Italienisch

Italienisch; (italiano)
Sprecha	65 Milliona Muadasprochla (gschätzt)
Linguistische; Klassifikation	Indogermanische Sprachn Italische Sprachn Romanische Sprachn Italoromanische Sprachn Italienisch;
Amtlicha Status
Amtssproch vo	Italien; Schweiz; San Marino; Vatikanstod; Souveräner Malteserorden EU (EU)
Sprochcodes
ISO 639-1:	it

Italienisch oda aa Walsch is a romanische Sproch. Se werd voa oim in Italien gredt, owa aa in da Schweiz. A poor de Italienisch redn gibts aa in Krowozien und Slowenien.^[1]^[2]

Gschicht

Des Italienische staummt ois romanische Sproch vom Lateinischn ob, des si im Middloita in vui regionale Dialektt aufgspoitn hot. De Vaoaheitlichung is eascht in da Foige vo da nationaln Oanigung vo Italien im 19. Joarhundat gscheng, wobei si as Florentinische duachegsetzt hod.

Vabroadung

Italienisch werd von ebba 65 Milliona Leit ois Muadasproch gredt. De grosse Meaheit davo lebt in Italien.

In de foigendn Stootn is Italienisch a Amtssproch:

Stootn mit Italienisch ois Amtssproch
Italien Italien	ebba 56 Mio. Muadasprochla
Schweiz Schweiz	ebba 525.000 Muadasprochla, vor oim in da italienischn Schweiz, plus de rund 300.000 Italoschweiza in de andan Schweiza Gegendn
San Marino San Marino	ebba 30.000
Vatikanstod Vatikanstod	ebba 1000