Hittn

Aus Wikipedia
(Weidagloadt vo Hüttn)
Wexln zua: Navigation, Suach
Der Artikl is im Dialekt Obaboarisch gschrim worn.
Afrikanische Hittn z Bana, am kloan Doaf z Kamerun
Urform vo ana Bauhittn

A Hittn is im Untaschied zum Haus a oafochs, kloans Gebaide, des wo untaschiedlichn Zweckn deana ko.

Etymologie[VE | Weakln]

Des Woat Hittn[1][2][3][4] is im Boarischn seitm 9. Jh. belegt, im Oidboarischn und Oidhochdeitschn no ois hutta. Aus da indogermanischn Woatwuazl *hud- im Sinn vo „Schutz“. Es soi se aa vo Haus, Haut sowia Huat, Obhuat obleitn.[5] A Zommhong mid *[s]keu- „bedeckn, umhuin“ und Scheine[2] wead ognumma, aa zu Kate (mnd.: „Hittn“)[6]. Des Wort is in meahrane ondane Sprochn iwanumma worn, beispuisweis im Franzesischn ois: hutte, im Englischn ois: hut[2], in skandinavischn Sprochn (norw.: Hytte „Ferienhaisl“).

Oartn vo Hittn[VE | Weakln]

  • Bauhittn uaspringli a Hittn fia Handweaka, spada a Oart Handweakavaeinigung fia Bauhandweaka
  • Berghittn: Schutzhittn fia d'Kraxla oda Beagbewohna wia Senn/Sennerin.
  • Gloshittn, Eisnhittn usw.: Uaspringli a Hittn fia de Produktion vo Glos, Eisn usw., spada vaoigmoanat ois Produktionsstättn
  • Jagahittn: Schutzhittn fia d Jaga
  • Schihittn: Z'meist a stoanane Hittn mid Bewiatschaftung. Treffpunkt fia d'Brettlrutscha zum Zammsitzn und Brodzeidmocha.

Beleg[VE | Weakln]

  1. Kluge Etymologisches Wörterbuch der deutschen Sprache, 24. Auflage, 2002
  2. 2,0 2,1 2,2 Duden «Etymologie» – Herkunftswörterbuch der deutschen Sprache, 2. Auflage, Dudenverlag, 1989
  3. Eintrag HÜTTE, f. tugurium, casa. In: Jacob Grimm, Wilhelm Grimm: Deutsches Wörterbuch. Leipzig 1854-1960 (germazope.uni-trier.de)
  4. Eintrag Hütte In: J. G. Krünitz: Oeconomische Encyclopädie. Pauli, Berlin 1773–1858 (kruenitz1.uni-trier.de)
  5. Eihtrog HAUS, n. domus. In: Grimm: Deutsches Wörterbuch. (germazope.uni-trier.de)
  6. Eintrag Koth (das) oder die Kothe. In: Krünitz: Oeconomische Encyclopädie. (kruenitz1.uni-trier.de)

Im Netz[VE | Weakln]

 Commons: Hittn – Sammlung vo Buidl, Videos und Audiodateien