Habening

Aus Wikipedia
Habening
Wappn fêîht
Hilfe zu Wappen
Habening
Deitschlandkartn, Position vo Habening heavoghom
Basisdatn
Bundesland: Bayern
Regierungsbeziak: Obabayern
Landkroas: Miaschboch
Koordinatn: Koordinaten: 47° 53′ N, 11° 42′ O 47° 53′ N, 11° 42′ O
Hechn: 734 m ü. NN
Eihwohna: 1000
Dichtn: 1000 Eiw. pro km²
Sonstige Datn
Postleitzoi : 83607
Vorwoi: 08024
Kfz-Kennzeichn: MB
Hoamseitn:
{{{Website}}}
Politik
Buagamoasta: Josef Höß (CSU)

Habening oda aa Harbening (hochdeitsch: Hartpenning) ligd auf 734 Medda und im Noadn vom Landkroas Miaschboch guad drei Kilomedda sid-westle vo Hoizkirch weg, und ligd damid aa a da Nachad vo Däiz. Habening hod grob gschatzt dausend Einwohna und war friara amoi a eigene Gmoa, aba etz gheads zua Hoizkirch dazua.

Da Nam "Habening" leit' se ob vo "ad Hartbeningas" = "Benno am Wald"

We ma vo Habening redt, moand ma normalaweiß Groußhabening, wos gnapp dausend Einwohna hod. Gloahabening is a gleanas Darf an hoibn Kilometa estlich vo Großhabening weg. Do hams a gloane Kabejn, de wo am Heilign Sebastian gweicht is. Außerdem ghean zu Habening no Sufal, Kuaznbeag, Buach, Oschbeag und Leiddn. Zudem gibts no a Hand voi Oanadn um Habening umma.

Haifige Nam z'Habening san Meia, Reichhart, Schmi und Lofara, z'Gloahabening ofd Biachä.

Gschichd[Werkeln | Am Gwëntext werkeln]

Habening is as easchde moi im Jahr 804 urkindle eawähnt wan.

A baar Fundstick beleng zudem, dass Habening meamois a Durchgangsstation vo remische Legiona war.

Im Middloita is dann stark gschdrin wan, ob Habening mit seine umliegadn land- und forschtwiatschaflichen Gebieda zum Gloschda Dägansä oda zum Eazbischdum Minga ghean soiad.

Spoat und Muse[Werkeln | Am Gwëntext werkeln]

  • D Easchde vom Fuasboivorein TSV Habening spuid deazeid a da Kroasliga, und des ned amoi schlecht fia so an gloanan Ort. De Zwoade is momentan a da B-Glass, hod aber stark mim Obstieg z kämpfa.
  • Im Winda is as Langlaffa hint am Schbortheim recht gfrogt, d Loipn gäd ibrigens wenn a Schnä do is sogar auf Gloahabening und in Richtung Sufal umme und auf Hoizkirch owe.
  • Außadem gibts no an Schitznvorein, an "SG Bussard Habening". Im Windda is oiwä am Migga aufd Nocht am Schbortheim draus a da Biasnkamastroß Dräining und jädn Freida is "Granzlschiassn", do kochan d'Schabbaras na glei oiwä gscheid auf, im Summa wead a da Belletsmui (im Deifesgrom im odafinga Hoiz zwischn Habening und Diadramszäi) unt' Gloakaliba gschossn.
  • An eafoigreichn Stockschitznvorein hams z Habening aa, voa oim d'Jugend is do recht guad dabei.
  • Zudem hams z Habening a Blosmusekapejn, vo dera wo da Reichhart Markus da Musemoaschta is.
  • Da Habeninga Kirchachor unda da Leiddung vom Hoess Lorenz is fiad musikalische Umrahmung bei bsundane Anläss aa imma recht gfrogt.

Wirt[Werkeln | Am Gwëntext werkeln]

  • Da Klassika z'Habening is nach wia vor da "Neiwirt" (da "Heiss"). Die Kuchä is sehr fein und vo urig boarisch bis exdravagant ko ma ois bschdejn.
  • Außadem gibts no an "Oidwirt", der voa a baar Jahr nei baud worn is und etz a Via-Sterne-Hotel drin hod. Kulinarisch gibts sowieso ois, zudem hamms no an Wejnessbereich und des Wichdigsde: as "Voglhaisl", a rechd a nedde Bar und eingle a de oanzige Meglichkeit z'Habening furt zum geh, wenn ned grod "Rock im Stadl" oda sunst a Feschdl is.
  • Z'Gloahabening is no da "Schreinerwirt", der middlerwein nimma vom Schreiner Mich gfiad wead, sondan vo wem anders.

Gschäfda[Werkeln | Am Gwëntext werkeln]

Zum Eikafa gibts z'Habening leida ned recht vui. Aba des Wichdigsde is scho dabei:

  • de Darfbeggarei vo da Danna Sissi
  • da Biolon vo da Schweizarin mit heavoaragende Kas-, Gmias- und Obstwarn und no a Haufa mearas
  • de Beagzeid, wo ma ois griagd, wos iagendwia mit Wandan, Baeggeh, Graxln oda Autdoaschbort zum doa hod

Kirch[Werkeln | Am Gwëntext werkeln]

Pfarrkirch Mariä Hoamsuchung

Z'Habening gibts a Kirch im spadgotischn Stil, de wo auf "Maria Heimsuchung" gweicht is. Im Jahr 2003 und 2004 is d'Kirch renoviad wan, voa oim, um fia d'1200-Jahrfeia a scheens vom Godshaus zum ham. Da neie Altardisch is 2004 vom Weihbischof Dietl gweicht wan.

Seid da Geistliche Rat Leonhard Sutor aus Oiddas- und Gsundheitsgrind nimma so aktiv sei ko, is da Pfarrer Wachinger fias Kirchalem z'Habening zuastände.

Habening is a oagna Pfarrgmoa, ghead aba zum Pfarrvoband Hoizkirch-Habening-Feching.

1200-Jahrfeia[Werkeln | Am Gwëntext werkeln]

De Voabereitunga vo da 1200-Jahrfeia ham bereits im Jahr 2000 ogfanga und es is mid großm Engagement vo de Ortsvorein und vo da Voastandschafd organisiad wan.

Bei da Feia im Jahr 2004 ham de Habeninga voa oim recht großn Wert auf historische Gnauigkeit glegt. Während de baar dog war am Fuasboibloz a Biazejt aufgstejd, de Highlights wan undda andam da historische Markt und voa oim da historische Festzug.

De 1200-Jahrfeia war a recht großa Eafoig fia den gloan Ort und a Feschdl vo dera Art wead wahrscheinle bei am andan Anlass wiedahoid wean.