda üwatroffm wead (Bsuachastatistikn 2006 und 2007).

Haidige Nützung[Werkeln | Am Gwëntext werkeln]

Hohnsoizburg is donk vom guadn Erhoitungszuastond und da Log a Publikumsmagnet. De Festungsolog ko ohne Fiahrung ogschaut wern. Fir d' Eihwohna vom Bundeslond Soizburg is da Eitritt in d' Aussnolog kostnlos. Fir d' Innenraime (Hohe Stogg, Weahrtirm), gibt s a Fiahrung mid Audioguides. Neem de Besichtigungen findn reglmässige Konzerte stott, de Kapöin wead ebnfois gnützt. Auf da Festung befindt se no zuasätzlich s Museum vom Erzherzog-Rainer-Regiment. Aussadem findn no Kurse vo da Summaakademie Soizburg stott.

Osicht[Werkeln | Am Gwëntext werkeln]

Rundbligg vom Reggturm, 'm hächstn Punkt vo da Festung