Frongafös

Aus Wikipedia
(Weidagloadt vo Frankenfels)
Frongafös
Frankenfels

Wobben Ésterreich-Korten
Wappen von Frongafös Frankenfels
Frongafös (Österreich)
Frongafös (Österreich)
Frongafös
Basisdaten
Stoot: Ésterreich
Bundeslånd: Niederösterreich
Pólitischer Bezirk: Sankt Pölten-Land
Kfz-Kénnzaachen: PL
Flechen: 56,16 km²
Koordinaten: 47° 59′ N, 15° 20′ OKoordinaten: 47° 58′ 55″ N, 15° 19′ 31″ O
Heechen: 464 m ü. A.
Eihwóner: 1.913 (1. Jen. 2023)
Bevökarungsdichten: 34 Eihw. pró km²
Póstlaatzoi: 3213
Vurwoi: 02725
Gmaandkénnziffer: 3 19 06
Adress voh da
Gmaand­vawoitung:
Markt 10
3213 Frankenfels
Nétzseiten: www.frankenfels.at
Politik
Burgermaaster: Herbert Winter (ÖVP)
Gmaandrot: (Wahljahr: 2015)
(21 Midgliader)

15 ÖVP, 4 SPÖ, 2 FPÖ

Lage der Moaktgmoa Frongafös
Frankenfels im Bezirk Sankt Pölten-LandVorlage:Infobox Gemeinde in Österreich/Wartung/Lageplan Datei explizit
Karte
Quelle: Gmaanddaten bei da Statistik Austria

[[Vorlage:Bilderwunsch/code!/C:47.981944444444,15.325277777778!/D:typische Gesamtansicht der Gemeinde Frongafös
Frankenfels!/|BW]]

Frongafös (deitsch: Frankenfels) is a kloana Moakt mit 1913 Leid (2023) im Beziak St. Pöötn-Laund in Niedaöstareich. Frongafös wiad auf de Endsübn betont. Stodleit und heitzutogs a scho etla Dosige betonan Frongafös auf de easchte Sübn.

Geografie[Werkeln | Am Gwëntext werkeln]

Frongafös is im Mostviadl in Niedaöstareich und hod 56,16 km². 57,34 Prozent va da Flächn is Woid.

Duach Frongafös rinnt de Natters, des is a kloas Nebnbachal va da Pielach. De Pielach rinnt owa a a poahundat meta duachs Gmoagebiet.

In Frongafös gibts in Moakt und Gegendn und Rottn:

Fokaschtoarotte, Fischbomürotte, Grassarotte, Gstettngegnd, Hofstodgegnd, Koarotte, Lambogegnd, Lechagegnd, Moaknschlogrotte, Peenarotte, Pielachleitngegnd, Rosnbichlrotte, Edrotte, Taschlgromrotte, Tiafgromrotte, Übagaungrotte, Weißnbuaggegnd und Wiesrottn.

De Eiteulung fa de Rotten is fa friaraszeiten, wos in jeda Rotte an Rottmo' gebm hot, dea wos fia de Baunleit ban Buaghean gredt hot.

Gschicht[Werkeln | Am Gwëntext werkeln]

Friaraszeiten im Oitatum hot Fronkafös za da remischn Provinz Noricum gheat. Nochhea woan amoi a poa Slawen im Lond. In da neichan Zeit hom owa in Fronkafös oiweu baiern glebt.

Eihwohna[Werkeln | Am Gwëntext werkeln]

Ba da Voikszölung 2016 woan 2021 Leid Frongafösa, 2001 woans 2187, 1991 hots 2118 Eihwohna gebm, 1981 2026 und 1971 1989 Leid.

Politik[Werkeln | Am Gwëntext werkeln]

Buagamoasta is da Winta Herbert, a Mittastoa Herbert gnonnt, Vize da Eiglsreita Christof (oi zwoa ÖVP).

Im Gmoarod sitzn seit da Woi 2015:

  • De schwoazn (ÖVP): 15
  • De rotn (SPÖ): 4
  • De blaun (FPÖ): 2

Ois mitanond san des 21 Sitz'.

Vakea[Werkeln | Am Gwëntext werkeln]

De Zöla-Bon bleibt a etla moi steh' in Frongafös:

Bohnhof Schwoaznbo', Bohnhof Frongafös, Hoitstö Boding, Bohnhof Lambomü'. Friaraszeitn hots a nu de Valodareistö Weißnbuag und bis Dezemba 2010 a Hoitestö in Unterbuachbeag gem. In nexta Zeit wiad in Lambomü' a neichi werkstod baut.

Fia de Autafora geht de LB39 (Pielachtoistroßn) vabei. Ausadem geht a nu a hoiwix rewetialichi Strosn üwa Schwoaznbo' und d'Gschoad-He noch Tianitz umi und a ondare üwan Weißnbo' und Plongastoa weita umi noch Texing.

Partnagmoa[Werkeln | Am Gwëntext werkeln]

Frongafös is Partnagmoa va Hoistod in Untafrankn.

Sehnswiadigkeitn[Werkeln | Am Gwëntext werkeln]

  • de Nixhöhn
  • de Buag Weißnbuag
  • des Bergbaunmuseum Hausschtoa
  • de Zöla-bon
  • da Hoanschlittnclub frongafös
  • da Natualehrpfod
  • Radlstreckn
  • des Steinschalerdörfl

Vaonschtoitungan[Werkeln | Am Gwëntext werkeln]

  • Im Suma gibts fü Festln, z. B. Feiaweafest, Weissnbachler Feiaweafest, Schpoatlafest, Oktobafest, Frülingsfest, Sumanochtsfest.
  • Im Winta gibts etla Beula, z. B. Frongafösa Beu, Jagabeu, Simandlbeu, Krampasparty,..
  • De zwoa Musikkapön TMV Frongafös („de fongruawan“) und MV Ötschalond („de niadaran“) geman zwoa moi im Joa a Konzert.
  • De Buaggespräche auf da Buag Weißnbuag.

Sproch[Werkeln | Am Gwëntext werkeln]

In Frongafös wiad a Mostviatlarische Gottung vam Bairischn gredt. Weu Frongafös do a bissl weida weg va da Stod is, hom si nu eha gwisse Weata dahoitn wia weita aussizua. Ois Pielachtola ko ma teuweis van Dialekt dakenna (oda ehata darodn) obs oana va draussdabei (Owagrofadoaf oda Hofstetn) oda va Frongafös is.

Im Netz[Werkeln | Am Gwëntext werkeln]

 Commons: Frankenfels – Sammlung vo Buidl, Videos und Audiodateien