Groteske

Aus Wikipedia
Der Artikl is im Dialekt Obaboarisch gschriem worn.
Dea Artikl do ealaitat an Bgriff vo da Groteske oijs literarische Gottung; fia ondane Bdeitunga sieg Groteske (Begriffsklearung).
Mutter Natur umgeben von grotesken Figuren in einem Fresko des 16. Jh. in der Villa d’Este.

Des Groteske (vo ital.: „grottesco" zua "grotta“, „Grotte“) bzeichnet as Seijtsom-fantastische, Hässliche oda Bizarre. De Groteske bzeichnet in oijn Kunstforma a iabatriabane unn doduach witzige Gottung. Zmoast, oba net nua, hondlts si um a deab-komischs oda narisch-seijtsoms Weak, des af vazerrande, ugwöhnliche Oat unn Weis vaschiadene, net zsammabassnde Element aus da Realität midananda vabindt, ohne dass dodabei de weakinterne Kohärenz in Frog gsteijt wead.

De Groteske wead vawendt, um de Woanehmung vo da Vazerrung, Vafremdung unn Entsteijung vo da Weijt doazsteijn. In Epochn, in dene da Glamn o a heile Weijt oscheinz bsundas valoan woa, eppan in da Epoch vo da Romantik, hot a bsundare Roijn gspuijt. A groteske Figur soijt gleizeiti Obschei unn Midleid erreng, aussarongande Beischbuij dodafia san der Glöckner von Notre-Dame, Frankensteins Monsta, unn das Phantom der Oper. Bkonnte Vafassa vo Groteskn san eppa Jean Paul, Hermann Harry Schmitz, E. T. A. Hoffmann, Fritz von Herzmanovsky-Orlando, Oskar Panizza unn Lewis Carroll sei Alice im Wunderland, oda in da Zeid noch 1945 z. B. Friedrich Dürrenmatt, Max Frisch, Ror Wolf oda Eugen Egner.

Franz Kafka wead heitzdog oft oijs da „Moasta vo da Groteskn" bzeichnet, weij de Groteske sei bvoazuagte Gottung woa unn as Groteske sein aussaoadntli eingnan Eazähijstuij in oij sein Weakn prägt hot.

Oijs Fuijm san eppan Deile vo da Serie Monty Python's Flying Circus, Das große Fressen, Die Treppe unn Tanguy oijs Groteske draht woan; wichti san aa do deab-komische unn deab-erotische Zeabuijda.