Niedaöstareich

Aus Wikipedia
Wexln zua: Navigation, Suach
Niedaöstareich
Niederösterreich
Österreich Karte (Niederösterreich)
Laundesflaggn Laundeswoppm
Landesflagge Landeswappen
S Wichtigste
Laundeshauptstod: St. Pötn
Greßte Stod: St. Pötn
ISO 3166-2: AT-3
Haamseitn: www.noe.gv.at
Politik
Laundeshauptfrau: Johanna Mikl-Leitner (ÖVP)
Regiarende Patein: ÖVP, SPÖ und Team Stronach
(Arbeitsübereinkommen zwischen
ÖVP und SPÖ)
Sitzverteulung im Launddog (56 Sitz): ÖVP 30
SPÖ 13
Team Stronach 5
FPÖ 4
Greane 4
letzte Woih: 03. Meaz 2013
nächste Woih: 2018
Bevökarung
Eiwohner: 1.653.419 (1. Jänner 2016)
– Raung: 2. vo 9
Bevökarungsdichtn: 86 Eihwohna/km²
Eadkunde
Flächn: 19.186,27 km²
Geografische Log: 47° 25' - 49° 1' n. Br.
14° 27' - 17° 4' ö. L.
Ausdehnung: Noad-Süd: 178 km
West-Ost: 196 km
Hechsta Punkt: 2.076 m
(Schneebeag)
Tiafsta Punkt: 139 m
(Gmoa Beag)
Vawoitungsgliedarung
Beziake: 4 Statutarstädt
21 Beziake
Grichtsbeziake: 24
Gmeindn: 573
De Johanna Mikl-Leitner (2016)

Niedaöstareich oda Niedaestareich (aumtlich: Niederösterreich), is ans vo de nein Bundeslända vo Östareich (oida Nauman: Eazheazogtum Estareich unta da Enns). Noch da Flächn is es des gresste, noch da Eihwohnazoi des zweitgresste Bundeslaund. Es grenzt im Noadn aun de Tschechei, im Noadostn aun de Slowakei, im Siidostn auns Burgnlaund, im Siidn an de Steiamoak und im Westn an Obaöstareich. Es umschliaßt des Laund Wean, des wos bis 1922 zu Niedaöstareich gheat hod. Niedaöstareich und des Nochboabundeslaund Obaöstareich san zaumman de Keanlända vom Stoot Östareich.

St. Pötn is duach a Voiksobstimmung seit 1986 Laundeshauptstod vo Niedaöstareich. Davua hod de Laundesregiarung ian Sitz in Wean ghobt.

Eadkunde[VE | Weakln]

De Viadln und Beziak vo Niedaöstareich

NE-Viadl-Beziak.jpg

Niedaöstareich is mit 19.186,27 s flächnmäßig gresste Bundeslaund vo Östareich. Es is laundschoftlich in Viadln eiteut: s Weiviadl und s Woidviadl neadlich, s Mostviadl und s Industrieviadl/Thermenregion siidlich vo da Donau. De Viadln hom, geografisch gsegn, a voikommen untaschiedliche Struktua. Währends im Mostviadl de Auslaifa vo de Koichoipen mit Beag um de 2000 m gibt, is des Woidviadl hauptsächli a Granitplateau. Im Noadostn liegts higelige Weiviadl, des wos ins floche Moachföd ofoit und siidlich vo da Donau is des Weana Beckn.

Niedaöstareich grenzt auf ana Läng vo 414 km aun de Nochbalända Tschechei und Slowakei, und is des Bundesland mit da zweitlängstn Außngrenz.

Trennt wern de Viadln in westestlicha Richtung vo da Donau, in Noad-Sid-Richtung vom Manhartsbeag und im Weanawoid vo da Thermenlinie.

Beag[VE | Weakln]

  • Schneebeag (Klosterwoppm; 2.076 m)
  • Rax (Scheibwoidhechn; 1.943 m; hexte Eahebung: Heikuppn; 2.007 m – Steiamoak)
  • Ötscha (1.893 m)
  • Dirrnnstaa (1.878 m)
  • Hochkoa (1.808 m)
  • Hochwexl (1.743 m)
  • Hoche Waund (Plockles 1.132m)
  • Diarre Waund (Kotharianenschlog 1.222 m )
  • Großa Peusta (1.061 m)
  • Hocheck (1.036 m)
  • Nöwistoa (1.017 m)
  • Eibl (1.007 m)
  • Sundaberg (704 m)

Oipm-Iwagäng[VE | Weakln]

  • Semmaring (985 m)
  • Wexl (980 m)

Fliss[VE | Weakln]

Niedaestareich wiad fost äussa gaunzes iwa de Donau entwassat. Da anzige Fluss, der sein Obfluss iwa de Moidau und de Elbe in de Noadsee hod, is de Lainsitz im Woidviadl.

De wichtigstn Fliss neadli vo da Donau san da Kamp, de Krems, de Lainsitz, de Maach und de Thaya. Sidli vo da Donau sans de Enns, de Ybbs, da Ealauf, de Mök, de Traisn, de Schwechat, de Fischa, de Schwaza, de Triesting, de Leitha und de Piasting.

Seen[VE | Weakln]

Flächnvateulung[VE | Weakln]

Kuituaoart Flächn in km² % vo da Gesaumtflächn
Ockalaund 7.000 42
Woid 6.711 40
Wiesn 1.750 11
Oiman und Weidn 300 1,7
Weigeatn 315 1,9

Natuaschutz[VE | Weakln]

Im Natuaschutz gibts vaschiedane Schutzstufn mit untaschiedlichn Prioritätn.

De Schutzstufn san:

  • Landschoftsschutzgebiet: 39 Landschoftsschutzgebiet (22% vo da Gsaumtflächn); im Vagleich zan Naturschutzgebiet san Landschoftsschutzgebiet großflächiga, Auflogn und Nutzungseinschränkungen owa geringa.
  • Nationäupark: Niedaestareich is des anzige Bundesland mit zwaa Nationäuparks, Thayatoi und Donau-Aun
  • Natuapark: 23 Natuaparks mit rund 500 km² vo da Landesflächn
  • Natuaschutzgebiet: 68 Natuaschutzgebiet mit ana Flächn vo 133 km²

Höin[VE | Weakln]

In Niedaöstareich gibts ziemlich vü Natuahöin, insgsaumt san 4082 katastamäßig erfosst. Die meistn Höin in Niedaöstrreich hom si in de Koik- und Dolomitstana va de Koikoipn büdt und san deshoib sognaunnte Kaasthöin. A da Koikmarmoa in de Zentraloipn und in da Behmischn Mossn ermeglicht de Entstehung vo Höin. Zu de gräßtn Höin vo Niedaöstareich ghean:

  • de Ötschahöin im Ötscha, 27.003 Meta laung, a Zusaummenschluss vo Taubnloch und Gödloch
  • des Pfaunnloch im Ötscha, 5.287 Meta laung
  • de Lechnerweidhöin im Dirrnsta, 5.252 Meta laung
  • des trockane Loch in Schwoaznboch an da Pielach, 4.510 Meta laung
  • de Herrmanshöin in Kiachbeag am Wexl, 4.430 Meta laung
  • de Eisnstahöin in Bod Fischau, 2.341 Meta laung

Gschicht[VE | Weakln]

Niedaestareich is des Kernlaund vo Estareich. Fria hods nua aafoch Estareich ghassn (speda: unta da Enns) und hod da Dynastie Habsburg bzw. Habsburg-Lothringen („Haus Estareich“) und in jeweuligen Gesamtstoot in Naumen gem.

Aus dem Grund is de Gschicht vo Niedaestareich mit da Gschicht vo Estareich mehr oda weniga identisch.

Bevejkarung[VE | Weakln]

Bevejkarungs-
entwicklung
Datum Eihwohna
um 1527 500.000
um 1600 580.000
um 1700 630.000
1754 922.000
1780 974.000
1790 1.000.000
1794/1795 1.028.300
1810 1.040.700
1821 1.142.600
1830 881.500
1840 896.600
1850 976.600
1857 987.900
1869 1.077.232
1880 1.152.767
1890 1.213.471
1900 1.310.506
1910 1.425.238
1923 1.426.885
1934 1.446.675
1939 1.455.329
1951 1.400.471
1961 1.374.012
1971 1.420.816
1981 1.427.849
1991 1.479.187
2001 1.542.574
2004 1.563.872
2015 1.636.287

De Bevejkarung nimmt in de zenträun Gebiete im Umlaund vo Wean laufend zua, teuweis duach Zuazug ausn städdischn Bereich, owa a duach Zuazug aus de periphean Gebiete, zum Beispü ausn Woidviadl oder aus de Raundgebiet vom Weiviadl, de teuweis aa Problemgebiet aum Orwatsmoakt san. Seit St. Pötn de Laundeshauptstod is, is a duatn a steakare Zuawaundarung festzumstöön. Wäu in sensible Gebiete wiar im Weanawoid duachn Zuazug de Gfoa vo ana Zarsiedlung gem is, wern laufend restriktivare Mossnaumen in da Raumordnungspolitik festglegt.

Da Ausländerauntäu is, gmessn aun gaunz Estareich, mit 6,3 % untaduachschnittlich.

Religion[VE | Weakln]

Im Joa 2001 woan 79,3 % vo de Bewohna remisch-katholisch, 3,3 % protestantisch mit 60 Kiachn in 27 Pfoan, 3,2 % islamisch und 10,8 % konfessionslos.

Politik[VE | Weakln]

19181934 woa Niedaestareich zeascht in via Woikraas aufteut. Da Launddog hod aus 60 Obgeordnetn bestaundn. 1932 hom de letztn demokratischn Woin vua da NS-Zeit stottgfundn: Es san ocht Woikraas büüd wuan und de Zoi vo de Obgeordnetn is auf 56 varringat wuan. So hod ma vasuacht, de domolign Großpartein auf Kosten von da imma steaka weadanden NSDAP zum steakn.

1934–1938 is des Laund ständestootlich regiat wuan, 1938–1945 is a Reichsstotthoida (Gauleita) an da Spitzn vo da Laundesvawoitung und vo da NSDAP im Laund gstaundn.

Seit 1945 wiad de Laundespolitik vo da ÖVP dominiat, de wos seit domois aa in Laundeshauptmann stöd. De Buagamaasta ghean aa meaheitlich da ÖVP aun. De SPÖ is de zweitsteakste Kroft im Laund.

Seit 2013 san im niedaestareichischn Launddog fimpf Patein vatretn:

(Staund:2013)

De Laundesregiarung setzt si zaumm ausn Laundeshauptmau, seine zwaa Stövatreta und sechs Regiarungsmitglieda, de Laundesrät gnaunnt wean. De Patein entsenden de Mitglieda vo da Laundesregiarung nochn Vahötnis vo de eareichtn Wölastimman. Daher san - obwoi de ÖVP mit absoluta Meaheit regiat - a SPÖ-Mitglieda in da Laundesregiarung vatretn.

Inan Bundesrot entsendt des Bundeslaund 12 Mandatare; davo ghean siebane der ÖVP, drei da SPÖ, ans da FPÖ und ans denan Greanan.

Im Nationäurot ist de ÖVP mit 11, de SPÖ mit 10, de FPÖ mit 6, is BZÖ und de Greanan mit je 2 Mandatare vatretn (Staund 2005).

Vawoitung[VE | Weakln]

Niedaestareich is in 21 Vawoitungsbeziake und 4 Statutaastäd gliadat. Seit da letztn Gemeinderefuam vo 1970 und a poa klaanan Ändarungen gibts 573 Gmeindn.

Noch ana Obstimmung is 1986 St. Pötn de Laundeshauptstod wuan. Da Umzug vo da Laundesregiarung und vo da Vawoitung hod bis 1996 dauat, bis duathin woa da Sitz im Laundhaus in da Herrngossn in Wean im easchtn Beziak.

Zua gleichn Zeit mit da Iwasiedlung vo da Lanudesregiarung nach St. Pötn is aa a Vawoitungsrefuam eigleit wuan, de ar a Dezenträulisiarung vo de Beheadn bedeit hod und mid dea ma de anzlnan Vawoitungsstöön näha an de anzlnan Beziakshauptmaunnschoftn augsiedlt hod.

Hauptregionen[VE | Weakln]

De niedaestareichische Landesplanung hod aus operativen Grindn des Laundesgebiet in fümpf Aktionsraime vo de regionäun Entwicklungsvabänd bzw. vo de zuaghearign Regionalmanagements untateut:

Die sognanntn Hauptregionen fossn Gebiete zaum, de wos gemeinsaume Meakmoi (geografische Lagebeziehungen, ähnliche Wirtschaftsstruktur, Ressourcenausstattung) oda ähnliche Probleme hom. Hauptaufgob is, de Aunliegn vo de Regionen zum artikulian, entwicklungsstrategisch wichtige Themenschwaapunkte zum formulian und passende Leitprojekte zum inizian.

Statutarstädde[VE | Weakln]

Des san Gmeindn, de wos ned nua des Stodrecht haum, sundan aa kaana Beziakshauptmaunschoft untastöd san und si in eanaran eiganen Stodaumt (Magistrat) söba vawoitn.

Statutarstod/Vawoitungssitz Flächn
(km²)
Einwohna Kfz-Kenn-
zeichn
Krems 051,61 km² 23.813 KS
St. Pötn 108,48 km² 51.688 P
Waidhofn an da Ybbs 131,52 km² 11.527 WY
(Weana) Neistod 060,96 km² 40.708 WN

Beziake[VE | Weakln]

Beziak Vawoitungssitz Flächn
(km²)
Eihwohna
1. Jenna 2016
Kfz-Kenn-
zeichn
Amstettn Amstettn 1.187,97 km² 114.621 AM
Bodn Bodn 0753,37 km² 143.657 BN
Bruck an da Leitha Bruck an da Leitha 0494,95 km² 044.971 BL
GanserndorfGänserndorf GanserndorfGänserndorf 1.271,31 km² 099.752 GF
Gmünd Gmünd 0786,24 km² 037.548 GD
Hollabrunn Hollabrunn 1.010,72 km² 050.604 HL
Horn Horn 0783,99 km² 031.453 HO
Korneiburg Korneiburg 0626,50 km² 077.830 KO
Krems-Land Krems 0923,95 km² 056.627 KR
Lilienföd Lilienföd 0931,55 km² 026.211 LF
Mök Mök 1.013,62 km² 077.256 ME
Mistlboch Mistlboch 1.291,30 km² 074.954 MI
ModlingMödling ModlingMödling 0277,02 km² 117.852 MD
Neinkirchn Neinkirchn 1.146,35 km² 086.344 NK
St. Pödn-Laund St. Pödn 1.121,61 km² 099.113 PL
Scheibbs Scheibbs 1.023,49 km² 041.190 SB
Tuin Tuin an da Donau 0658,03 km² 074.126 TU
Waidhofen an da Thaya Waidhofn an da Thaya 0669,14 km² 026.402 WT
Weana Neistod-Land (Weana) Neistod 0969,72 km² 076.609 WB
Zwedl Zwedl 1.399,76 km² 042.837 ZT

Wiatschoft[VE | Weakln]

De wiatschoftlich stärkstn Regionen im Laund liegn entlaung vo da Thermenlinie. De stärkste Wiatschoftskroft hom de Gebiete um Wean, mit da Entfeanung vo Wean sinkts daun in da Regl. Da Beziak Medling, in da Nähe vo Wean, hod des hechste Steiaaufkumman.

Nochm Zweitn Wödkriag is des Laund in da sowjetischn Besotzungszone glegn, wos a Nochtäu fia de wiatschoftliche Entwicklung woa. De Zastearung vo Großbetriebm, Demontagen und Reparationen (Eadöö vom Marchföd) hom si negativ ausgwiakt. Eascht nochn Obschluss vom Stootsvatrog 1955 hod in Niedaestareich da wiatschoftliche Wiedaaufbau augfaungt. Owa bis 1989 hod da Eisane Vuahaung de Gschicht no ollawäu bremst. So gibts bis heit no an großn Strom vo Doges- und Wochenendpendla zu eanare Orwadsplez in Wean.

Schau aa[VE | Weakln]

Literatua[VE | Weakln]

  • Karl Gutkas: Geschichte Niederösterreichs. Valog: Böhlau, Wean 1984

Im Netz[VE | Weakln]

 Commons: Niedaösterreich – Oibum mit Buidl, Videos und Audiodateien

Beleg[VE | Weakln]

  1. http://www.raumordnung-noe.at/dynamisch/showcontainer.php?id=75